20. ୨୦. ବନ୍ଦି ଅଇକ୍ରି ଆର୍ ବନ୍ଦିୟେ ହ୍ଣି ବାର୍ତାର୍
ଇସ୍ରାଏଲ୍ ରାଇଜ୍ ଆର୍ ଯିହୁଦା ରାଇଜ୍ ଇଶ୍ୱରାର୍ ବିରଦେ ପାପ୍ କ୍ଲାଇ। ଇଶ୍ୱର ସୀନୟ ଡଙ୍ଗ୍ରେ ସେମ୍ନ୍କାର୍ ସ୍ଙ୍ଗ୍ ଜୁଇ ନିୟମ୍ କ୍ରିରିଲା ସେମ୍ନ୍ ସେ ନିୟମ୍କେ ବାଙ୍ଗ୍ଲାଇ। ଲକ୍ମ୍ନ୍ ଜ୍ନ୍କ୍ରି ବାବ୍ତି ଆର୍ ଆରେ ଗଟ୍ତର୍ ତାକାର୍ ଉପାସନା କ୍ର୍ତି ସେତାର୍ ଗିନେ ଇଶ୍ୱର ତାକାର୍ ବାବବାଦି ମ୍ନ୍କେ ହ୍ଟାଇ କ୍ରି ଜାଗ୍ରତ୍ କ୍ରାଇରିଲା, ମ୍ତର୍ ସେମ୍ନ୍ ସେରି ମାନୁକେ ମ୍ନା କ୍ଲାଇ।
ସେତାକ୍ ଇଶ୍ୱର ଦୁଇବାଟାର୍ ରାଇଜାର୍ ସେମ୍ନ୍କାର୍ ଶ୍ତ୍ରୁମ୍ନ୍କାର୍ ଦ୍ବାରା ବିନଷ୍ଟ ଅଉତାର୍ ଗିନେ ଆଦେଶ୍ ଦିଲା। ଗଟେକ୍ ଶକ୍ତିଶାଳୀ ଆର୍ ନିର୍ଦୟୀ ଦେଶ୍ ଆସିରୀୟ ସାମ୍ରାଜ୍ୟ ଇସ୍ରାଏଲ୍ ରାଇଜ୍କେ ନ୍ଷ୍ଟ କ୍ଲାଇ। ଇସ୍ରାଏଲ୍ ଦେଶେରିଲା ଗାଦା ଲକ୍ମ୍ନ୍କେ ଆସିରୀୟାର୍ ଲକ୍ମ୍ନ୍ ମ୍ର୍ନେ ମାର୍ଲାଇ, ମୁଲ୍ଯବାନ୍ ଜିନିଷମ୍ନ୍ ନିଲାଇ, ଆର୍ ଦେଶାର୍ ଅଦାଲକେ ହଡାଇଲାଇ।
ଆସିରୀୟମ୍ନ୍ ସାଉକାର୍ ଲକ୍ମ୍ନ୍କେ, ଅଦିକାର୍ ରିଲା ଲକ୍ମ୍ନ୍କେ ଅନ୍କ୍ରି ସ୍ବୁ ନେତାକେ ଗଟେତ୍ଇ ରୁଣ୍ତାଇଲାଇ ଆର୍ ସେମ୍ନ୍କେ ଦ୍ରିକ୍ରି ଆସିରୀୟକେ ହ୍ଳାଇଲାଇ। ମ୍ତର୍ ବେସି ଗରିବ୍ ଇସ୍ରାଏଲ୍ ଲକ୍ମ୍ନ୍ ଜୁଇଲକେ ମ୍ର୍ନେ ମାରି ନ୍ରିଲାଇ ସେମ୍ନ୍ ହ୍କା ଇସ୍ରାଏଲ୍ ଦେଶେ ରିଲାଇ।
