۳۷- اليسُوع يحي إيليعازَر

رِيَّال چَان إبإسم إيليعازَر، هُو وَ اثنين خواته چانو مِن صدقان اليسُوع. فرد يوم اليسُوع سمع إيليعازَر حيل مرضان. مِن اليسُوع سمع هلخبر، گال: «هذا المرض ما يِكتله بِس تشوفون عظَمة االله بيه.»

اليسُوع وَايد چان يِحب إیليعازَر و خواته بِس بَعَد يومين هم ظَل بمكِان الچان بي. مِن بَعَد ماتعدن اليومين اليسُوع گل لصحابه: «تَعالو نرجع لليَهُوديه.» بِس الأصحاب گالو: «إستاذنه، بَعدهي ماتعدت چم يوم أهل اليَهُوديه رَادو يكتلونك!» اليسُوع جاوبهم: «صديقنا إيليعازَر نايم ولازم إفِزِّه.»

أصحاب اليسُوع جاوبو: «يا ربي، لو هُو مريض وَ نايم، الحاله يشفا.» بَعدِین اليسُوع وَضَحِلهم: «إيليعازَر مِيّت. بِس أَنا فرحَان إللي ماچنت إهناك يمه خاطر إتيبون ايمان بيه.»

مِن اليسُوع وصل الديرة الايليعازَر يعيش بيه، أربع تيام چان متعدي مِن موتهِ. مِرتا إخت إيليعازَر رَاحت، إستقبلت اليسُوع وَ گالت: «يا تاج راسي، لو چنت إهنا چان إخوي ما مات. بِس أَنا عندي إيمان، أَنَت كِلشي إللي إتريد مِن الله ينطيك.»

اليسُوع جاوب: «أَنا الحَياة وَ القيامة. كِلمن يؤمن بيه، حتي لويِموت، يحيا. و اليؤمن بيه مايِموت. عندچ إيمان إبهاذ الكلام؟» مِرتا جاوبت: «أي أستاذ، أَنا عندي إيمان أَنت المَسِيح، إبن الله.»

بَعْدِین مريم رَاحت لليسُوع و طاحت علي ریليه وَ گالت: «يا تاج راسي، لو چنت إهنا، چا إخوي ما مات.» اليسُوع سئلهم: «وَين دِفِنتو؟» هُما جاوبو: «إبفرد مَگبَره. تعال و شوف.» بَعْدِین اليسُوع بِچَه.

گبُر إيليعازَر چان إبفرد يحِر و چانو حاطين صخره چِبيِره جدّام باب اليحر. مِن وصل اليسُوع للمگبره گال: «وَخرو الصخره!» بَس مرتا گالت: «أربع تيام متعدي مِن مِوته. هسه بَعَد الجسد مِتعَفن.»

اليسُوع جاوب: «مُو گلت لو عندكم إيمان بيهِ إتشوفون عظَمة الرب؟» وَ هُما وخرو الصخره.

وَ بَعْدِین اليسُوع باوَع لِلسِمه وَ گال: «يا أبي، أشكرك إللي تسمعني. وَ إدري كِل وكت تسمعني، بِس گلت هِچ، الخاطر الِناس الحاظره إهنا، إييبون إيمان إللي أَنت إمِوديني.» وَ ابصوت عالي گال: «إيليعازَر، تعَال بَارّا!»

إيليعازَر، وَ هُو بَعَده بلچِفن، طَلَع مِن الگبُر. اليسُوع گللهم: «فكّو مِن چِفن خاطر يگدر يِمشي.» أكثر اليَهُود الشاف هاي المعجزه وَ يابو إيمان بليسُوع.

بِس شیوخ الدين اليَهُوديه گامو یِتحسدون، وَ التمو خاطر يِسون ديسيسه ويكتلون اليسُوع و إيليعازَر.