۴۱- الله گوَّمِ الیَسُوع مِن بِينِ المُوتِه

بَعَد مَا الحَرَس صَلَبو یَسُوع المَسِیح، إکبار الیَهُود رَاحو البِيلاطُس وَ گِلولِه: «الیَسُوع چِذِب وَ گال بَعد ثِلث تِيام يَحيِه. حَطو وَاحد يِنطِر الگبُر خاطر جِماعتِه لايبُوگون جَسَدَه.»

بِيلاطُس گال: «إخذولْكُم حَرَس وَ خِل يِتبَاهون علیر الگبُر.» هُما طِگولْهُم خَتِم علیٰ الصَخرَه وَ حَطو حَرَس خاطر لَاحَد يبوگ الجِسِد.

يوم مِن بَعَد دِفنِتْ الیَسُوع چان يوم شَبَّات وَ الشُغُل چان ممنوع وَ مَحَّد مِن صدِقان الیَسُوع گِدر يِروح علیٰ گبُره بَس يوم الثاني وَيا الفير، چم مَرَه جِهْزَن خاطر يِرحَن يِدِهنِن جِثِة الیَسُوع وَ إيعِطرِنِه.

قِبل لا يُوصلِن النِسوَان لِلگبُر، إهتِزِت الگاع. نزل مَلَاك مِن السِمه، زَح الصَخره الچانت علیٰ باب الگبُر وَ گعد عليها. المَلَاك چان يجْدَح مِن الضُوا. الحَرَس مِن شافو المَلَك هِچ، مِن خوفهُم طَاحو بِلگاع مثل المِوتِه.

النِسوَان مِن وَصلن لِلگبُر، المَلَك گِلِلهِن: «لاتْخَافِن! اليَسُوع موهنَا. شُوفِن الگبر! هُو مثل ما وَعد، گام مِن بين المُوتِه.» النِسوَان شَافِن الگبر بِليه جِسِد.

المَلَك گِل لِلنِسوَان: «رَوحَن وَ بَشرِنِ الأصْحَاب، یَسُوع گام مِن المُوتَه وِ گبِلكُم يُوصَل الدِيرِة جَلِيل.»

النِسوَان مِن فَرحَتهِن و حِيرِتهِن، وَصَّلَن الإبْشَاره لِصْحَاب المَسِيح.

مِن چَانِن النِسوَان يَاخذِن إبشَارِة الخِير، فَجأَتاً اليِسُوع ظَهَر جِدامهِن وَ هِنِّ سِجدِنلَه. یَسُوع گِلِلهِن: «لاتْخَافِن! رَوحَن وَ گِلِّن لِصحَابي يِمشُون صوب جَلِيل وَ هُما هناك يِتلَاگون وَيَاي.»