۴۷- بُولُسْ و سِيلاْس إبدِيرِة فِيلِبّي

شَاؤل مِن چان يِسَافِر بإمبراطورِية رُومَا، گال خَله إستِفَاد مِن إسمِي بِلُغَة الرُومِيِّه و چان إسمِه بِلرومِي، بُولُس. فِرد يوم بُولُس و صَاحبِه سِيلاْس راحو الدِيرِه إسِمهِ فِيلِبّي خاطر يِبَشِرون النَّاس بِلمَسِيح. هُما راحو بَرَه مِن الدِيرِه يِم فِرد نَهَر إللي چانو النَّاس يِلتِمون يِمِه خاطر يِندِعون. إهناك تِلاگو وَيه فِرد مَرَه تَاجرِة إسِمهِا لِيدِيَّة و هي چانت تِعبِد الله و تحِبِه.

الله خَله لِيدِيَّة يصير عِدهاِ إيمَان بِليَسُوع. بُولُس و سِيلاْس، عَمّدَو لِيدِيَّة وأهِلهِ. و تَالي هيِه عِزمِتهُم و هُما ظَلو عِدها.

بُولُس و سِيلاْس أكثَر چانو إبمكان إللي اليَهِود يِنجِمعُون لِدَعَاء و يِتلَاگون وَيا النَّاس. هناك چانت عَبدِه مَسكُونِه و كِل يوم چانت تيي وَراهُم. و چانت إتگِل لِلناَّس شي صيرِلكُم و تِحچي مِن الغِيب و هِچي تِطلَع إفلوس و تِطي الرَاعيها.

هُما مِن چانو يِمشون ذِيچ العَبدِه المِسكُونِه چانت تِصِيّح وَراهُم: «هِذول خِدَّام الله، و يِرَاوونكُم دَرُبِ الزِيِّن!» العَبدِه ظَلِت مُدِّه تسوي هِچي لَمَّان مَا صَبُر بُولُس خَلَص.

فِرد يوم مِن چانت العَبدِه إتْبَغِج، بُولُس دَار عليها و گِلِل الرُّوح المَسكُونِه بيها: «بِسِم المَسِيح طِلعِي مِن جِسِم هاي البِت.» و الرُّوح المَسكُونِه بِلمكان تِركِت الِبنِيِه.

مِن رَاعي العَبدِه شَاف إشصَار، وَايِد عَصَب. النَّاس بَعَد مَا چانت تِدفَع إفلوس. چِه إفتِهمُو العَبدِه بِدون روح المَسكُونِه مَا تِگدِر إتشَوفِلهُم.

و هِچي صَار إللي خِذو بُولُس و سِيلاْس السُلُطَات روم و كِتلُوهُم و حِبسُوهُم.

هُما حِبْسَو بُولُس و سِيلاْس إبقِسِم مِن الحَبِس الچان بي أكثَر نُوَاطِير و سِكُو رِيلِهُم إبچِم لُوحَه چبيره. إبهِل حَالِه و چانو نِص اليل يِغِننون أغَاني بِمَقَام الله و يحِمدون رَبهُم.

فِرد نُوبا الگاع إهتِزِت! و نفِتحِن كِل بِيبَان السِجِن و إنگُطعَن السِنَاسِل.

گَعَد السِجَّان و شَاف بِيبَان السِجِن مَفتُوحِه. هو فَكَر كِلمِن چان بِلسِجِن شَارِد، و مِن خُوفَه خاطر الحُكُومَه لَاتجَازِي رَاد يِكتِل روحه. بِس بُولُس شَافَه و گِلِه: «لَاتِكتِل روحك، إحنا إهنَا.»

السِجَّان الچان مِيِت مِن اخُوف إيِه البُولُس و سِيلاْس و سِئل: «شِسَوي و نِجي روحي؟» بُولُس جَاوبه: «آمِن إبرَبِّنَا اليَسُوع. هو يِنَجيك و ينَجي أهلِك.» و تالي السِجَّان خِذَ بُولُس و سِيلاس البِيتِه و دَاوَه إجروحهُم. و بَعدِين بُولُس سُولُف إبشَارِة المَسِيح لِهَل البيت.

ذَاك السِجَّان و أهِل بيتِه كِلهُم آمِنَو بِليَسُوع و بُولُس و سِيلاْس عَمِدَوهُم و السِجَّان طَعَمهُم و كِلهُم چانو فَرحَانين.

يوم الثاني حُكَام الدِيرِه طِلعَو بُولُس و سِيلاس مِن الحَبِس و رَادو مِنهُم يتركون الدِيرِه. بُولُس و سِيلاس گَبُل لَا يرحون زَارو لِيدِيَّة التَاجرِة و بَعَض صِدقَانهِم. أخبَار البِشَارَه چانت تِنتِشِر إبكِل مكان و الكَنيسِة چانت تِكبَر.

بُولُس و بَعَض إرجَّال المَسيحيِه سَافِرو لِوَايد إدِيَر و چانو يِبَشِرون إبشَارِة الخِير عَن المَسِيح. و كِتبو رَسَايِل وَايدِه خاطر يِعَلمون المُؤمِنين بِلكَنَايِس و أكثَرهِن صَارِن كُتُب مِن کِتَابِ الْمُقِدِّسْ.