۳۹- يِحاكِمونْ اليَسُوعْ

إبنِصْ اليل، الحُرَّاس خَذوْ اليَسُوع البيت كاهِن الأعظَم خاطر يِحَاكمونِه. بُطرُس هِم چان يباوِع مِن بعيد. مِن خَذوْ اليَسُوع داخل لِلبيت، بُطرُس وُگَف بَرَّا البيت يِمِه النَّار خاطر يدفي رَوحَه.

رُوَسَاء اليَهُود گامو يِحاكمون اليَسُوع داخل البِيت. يابو وَايده شهود خاطر يشَهدو بِلچِذِبْ عليه اليَسُوع وَ تِهمُو تِهايِم. بِس أقاويلهم ماچانت وَحدِه، لهاي رُوَسَاء اليَهُود ما گِدرِو يثَبّتون عليه ذِنِب. اليَسُوع هِم مافُك السَانِه إبچِلمِه.

وَ مِن تالي، كاهِن الأعظَم بَاوِع اليَسُوع وَ گال: «گِلِلنِه، إنت هُو المَسِيح إبن الله الحي؟»

یَسُوع گال: «أي أَنا المَسِيح إبن الله، وَ فرد يوم إتشوفوني گاعِد يَمِين اُبوي وَ إرَجع مِن السمَّه لِلگاع.» كاهِن الأعظَم الچان إمْعَصِب مِن کلام اليَسُوع، شَگْ إهدومَه وَ ظَل يصيّح علیٰ باجي الكَهَنَه: «إحنا مانِحتاز بَعَد شواهيد. كِلكُم سِمَعْتو هُو گال أَنا إبن الله. شنو رَأيكم؟»

رُوَسَاء اليَهُود رَدّو علیٰ الكاهِن وَ گِلولِه: «هُو يِستَاهِل الموت.» تالي صَكَّو إعيون اليَسُوع ، وَ ظَلو يتِفلون عليه وَ يِكتِلونِه وَ يِمسخرونِه.

بُطرُس چان واگُف بَرَّه مِن البيت. شافِته وَحده خَدامِه و گِلِتْلِه: «إنت هِم چنِت وَيا اليَسُوع.» بُطرُس نِكَر. بَعَد إشوي شافِته فِرد خَدمِه وَ هِم گِلِّه إنت چنِت وَيا اليَسُوع وَ إردود هِم نِكَر. بَعَدين الناس إللي چانو واگفين إهناك گِلولِه: «إحنَا ندري إنت وَاحد مِن أصحاب اليَسُوع، چِه إنت هِم مِن أهل ديرة جَلِيل.»

بُطرُس حِلَف و گال: «الله يلعَني لو أعرف هذا الزِلمِه.» إبضيچ الَحظه الديچ گام يعُوعي وَ اليَسُوع دار وُیهِ وَ گام يباوِع البُطرُس.

بُطرُس رَاح وَ ظَل إيؤِن مِن البِچي. بذاك الوكت، يَهُو‌ذَا الخاين شاف رُوَسَاء اليَهُود حكمو علیٰ اليَسُوع بِلموت. إبْگِد ما حَس بِلذِنِب رَاح و كِتَل نَفسِه.

إبضيچ الأيام شَخُص مِن أهل الروم بِسِم بِيلاَطُوس چان يحكم علیٰ اليَهُود. باجي رُوَسَاء اليَهُود خِذوا اليَسُوع إلِه و رادو مِنِّه يِحُكم بلموت عليه. بِيلاَطُوس سأل اليَسُوع: «إنت مَلك اليَهُود؟»

اليَسُوع جاوب: «تَمام گِلِت. بِس أَنا مُلُوكيتِي مو بلأرض. لو چان هِچي، چان أصحابي حاربو علیٰ مودي. بِس أَنا إيت الهاي الدِنيِه خاطر إگِلْ لِلكِل علیٰ مود حقيقة الله وِ كل مِن يحِب الحَقيقه يسمعني.» بِيلاَطُوس سئل: «شنو هي الحَقيقه؟»

بِيلاَطُوس بعد ما حِچِه وَيا اليَسُوع طَلَع بَرَّه لِلجمعيّه و گال: «أَنا ما شِفِت ذِنِب بِهلْزِلمِه خاطر يستِحق الموت.» بِس رُوَسَاء و جمعيّه صاحو: «لازم إتصُلبونِه» و بِيلاَطُوس گال:«هُو مو مِذنِب.» بِس هِنوبا الجمعيّه صاحت إبصوت أَعْلَیٰ. وَ بعدين بِيلاَطُوس لِلمرة الثالثه گال: «هُو مو مِذنِب.»

بِيلاَطُوس مِن خوف إللي ناس لاتگوم، قِبَلْ بأن اليَسُوع مِذْنِب وَ سِلّمَه لِلحَرَس خاطر يصلبونِه. حَرَس الروم كتلو اليَسُوع وَ لِبسو هِدوم مَلك وَ گامو يِمسخرونِه وَ يگلولِه: «عاش مَلك اليَهُود.»