ତାର୍ହ୍ଚେ ଆସିରୀୟାର୍ ଲକ୍ମ୍ନ୍ ବିଦେଶି ମ୍ନ୍କେ ସେମ୍ନ୍କାର୍ ଦେଶେ ବାସା କ୍ର୍ତାର୍ ଗିନେ ଆନ୍ଲାଇ ଜୁଇତି ଇସ୍ରାଏଲ୍ ରାଇଜ୍ ରିଲି। ବିଦେଶିମ୍ନ୍ ନଷ୍ଟ ଅଇରିଲା ଗାମ୍କେ ଆରେ ଗଟ୍ତର୍ ତିଆର୍ କ୍ଲାଇ ଆର୍ ଇସ୍ରାଏଲ୍ ଲକ୍ମ୍ନ୍କେ ବିବା କ୍ଲାଇ ଜୁଇଲକ୍ ସେତି ରେତିରିଲାଇ। ଜୁଇ ଇସ୍ରାଏଲ୍ ଲକ୍ମ୍ନ୍କାର୍ ବ୍ଉଶ୍ ବିଦେଶିମ୍ନ୍କେ ବିବା କ୍ରିରିଲା ସେମ୍ନ୍କେ ଶମିରୋଣିୟ ବ୍ଲି କ୍ଉତି ରିଲାଇ।
ଯିହୁଦା ରାଇଜାର୍ ଲକ୍ମ୍ନ୍ ଦ୍କ୍ଲାଇ ଯେ ଇସ୍ରାଏଲ୍ ରାଇଜାର୍ ଲକ୍ ଇଶ୍ୱରକେ ବିଶ୍ୱାସ୍ ନ୍କେଲାକ୍ ଆର୍ ତାର୍ କ୍ତା ନ୍ମାନ୍ଲାକେ ଇଶ୍ୱର ସେମ୍ନ୍କେ ଡ୍ଣ୍ତ ଦେଇରିଲା। ମ୍ତର୍ ସେମ୍ନ୍ କିଣାନିୟ ଦେବ୍ତା ମ୍ନ୍କାର୍ ସ୍ବୁ ମୁର୍ତି ମ୍ନ୍କାର୍ ଉପାସନା କ୍ଲାଇ। ସେମ୍ନ୍କେ ଜାଗ୍ରତ୍ କ୍ରାଉତାର୍ ଗିନେ ଇଶ୍ୱର ବାବବାଦିମ୍ନ୍କେ ହ୍ଟାଇ ରିଲା, ମ୍ତର୍ ସେମ୍ନ୍ ଶୁଣୁକେ ମ୍ନା କ୍ଲାଇ।
ଆସିରୀୟମ୍ନ୍ ଇସ୍ରାଏଲ୍ ରାଇଜ୍ ନଷ୍ଟ କ୍ଲା ୧୦୦ ବ୍ର୍ଷ ହ୍ଚେ, ଇଶ୍ୱର୍ ବାବିଲର୍ ର୍ଜା ନବୁଖଦ୍ନିସ୍ରକେ ଯିହୁଦା ରାଇଜ୍ ଆକ୍ରମଣ କ୍ର୍ତାର୍ ଗିନେ ହ୍ଟାଇଲା। ବାବିଲନ୍ ଗଟେକ୍ ଶ୍କ୍ତିଶାଳି ରାଇଜ ରିଲି। ଯିହୁଦା ଦେଶାର୍ ର୍ଜା ନବୁକଦେ୍ନସରକ୍ ଦାସ୍ ଅଉତାର୍ ଗିନେ ରାଜି ଅଇଲା ଆର୍ ସ୍ବୁବ୍ର୍ଷ ତାକେ ବେସି ଡାବୁ ଦିଲା।
ମ୍ତର୍ କମ୍ ବ୍ର୍ଷ ହ୍ଚେ, ଯିହୁଦାର୍ ର୍ଜା ବାବିଲନ ବିରଦେ ବିରଦ୍ କ୍ଲାଇ। ସେତାକ୍ ବାବିଲନାର୍ ଲକ୍ମ୍ନ୍ ଲେଉଟି ଆସି ଯିହୁଦା ରାଇଜ୍କେ ଆକ୍ରମଣ୍ କ୍ଲାଇ। ସେମ୍ନ୍ ଯିରୁଶାଲମ୍ ଗାମ୍ ତାକାର୍ ଆତେ କ୍ଲାଇ, ମନ୍ଦିର୍କେ ନ୍ଷ୍ଟ କ୍ଲାଇ, ମନ୍ଦିରାର୍ ଦନରତ୍।
