۳۸- الخِيانِة بِيَسُوعْ

اليَهُود كِل سِنه يحتفلون إبعِيدِ الفِصح. إبهاذ العِيد اليَهُود يِذكروُن إشلون الله ميات السِنين گبُل نَجاهُم مِن عُبُودِية مَصر. جريب ثلث إسنين گبُل ما الیَسُوع يَبْدَأ بِلإبشارة و تعِليم، گِل لِصْحَابه إيريد يِحتِفل بهاذ العِيد وَياهُم. وَ هِم گال إهناك هُو ينكِتِل.

يَهُوذَا چان وَاحد مِن أصحاب اليَسُوع وَ إيدِير الخَزانِه وَ أكثر اُوكات چان يِبوگ منها. مِن بَعَد ما اليَسُوع وَ أصحابه وصلو لأورُشَلِيم، يَهُوذَا رَاح الكَهَنَة اليهُود وَ گِلِلهْم لو يِنطونهِ إفلوس يِسلم اليَسُوع الهُم. هُو چان يدري رؤساء اليَهُود، مو قابلين بإن المَسِيح هُو چان اليَسُوع، وَ ناوين يِكتِلونِه.

شیوخ الدين اليَهُود برياسِة كاهِن الأعْظَم، إنطو ثلاثين سِكة فُظَه، خاطر يسلم اليَسُوع الهُم. نفس الکلام الأنبياء چانو گايلن بكُتُبْهم. يَهُو‌ذَا قِبَلْ وَ خِذِه الفلوس وَ رَاح. مِن ذاك الزمان چان يدَوّر علي فُرصَه خاطر يِسَلم اليَسُوع الهُم.

اليَسُوع وَ أصحَابه، إحتِفْلو إبعِيد الفِصح بأُورُشَلِيم. إبوكت عِشا العِيد، اليَسُوع خِذِه إرْقيفْ الخُبُز و جِسَمَه وَ گال: «كُضو وَ إكْلو، هذا جِسَمَي وَ بَدَني اليِنْفِدي إلكُم. سِوَّاو هذا الشِي ذكریٰ الي.» وَ هِچِي الیَسُوع گال، يِفدِي إبروحا وَ يِضحِي إبجِسَمه الهُم.

بَعَدين اليَسُوع كِضْ الكَاس وَ گِل لِصحَابه: «هذا هُو دمي بِعَهد الجَدِيد إنطیکم لِخاطِر غُفران إذنُوبكم، إشربو مِنِّه. وَ سِوَّاو هِچْ وَ ذِكروني.»

بَعَدين اليَسُوع گِل لِصحَابه: «وَاحد مِنكم يِخُون بيِه.» لأصحَاب إتعَجِبو وَ سِئلو ياهو يِسَوي هِشي. اليَسُوع گال: «كِلْ مِنْ يِكِض مني هِلُگْمَه، هُو الخايِن.» بَعَدين إنْطا اللُگْمَه اليَهُو‌ذَا.

بَعَد ما يَهُوذَا خِذِه الُگْمَه، الشَّيطَان دِشْ إبعَگلَه وَ رَاح یِم شیوخ اليَهُود خاطر يِساعدهُم يِکِضون اليَسُوع.

مِن بَعَد الأكل، اليَسُوع وَ أصحَابه رَاحو صُوب يِبِل زَيتُون. اليَسُوع گال: «اللِيله كِلكُم تِتركوني. لأن مِكتوب: «الراعي يِنضِرِبْ وَ الغنِم تِشرِد.»

بُطرُس گال: «لو لِكُل یِتركونِك، أَنا ما إتِركِك.» اليَسُوع گله: «الشَّيطَان يريد كِلكُم إتبعونه، بِس أَنا إنْدِعيلك لاتِفْگد إيمانك. بِس علیٰ كِل حال اليله قَبِل لا ديچ يِعُوعي، إنتِ ثلث مرّات تِنكِرني.»

بُطرُس گِل اليَسُوع: «حتي لو إمِوت، ما إنِكرِك.» باقي الأصحاب هِم هِچْ گالو.

اليَسُوع وَأصحابه رَاحو البستان جَثسَتيمِاني. اليَسُوع گِلِلْهُم يِنْدِعون خاطر الشَّيطَان لايِگدِر يِوَسْوِسهُم وَ تَرَكهُم وَ رَاح بكان خَلوَه وَ گام يندعي.

اليَسُوع ثلث مرّات هِچْ إندِعیٰ: «يَا أبي، لو تِسمَحلي، لاتْخَلي إشرب مِن هذا كَاس. بِس لو بَعَد ماكو درب تِغفَر الذنُوب، يجري وَ يِصير بِما إنت تگول.» فرد شكل اليَسُوع إتْشَوّش الچان يِنزِل العَرَگ مِنِّه مِثل القطْراتِ الدم. الله وَدّه مِلِك خاطر يقوي اليَسُوع .

كِل نُوبَه مِن بَعَد الدعاء، اليَسُوع يِرجَع لِصحَابه، چان يشوفهُم نایمین. مَرة الثالثه مِن رِجَع، گال: «گوموا، ذاك الخاين إهنَا.»

يَهُو‌ذَا إيِه وَ شیوخ اليَهُود وَ حُرَّاس وَ جمعية زايده چانت وَيا و بيدْهُم سيوف وَ جِناوي. يَهُوذَا إيِه صوب اليَسُوع وَ گال: «سلام إستاذي» وَ حَبَّه. وَ هاي چانت النِشان وَ العَلامِه خاطر يعَرّف اليَسُوع لليَهُود. اليَسُوع گله: «يَهُوذَا، هِچي إبفِرد حَبِّه إتخون بيِه؟»

مِن الحَرَس كِضو اليَسُوع، بُطرُس يَر سيِفه و گَص إذِن خادم كاهِن الأعظَم. اليَسُوع گِلِه: «نِزِلْ سيِفك. أَنا أگدِر إطلب مِن اُبوي يودي موجِ مِن الملائِكه يِساعدنّي. أمَّان لازم إطيع اُبوي.» وَ بَعَدين اليَسُوع شافِه إذِن الرِيَّال وَ مِن بَعَدها كِل أصحابه شِردو.