۳۶- وجه اليسُوع يتغيير

يوم من الأيام، اليسُوع خذه ثلث نفرات مِن أصحابه، بُطرُس وَ يَعقُوب و يُوحَنَّا وَ رَاح علي يبل عالي خاطر يندعون سويه. (يُوحَنَّا العمد الیسُوع بلماي، چان شخص اخر)

ابوكت الدعا، وَيِه اليسُوع گام يبرج مِثل الشمَس وَ إهدوما ظووَن مِثل نُورالأبيض المايتهيه علي الگاع.

وَ ظهرُو نبي موسی و نبي إيليا. هُما چَانو عايِشين ميات اِسْنینْ گبُل هاي. هُما گامو يسولفون وَيا اليسُوع علي مود موته بإوُرشليم.

مَن نبي موسي و نبي إيليا چَانو يِحچون وَيا اليسُوع بُطرُس گل اليسُوع: «وَايد هم زين إحنا موجودين إهنا، إسمحنّا نبني إهنا ثلث صوباط، وَحده إلك، وَحده النبي موسي وَ وَحده النبي إيليا.»

بَعَد بُطرُس مو إمخلص حچيه، نزلت مِن السما غيمه تبرج و قطتهم و طلع منها صوت إيگول: «هذا هَو إبني العزيز الي أَنا فرحَان بي. سمعو كلامه.» أصحاب اليسُوع مِن خوفهُم طاحو علی لگاع.

اليسُوع حَط إيده عليهُم و گال: «گومو وَ لاتخافون». مِن گامو يباوعون مِن هان و منّاك، غير اليسُوع ما شافو اَحد.

اليسُوع وَ ثلث أصحابه رِجعو حدر اليبل. وِاليسُوع گللهم: «هسه لاتسولفون الأحد شي الشفتو. أَنا إبهلگرُب إموت وَ ردود أحيا تالي تگدرون تسولفون لِلنّاس إشّفتو.»