ରିସା କ୍ରାଇଲାର୍ ଗିନେ ଯିହୁଦାର୍ ର୍ଜାକେ ଡ୍ଣ୍ତ ଦେତାର୍ ଗିନେ ନବୁକଦନେସର୍କ ସେନାମ୍ନ୍ ର୍ଜାର୍ ହିଲାମ୍ନ୍କାର୍ ଲ୍ଗେ ମାର୍ଲାଇ ଆର୍ ତାକେ କାଣା କ୍ଲାଇ। ତାର୍ହ୍ଚେ, ସେ ଜ୍ନ୍କ୍ରି ବାବିଲନର୍ ଥାନାଲ୍ଗେ ମ୍ରେଦ୍ ସେତାର୍ ଗିନେ ସେମ୍ନ୍ ତାକେ ବାବିଲନ ଦେଶେ ନିଲାଇ।
ବୁଖଦ୍ନିସର ଆର୍ ତାକାର୍ ସେନାମ୍ନ୍ ପାକାପାକି ସ୍ବ୍କେ ବାବିଲ୍ନକେ ନିଲାଇ ଆର୍ ହାଦାଇ କାମ୍ କ୍ରୁକେ ଗ୍ରିବ୍ମ୍ନ୍କେ ଯିହୁଦା ଦେଶେ ଚାଡି ଗ୍ଲାଇ। ଇଶ୍ୱରାର୍ ଲକ୍ମ୍ନ୍କେ ହ୍ର୍ମାଣ୍ କ୍ଲା ଦେଶେ ହ୍ଣି ବଳପୁର୍ବକ ଉଟାଇ ନେଇରିଲା ମୁଲ୍ଯବାନ୍ ସମୟକେ ନିର୍ବାସନ କ୍ଉତି ରିଲାଇ।
ଯଦି ପାପାର୍ ଗିନେ ଇଶ୍ୱର ସେମ୍ନ୍କେ ନିର୍ବାସନରେ ଅଲ୍ଗା ଦେଶେ ହ୍ଟାଇଦିଲା, ସେତାକ୍ ସେ ସେମ୍ନ୍କେ କି ତାକାର୍ ହ୍ର୍ମାଣ୍ମ୍ନ୍ ହାସ୍ରି ନ୍ରିଲା। ଇଶ୍ୱର ତାର୍ ଲକ୍ମ୍ନ୍କାର୍ ଉହ୍ରେ ନଜର୍ ର୍କିଗ୍ଲା ଆର୍ ତାର୍ ବାବବାଦି ମ୍ନ୍କାର୍ ଦ୍ବାରା ସେମ୍ନ୍କେ କ୍ତାକଇ ଚାଲ୍ଲା। ସେ ହ୍ର୍ମାଣ୍ କ୍ରିରିଲା ଯେ, ସତୁରି ବ୍ର୍ଷହ୍ଚେ ସେମ୍ନ୍କେ ଆରେ ଗଟେତର୍ ହ୍ର୍ମାଣ୍ କ୍ଲା ଦେଶ୍କେ ଲେଉଟି ଆସ୍ତି।
