۴۳- بِدَایِة الكَنِيسَة

مِن رِجَع اليَسُوع لِلسِمِّه، أصحَابِه ظَلو بِأُورُشَلِيم مثل مَا أمَرهُم و چانو كِل وكت يِجتَمعُون سُوَه و يِندِعُون.

اليَهُود كِل سَنِه، خَمسين يوم مِن بَعَد عيد الفِصْح، بيوم مُهم بِسِم بِنطِيكَاسْت چانو يِحتِفلون و هاي الحَفلَه چانت وكت حِصَاد الحُنطَه و اليَهُود چانو يِتجمَعون مِن كِل بُكان الدِنيِه بِأُورُشَلِيم خاطر يِحتِفلون سُويِه. إبذِيچ السَنِه، العيد صَار حُدود أسبوع مِن بِعِد صُعُود المَسِيح لِلسِمِّه.

كِل المُؤمِنين بِليَسُوع مِن چانو مِجتَمعِين سُوا، سِمعَوا حِس، مثل نَفْخَةِ الهُوا. وَ شَافو شِي مثل الشَرَار مِشتَعِل فُوگ رَاسهُم. بَعدِين كِل المِجتَمعِين إِنتَرسُو مِن رُّوحِ القُدُس وَ ظَلو يِحِمدُون رَبهُم إبلُغَه حتیٰ هُما مِايعَرْفونها. الرُّوح چانت مِطيَتهُم قُدرَة الكَلام.

النَّاس الچانو يَايِين لِأُورُشَلِيم، مِن سِمعَو هذا الحِس، إجتَمعُوا خاطر يِشوفُون إشصَايِر اُو سِمعَو المُؤمِنين يِبِشرون أَعمَال الله. الأصحَاب، إتعَجَبو مِن شافو النَّاس يِفتِهمُونِّلهُم شِي گولون. چِه بِبلَادهُم چانت النَّاس تِحچِي إبغیر لسان. هُما چانو مِن إسرَائيل و يِحچون بِلُغَةِ أّرَامِيَّةِ و العِبرِانيَّةِ و اليُونَانِيَّة. بِس النَّاس سِمعَت أصحَاب اليَسُوع يِبشرونهُم بِلُغَتهُم.

بَعَض النَّاس چانت إتگُول، أصحَاب اليَسُوع سَكرَانِين. بِس بُطرُس گِلِلهُم: «إسِمعُوا! هِذول الجِمَاعَه مو سِكَارا! بِس هُما يِحچون بِبشَارَة نَبي يُوئِيل إللي گال: «إبآخِر أيام، أَنَا إِرسِل رُوحي علیٰ کِلّ البَشَر.»

«يَا بَني إسرائيل، اليَسُوع چان شَخُص إللي بِقِدرَة الله يِسَوي أّشغَال عَجيبِه و غَريبه خاطر يعَرِف نَفسِه عَلينِه. إِنتُم هِم تِدرون بِلهِشِي و چِنتو شَاهدِين عَليه، بِس صَلَبتُو علیٰ الصَلِیب.»

«اليَسُوع مَات و الله گوُّمَه مِن بين المُوتِه و هاذي شَهَادِة علیٰ كلام نبي إللي گال: يَا رَبي، إِنتِ مَاتخَلي جِسِد إِبنَك الوَحِيد يِفسِد بِلگَبُر و إحنِا شَاهدِين إِنتِ إتشِيلِه مِن بين الأمْوَات.»

وَ هِسِه الله الأَبْ، إمگَعِد اليَسُوع إبأعلیٰ بُکان بِسِمِه یعني علیٰ يَمِينِه. اليَسُوع مثل ما چان إموَاعِدنِا، مِن بَعَد صُعُودِه، وَدِه رُّوح القُدُس و كِل هَايه النشُوفها و نِسمَعها مِن رُّوح القُدُس.

إِنتُم صَلِبتُو الیَسُوع، بِس إِجِنّو، الله جَعَل اليَسُوع رَبَنَّا و المَسِيح المَوعُود.»

النَّاس وّايِد إتأَثَرَت مِن حَچِي و كلام بُطرُس. لِهَايه سِئلو مِنِه و مِن بَاقي الأصحَاب: «يَا إخوَانِّه، هِسِه شِنسُوي؟»

بُطرُس جَاوب: «كِلكُم مِحتَاجين تِنغُفر إذنُوبكُم. تُوبُوا و بِسِم اليَسُوع المَسِیح إتعَمِدُو و بَعدِين الله يِهدِيلكُم رُّوح القُدُس.»

جریب ثلث تَالَاف نَفَر آمِنَو إبكلام بُطرُس و صَارو مِن أصحَاب المَسِيح. هُما إتعَمِدو بِلمَاي و جتَمعَو ويا المُؤمِنين إبكَنِيسِة أُورُشَلِيم.

المُؤمِنين چانوا كِل وكت يِسِمعون تَعَالیم المُرسِلين و يِجتَمعون و يَاكلون سُوا و يِندعون سُوا. هُما چانو بِلجَمِع يِعبدون الله، و يِتشَاركون إبكِلشِي الچان عِدهُم. النَّاس چانت تِحچي إبزِنيتهُم و كِل يوم چانو نَاس أكثَر، يِبُون إيمَان ابالله.