۴۶- بُولُسْ يِصير مَسيحِي

مِن كِتلَو استِیفَان چان فِرد زِلمِه شَباب إبِسِم شَاؤلْ و شُغُلْةِ يِحَافِظ علیٰ مَلَابِس اليَهُود و ماچان عِندِه إيمَان بِليَسُوع. و يلَوع المَسيحين بِأُورُشَلِيم و يروح مِن بيت لِبيت يِدَور عليهم و يَأخِذهُم لِلسِجِن. چبير الكَهَنِه گِل الشَاؤل يروح الشَام و يِكُض المَسيحيه و يِرجَعهُم الأُورُشَلِيم.

شَاؤلْ رَاح الشَام. گِبُل لَايُوصَل هناك، بِلدَرُب نزل ضُوَ ضَاوِي مِن السِمِّه عليه و غَطَا، و هو فِرد نُوب طَاح. سِمَعلِه حِس يِگِلِه: «شَاؤل،شَاؤل، لِيش قِدَرِت بيه؟» شَاؤل سِئَل: «مُولَاي، إنتِ يَاهُو؟» اليَسُوع جاوبه: «أنَا اليَسُوع. ذاك الشخص الچنت إتلَوعَه وتْأذي!»

مِن گام شَاؤلْ علیٰ حِيلِه، ماچان يِشُوف بِعيُونِه. صِدقَانِه خِذو صوب الشَام. شَاؤل حَد ثلث تِيام مَاكِلِه و لَاشَرُب شِي.

وَاحِد بِسِم حَنَانِيَّا چان يعيش بِالشَام. الله گِلِه: «روح المكان إللي يعيش بي شَاؤل و حَط إيدِك علیٰ إعيُونِه خاطر إردود يِگوم يِشُوف.» بِس حَنَانِيَّا گال: «يَا رَبِّي! أنَا چنت سَامِع هذا الزِلمِه شلون چان يِقْدِر بِلمُؤمِنين.» الله جاوبه: «روحلِه! أنَا إنتِخِبتِه خاطر يِعلِن إسمي لِليَهُود و باجي الطُوايِف. هو الخاطر إسمِي يِتحَمِل أذيِه و مُصَايِب وَايدِه.»

حَنَانِيَّا رَاح لِشَاؤل وَ حَط إيدِه عليه و گِلِه: «اليَسُوع بِذَاتِه إللي ظَهَر عليِه وَدانِي إيیلِك خاطر إردود تِشوف بِعيُونِك و تِنتِرِس مِن رُّوح القُدُس.» شَاؤل بِلبُكان گِدِر يِشوف و حَنَانِيَّا عَمَّده. و تَالي شَاؤل گِدِر يَاكِل و رَد علیٰ حِيلِه.

شَاؤل بِدون تَأجِيل ظَل يِبَشِر اليَهُود و يگِلِلهُم: «اليَسُوع هو إبنِ الله!» اليَهُود إتعَجِبَو، چِه الزِلمِه لچان إيريد يِكتِل المُؤمِنين هِسِه هو إبنِفسِه يَاب إيمَان بِليَسُوع! شَاؤل گام يِتجَادِل وَيا اليَهُود و ثَبَتِلهُم اليَسُوع، هو المَسِيح.

مِن بَعَد چِم يوم اليَهُود صَمِمَوْ يِكِتلون شَاؤل. و وُدولهُم نَفَرات حتیٰ يِكتِلونِه. بِس شَاؤل إفتِهِم بِسَالفِه و صِدقَانِه عَاونُو خاطر يِشرِد. فِرد ليله صِدقَانِه حَطُو إبسَلِّه و نِزِلو مِن ذيچ صَفحَة الطُوفه. مِن شَاؤل شَرِد مِن الشَام ظَل يِبَشِر عَن يَسُوع المَسِيح.

شَاؤل رَاح الأُورُشَلِيم خاطر يِتلَاگِه ويا جمَاعِة المُبَشِرين، بِس هُما خافو مِنِه. ايّه وَاحِد بِسِم بَرنَابَا و خِذَ شَاؤل يِمهُم و گِلَالهُم إشلون هو إبكِل شِجَاعَه و شِهَامِه چان إبشَام يِبَشِر عَن المَسِيح. و بَعدِين هُما قِبلو بِجَمِعهُم.

بَعَض المُؤمِنين إللي چانو مِتأَذين و شَاردِين مِن أُورُشَلِيم، رَاحو الدِيرِه إسِمهِ أَنْطَاكِيّة و گامو يبشرون المَسِيح. أكثَر سِكَان أَنْطَاكِيّة ما چانو ايَهُود بِس الأَوَّل نُوبا آمنو بِليَسُوع. بَرنَابَا و شَاؤل راحو لِهنَاك خاطر أكثَر يعلمون جماعَة إللي تَوْهُم آمْنِين بِليَسُوع و يقَووُن الكَنيسِة. أوّل مَره بِديرِة أّنْطَاكِيّة، كِل مُؤمِن إللي صَار عِندِه إيمَان بِيَسِوع سِمُو «المَسيحِي.»

فِرد يوم المَسيحيين بِأَنْطَاكِيّة چانو يِصَلون و يِصُومون، و نِزل عليهم رُّوح القُدُس و گِلِلهُم: «طِلعَوْ بَرنَابَا و شَاؤل مِن بينَاتكُم. عِندي وَياهُم شُغلَه ثَانيه.» بَعدِين الكَنيسِة إنْدَعَتِلهُم و ودّعَتهُم خاطر يِرحون الغير أمَاكِن و يِبَشرون المَسِيح و هُما عَلِمو النَّاس مِن طُوايِف چثيره و خِلوهُم يصير عِدهُم إيمَان بِليَسُوع.