ସତୁରି ବ୍ର୍ଷହ୍ଚେ, ପାର୍ସୀ ମ୍ନ୍କାର୍ ର୍ଜା ସାଇରସ ବାବିଲନକେ ଆରାଇଲା, ସେତାକ୍ ପାରସ୍ୟ ରାଇଜ୍ ବାବିଲୋନୀୟ ରାଇଜାର୍ ଜାଗା ନିଲା। ଅବେ ଇସରୟେଲୀୟମ୍ନ୍କେ ଯିହୁଦି ବ୍ଲି କଇଲାଇ ଆର୍ ସେମ୍ନ୍ ସେମ୍ନ୍କାର୍ ଜୀବନ୍ ସାରା ବାବିଲନେ ବାସା କ୍ଲାଇ। ମ୍ତର୍ ବେସି ବୁଡା ଯିହୁଦି ଯିହୁଦା ରାଇଜ୍କେ ଏତାଇଲାଇ।
ପାରସ୍ୟ ରାଇଜ ଦୁର୍ବଳ୍ ରିଲି ମ୍ତର୍ ଇରି ଜୁଇଲକେ ଜିତି ରିଲାଇ ସେତିର୍ ଲକ୍ମ୍ନ୍କାର୍ ଗିନେ ଦୟା ରିଲାଇ। ସାଇରସ ପାରସ୍ୟର୍ ର୍ଜା ଅଉତାର୍ ଅଳକ୍ ସ୍ମୟ ବିତ୍ରେ, ସେ ଗଟେକ୍ ଆଦେଶ୍ ଦିଲା ଯେ କେ ପାରସ୍ୟ ଦେଶ୍ଚାଡି ଯିହୁଦା ଦେଶ୍କେ ଲେଉଟି ଜ୍ମ୍କେ ଇଚାକ୍ର୍ତି ସେମ୍ନ୍ ସେତିକେ ଲେଉଟି ଜ୍ମ୍ହାର୍ତି। ସେ ଅନ୍କ୍ରିକି ମନ୍ଦିର୍ ଆରେ ଗଟେତର୍ ତିଆର୍ କ୍ର୍ତାର୍ ଗିନେ ଡାବୁ ଦିଲା! ସେତାକ୍ ନିର୍ବାସନରେ ସତୁରି ବ୍ର୍ଷହ୍ଚେ, ଯିହୁଦି ମ୍ନ୍କାର୍ ଗଟେକ୍ ଶାନ୍ ଦ୍ଳ୍ ଯିହୁଦାଲ୍ଗେ ରିଲା ଯିରୁଶାଲମ ଗାମ୍କେ ଲେଉଟି ଗ୍ଲାଇ।
ଲକ୍ମ୍ନ୍ ଜ୍ଡେବ୍ଳ୍ ଯିରୁଶାଲାମ୍ ସ୍ହରେ ହ୍ଚ୍ଲାଇ, ସେମ୍ନ୍ ମନ୍ଦିର୍ ଆର୍ ଗାମ୍ ଚାରିବାଟ୍ ରିଲା ବାଉଣ୍ତରି ଆରେ ଗଟ୍ତର୍ ତିଆର୍ କ୍ଲାଇ। ଯଦି ସେମ୍ନ୍ ଅବେ ହେଁ ବିନ୍ ଲକ୍ମ୍ନ୍କାର୍ ଦ୍ବାରା ଶାସନ୍ ଅଉତି ରିଲାଇ, ଆର୍ ତରେକ୍ ସେମ୍ନ୍ ହ୍ର୍ମାଣ୍ କ୍ଲା ଦେଶେ ବାସା କ୍ଲାଇ ଆର୍ ମନ୍ଦିରେ ଉପାସନା କ୍ଲାଇ।
ବାଇବଲାର ଗଟେକ୍ କ୍ତା: ୨ ରାଜାବଳୀ ୧୭:୨୪-୨୫; ୧ ବଂଶାବଳୀ ୩୬; ଏଜ୍ରା ୧-୧୦; ନିହିମିୟା
Free to use, adapt, and share under an open license (CC BY-SA 4.0).