۴۹- عَهَد الله اليِدِيد

مَلَك گِلِل البِت شَابِّه بِسِم مريم؛ يِصير مِنِچ وَلِد و هو إبن الله. مِن مريم چانت بَعَدهِي بِت، الله نَفَخ من رُّوح القُدُس عليها و حِبلِت. و بعدها يَابِت وَلِد و سِمِتِّه اليَسُوع. الخاطر هاي اليَسُوع هِم يِنجعل الرَب و هِم يِنجعل إنسَان.

اليَسُوع سَوه مُعجِزات وَايدِه و هِلمُعجِزات ثَبَتِة هو الرَب بِذَاتِه. هو مشي علیٰ المَاي، هَوَّد الطُوفَان، شافِ المَرَضَه، فَك وَايِد ناس چانت إروَاحِه مِسكُونه، حَيَ المُوتِه، و بَارَك خمس إرقِيف الخُبُز و السِمِچتِين و من چِثِر هِل بَرَكِه أكثَر مَن خمس تَالَاف نَفَر يُوَاعَه، شِبْعَت.

اليَسُوع حتی چان مُعَلِّم عظیم. و كِل تَعَاليمِه چانن صدگ. و الناس چانو يِسوون مثل ما يِعَلِّمهُم. لِأن هو چان إبن الله. مثلاً هو چان يِعَلِّم الناس و يِگِلهُم: لازم إتحِبُون بَعَضكُم ما بَعَض.

و گِلهُم؛ حِبُّو الله حتیٰ أكثَر مِن أموَالكُم.

اليَسُوع چان گايِل؛ مكانكم عِندِ الرَب تِسوَه أكثَر مَن عِيشِة هاي الدِنيِه. لو تريد تِدخِل بِمَلَكُوت الله، لازم الله يِفُكِك مِن إذنُوبَك.

اليَسُوع گال إكو ناس تِقبِلنِي و الله إينِجيهُم و أوَادِم هِم مَاتِقبِلنِي. هو گال؛ بَعَض النَّاس مثل إترَاب زِيِن، يِسمعون الإبشَارَه و الله يِنَجيهُم. و بَعَضهُم مِن إتگِلهُم الإبشَارَه، إشلون إترِش البَذِر علیٰ إترَاب الصَلِبْ و مَاينطِي مَحصُول، ما يِقِبلون الكلام و مَايِردون يِدخلون مَلَكُوت الله.

اليَسُوع عَلَّمهُم؛ الله هم إيحِبِ المِذَنبِين. الله إيريد يِغفِرلَهُم و يَجعِلهُم مِن أولادِه الصَالِحين.

اليَسُوع گِلِلهُم الله مَايحِب الذُنُوب. الخاطر ذَنِب آدَمْ و حَوَّاء، كل نسل البَشَر صَارو مَذِنبِين و الله يتْبَرَّه مِن كل شخص مِذنِب و يِحسبِه مِن عِدوَانِه.

بس الله مِن چِثر مَحَبْتَه لِلبَشَر قَدَّم إبنِ الوَحِيد، خاطر كِلمن إيَأمِن بيِه، يِنغِفر لِذنُوبِه و يعيش لِلأبِد وَيِّا الله.

إنتُم الخاطر إذنُوبكُم مُستَحقين الموت. الحَگْ وَيِّا الله يِغضَب عليكُم، بس اليَسُوع من ضَحَیٰ إبروحا علیٰ الصَلِيب، دَفَع كَفَّارِة إذنُوبنِه.

اليَسُوع ما إرتَكَب أي ذَنِب، بس رِضیٰ يِدفَع كَفَّارِة إذنُوبِ البَشَر. هو حتیٰ قِبَل يموت و هو چان ضَحيِه كَاملِه خاطر يِرفَع الذُنُوب من لِكل. اليَسُوع من قَدِّم روحا ضَحيِه، الله حتیٰ غَفَر لِلناس إللي چانت إذنُوبهُم عَودَه.

حتیٰ أعمَالكُم الطَيبِه ماتِگدِر إتنِجيكُم، مَا إكو دَرُبْ خاطر نِگدِر نِصَالِح الله. إببِدَالِه لازم تُؤمِنون بِأن اليَسُوع إبنِ الرَب و الخاطركُم إنصَلَبْ و مَاتْ و الله إردود شَالَه من بين المُوتِه. لو إتصَدِگُون هاي الحَقيقِه الله يِغفَر كِل إذنُوبكُم.

كِلمِن يُؤمِن بِاليَسُوع و يِقِبلِه بِعُنوَان الرَب، الله يِنِجّي، بس إلْمَا يِإمنُون بي مَايرِبحُون. مَايِفرَق يِصير غَني لو فَقير، زِلمِه لو مَرَا، شایب لو شَابْ، مِن يَا دِيرَه. الله يِحِبكُم و يريدكم تأمنون بِليَسُوع خاطر هو يِگدِر يِصَادِقكُم.

اليَسُوع يِدعِيكُم لِلإيمَان و التَعمِيد. يَا نَاس عِدكُم إيمَان اليَسُوع هو المَسِيح المَوعُود و إبنِ الله الوَحِيد؟ عِندِكُم إيمَان، إنتُم مذنبين و مُستَحقين الموت و لازم الله يِعَابِيكُم؟ عِدكُم إيمَان اليَسُوع الخاطركُم رَاح علیٰ الصَلِيب و مَاتْ و صَار كَفَارِة إذنُوبكُم؟

لوعِدكُم إيمَان بِل اليَسُوع و إبكِل شِي السَوَاه إلكُم، تِنجعلون مَسيحيِه. مِن هِسِه و بعد مَلِك الظِلَام إللي هو الشِيطَان مَا يُحكُم عليكُم لَاكِن الله يُحكُم عليكم إبنُورِه. الله إنطَاكُم القُوَه خاطر مثل گَبُل لَاتذِنبُون و إتعَلمون إشلون إتعِيشُون.

لو إنتُم مَسيحيِه، الله غَافِرلَكُم الخاطر تَضحِيِة اليَسُوع. و الله يَحسِبكُم أگرَبْ صَدیق و لا عَدو.

لو إنتُم صِدقَان الرَب و خِدَام اليَسُوع ، تِشتَاقُون إتعَلمون مِنِه. صدگ إنتُم مَسيحيِه بس الشِيطَان بَعَدهُو يُوَسوس بيكُم خاطر تِرتَكبُون ذَنِب، بس الله كِل وَكِت يُوَفِي إبوَعدِه. الله إيگُول لو تِعتِرفُون بِذنُوبكُم، يِغفِرلَكُم و يِنطِيكُم قُدرَه إتحَاربون الذَنِب و الخَطِيِه.

الله يِگِلِلكم إندِعُو و إقرُو الكلام. و يِگول وَيِّا جَمعِ المَسيحيِه تعبدونه و إنطُو البِشَارَه البَعَضكُم المَسِيح شِمسَوِيلكُم. لو إتسِون هِچ، صِدَاقَاتكِم تِقْوَه وَيِّا رَّب العَالِمين.