۴۵- استِیفَان وَ فِیلِبُّسْ

استِیفَان چان وَاحِد مِن شیُوخ كَنَایِس القديمه و النَّاس وَايِد چانو يِحتِرمُونه. الله چان إمفَضَل عليه وَ مَاخِذ قُوَتِه مِن رُّوحِ القُدُس. النَّاس چانت وَايِد شَايفِه مِنِه مُعجِزات وَلخاطر هاي إجِنُّو حَچيِه علیٰ مود اليَسُوع.

يوم مِن الأيام إللي استِیفَان چان يِحچِي وَيا النَّاس علیٰ مود اليَسُوع، بَعَض اليَهُود إللي ماچانو يِقبِلون اليَسُوع گامو يِجادلونه. هُما چِذِبو استِیفَان و گِلو لِلناس: «إحنا سِمِعنا هُو يِغلَط علیٰ الله و نبي مُوسی.» الخاطر هاي کِضو استِیفَان وَ خِذو يِم كَاهِنهُم الچبير وَ بَعَض كبار اليَهُود.

الكَاهِن الچبير سَئل استِیفَان: «حِچي النَّاس صِدِگ؟» استِیفَان إبجواب الكَاهِن وضَحْلَه وَايِد أشياء. هُو گال، الله مِن زمان إِبراهِيم حتیٰ زمان اليَسُوع سَوَّه أشياء چيبيره و عظيمه البني إِسرَائيل، بِس هُما چِم مَرّه تِمردو علیٰ رَبهُم. هُو گِللهُم: «إنتُم شَعَب طَاغين وعَنيدِين و مَاتقِبلون رُّوح القُدُس، مثل اُبَهَاتنِه إللي ماچانو يقبلون الله و يكتلون الانبياء. بَس إنتُم سويتو اَخَص مِن هاي و كِتِلتَو المَسِيح!»

رِجَّال الدين مِن سِمعَو هِل حَچِي وَايِد عَصِبَو و صَكّو إذَانهُم و ظَلو يبَغْجُون. هُما خِذو استِیفَان بَرَّ البِلد و گامو يِرمون إحيَار عليه خاطر يِمُوتُونِه.

استِیفَان مِن چان یِجَالِع گال: «يَا يَسُوع تِقَبّل هاي الرُوح.» و إردود رِكَع و گال: «لَا تِحْسِب عليهم هذا الذِنِب» و تَالي سِلِّم رُوحا و مَات.

ذَاك اليوم وَايِد مِن أهل أُورُشَلِيم گامو يِلَوعُون بِجِمَاعَةِ المُؤمِنين بِليَسُوع و هُما شِردَو الغير مَناطِق. بِس بأی مكان إللي چانو يِرحون يِبشرون علی مود اليَسُوع.

وَاحِد مِن إمتَابعين اليَسُوع بِسِم فِیلِبُّس ويا عِدّه چبيره، إبذاك الزمان چانو شَاردِين مِن أُورُشَلِيم. هو رَاح صوب سَّامِرَة و هناك گام يِبَشِر النَّاس بِيَسُوع و نَجِّه وَايِد ناس مِذِنبِين. فِرد يوم نزل عليه مَلَك و گِله يِرُوح صوب الدَوّه. بِلطِريج شَاف شَخُص مُهِم يَاي مِن صوب حَبَشَة. رُّوح القُدُس هدي و گِله؛ روح الهاذ زِلمِه و حَاچِي.

مِن فِیلِبُّس إتدِنِه عَرَابِة الزِلمِه خاطر يِحَاچِي، سِمَعه و هو يِقرَه صَفحة مِن إكتَاب نبي إشَعيَاء. بُكان إللي يِگول: «مثل الخَروفِي إللي مَاخذِينِه يِنذِبِح و هو سَاكِت و مِن يِحِشّون صُوفَه مَايِحچِي و لَا كِلْمَه. هُما مَا مِشَوْ وَيَّا بِلعَدَالَه و لَا إحتِرمو و بِتَالي خِذو روحا.»

فِیلِبُّس سِئل ذَاك الحَبَشِي: «تِگدِر تِدْرِك شِي إللي قِرَتِه؟» الحَبَشِي جاوب: «لَا. إلَّا وَاحِد يِوَضِحلِي . تَعال و إگعِد يِمي و گِلي نبي إشَعيَاء يِحچي علیٰ مود روحا، لو علیٰ مود غير شَخُص؟»

فِیلِبُّس دَخَل عليه و گَعَد يِمه و گِله نبي إشَعيَاء كاتِب هذا علی مود اليَسُوع. فِیلِبُّس قرا لِلحَبَشي وَايِد مِن كِتَاب نبي إشَعيَاء و بَشِّرَه بِشَارَة كلام الله.

مِن الحَبَشي و فِیلِبُّس چانو بِلطَريج وُصلَو لِلمَاي. الحَبَشي گال: «شُوف إهنا مَاي! تِگدِر إتعَمَدنِي بيه؟» و أمر خَادمِه يُوگُف.

و هِچِي دِشو بِلمَاي و فِیلِبُّس عَمِّد الحَبَشي. مِن طِلعَو مِن المَاي رُّوح القُدُس هدي فِیلِبُّس الغير مكان. هو هِم ظَل يِبَشِر بِيَسُوع.

الحَبَشي مِشِه صوب بِيتِه. و وَايِد چان فَرحَان چِه إتعَرَف علیٰ اليَسُوع.