۴۴- بُطرُس و يُوحَنَّا يِشَافُون المْجَدّي
يوم مِن الأيَام بُطرُس و يُوحَنَّا چانو يِرحون بُكان لِلعِبَاده. جِريب الدَخْلَةِ الدِيرِه، شَافولهُم وَاحِد إمگَرَم يِجَدِّي.
بُطرُس عَاينَلِه و گال: «أَنَا مَاعِندِي إنطِيك إفلُوس، بِس كِلشِي إللي عِندي إنطِيك إياه و گِلِه إبقُدرَة إِسِم اليَسُوع گُوم وَ إمشِي!»
الله إبنَفسِ لَحظه شَافَا و هو مِيشِه و مِن فَرَحةِ گام يِحمِد الله. الوَادم الچانو بِلمَعبَد إتعَجِبِت مِن هَلشِي.
جَمعيِّه زَايدِه إجتِمعَت خاطر يِشوفون المْگَرَم المِتشَافِي. بُطرُس گِل لِجِمَاعَه: «لا تعَجِبون مِن شَفِه هذا الزِلمِه! إحنا ما شَافِينَا إبدِیَانِتنِه. هاي چانت قُوَة اليَسُوع إللي شَافته، چِه إحنا مُؤمنين بِي.»
«إنتُم الوَادم طَلَبتو مَن مُحَافظ حَاکم الرُومِي يِكتِل اليَسُوع. اليَسُوع إللي چان يِحي المَيِت، إنتُم کِتِلتو، بِس الله حِيَّا مِن بين المُوتِه. صِدِگ ماچِنتو تِدرون شِتسَوون، بِس بيَّنْتَو عُلوم الأنبياء و صَار مثل ما چانو گاييلين المَسِیح لازم يِتعَذَب و يِمُوت. الله رَاد هِچي إيصير. تُوبُوا و رِجعُو لِاَلله، خاطر يَغفُّر عَن إذنُوبكُم.»
مِن اكبَار المَعبَد سِمعَو حَچِي بُطرُس و يُوحَنَّا، وَايِد عَصِبُو و كَضُوهُم و حِبسُوهُم. بِس أكثَر الوَادم إللي سَمعَو كلام بُطرُس و يُوحَنَّا، آمِنُو وعِدِّة المُؤمِنين وُصَل الخَمِس تَالَاف نَفَر.
يوم الثاني، رؤسَاء اليَهُود، يَابو بُطرُس و يُوحَنَّا ويا المگَرَم، يِم كَاهِن الچبير و رِجَّال الدين. هُما سِئلُو مِن بُطرُس و يُوحَنَّا: «إبيَا قُدرَة شَافيتو هذا المگَرَم؟»
بُطرُس جاوب: «هذا الزِلمِه الوَاگُف جِدَامكُم، شِفِه إبقُدرَة اليَسُوع المَسِيح. إنتُم صَلَبتُو اليَسُوع علیٰ الصَلِيب، بِس الله إردود حَيَّا مِن بين المُوتِه! و إنتُم رَفَضتُو، بِس مَاكو أي دَرُب خاطر تِنجون، الّا قُوَة اليَسُوع!»
رِجَّال الدين تعَجِبو مِن شِجَاعَة بُطرُس و يُوحَنَّا چِه هُما چانو عَامِّيِن و مَاعِدهُم سواد. فِرد نُوبَا رِجَّال الدین إتذَكَرو، بُطرُس و يُوحَنَّا چانو وَيِّا اليَسُوع و گِللوهُم: «لو بَعَد نُوبَا يِبتُو طَارِي اليَسُوع، إنعَاگِبكُم.» هُما مِن بَعَد ما هَدِدَوْ بُطرُس و يُوحَنَّا، فِكُوهُم.
قُصَةْ مَأخوذِهْ مِنْ کِتابِ الْمُقِدِّسْ: (کِتاب أعمَال الرُّسُل فَصل ۳ و فَصل ۴)
مجاني للاستخدام والتعديل والمشاركة بترخيص مفتوح (CC BY-SA 4.0).