32. यीशु यदै लमै मी जा हग काग्थे खुतिस्या जा चगा सुगता

यीशु हग उसिगे चेले अपिगे नाव को अति सोग को देसों जइकौ गिरासेनी मी मग बस्क्नन| औ अति सोग को नब्गे नाव कोची कउतर|

अतको तिगे मी निसो जइ यदै लमे से कचूमद निसो|

अति मी अइलंग तरथै निसो की खमी री उसीजा नियंत्रित सुग म्तरर्सिदे निसो| औलंग चौ मी मंग से अतिगे लखो हग लिके जा जंजीर से गिसो, परन्तु अति उसीजा किके तासो|

अति मी अति सोग को कब्र को बस्त निसो| अइ मी पुरो नीछे हग पुरो मुन्छे यरकै निसौ| अति कपड़ा मुचुक्सिदे निसो हग अछो अपिजा उग से घायल सुग्दे ले|

अति मी ज्यगै यीशु गे तूतों रासो हग अतिगे नेरो पे क्चूमतै| तब यीशु सै अति मी बितरौ यदे लमे ते फक्सो हग लुक्सो, “अइ मी कोची छम्पंग रा!”

अति यदे लमें अछो जोर से यरसौ, “ऐ यीशु, परम प्रधान परमेश्वर गे सीरी, नगे जीते खै लन इन!” तब यीशु से अति यदे लमे जा रूसो, “नगे मिन खै लै?”उसे जबाब दासो, “जिगे मिन सेना ले|” (रोमी सेना को औलंग हजार सेनिक मग गे समूह तिगे “सेना” लींतै लै|)

अति यदे लमे से यीशु जा विनती हुग्सो, “कृप्या सुग्गै इन्जा अइ सोग कोची छम्पंग म्लाय्मो!” अतको नेरो गे दग को असुरी गे तिगे भीड़ अतको फेर्सिगे निसो| अइ दग्ची अति यदे लमे से यीशु जा विनती हुग्सो, “कृपया सुगे इन्जा अति आसुरी को लाइतै! “यीशु से लुक्सो,” बुदै इन, अतिको दिनी!”

अत: अति यदे लमे अति मी में कोची रागे अति सुअरों को प्रवेश सुगे पूदे| अति सूअर ज्यगै लके तिगे थेद कोची गीगे झील को फरको दागे हग च्यंगसीकै पज्यांग| अति झुंड़ को लगभग निसे हजार सूअर निसो|

अतको अति सूअर गे देखभाल सुग्दे मी मग निन्चो| जइ खैरी कलते निसो जब उसीसे तिन्नचौ ता अति उसी सोग को क्फोग| यीशु से जइ क्सुग्दे निसो अतको जम्मा जा बतासों| अति सोग गे मी मग छम्पंग रासो हग अति मी जा दोब्म दग्ची जइगै यदे लमे निसो| अति शान्ती जा, खसे पसे कचुग्सिदै, हग तिगे समान मी गे तरह व्यवाह सुगे कोसौग्सिदै निसो|

अति मी मग क्जेरते निसो हग उसीसे यीशु जा देम दग्ची लुक्सो| अत: यीशु नाव को क्लोक्सी| अति मी जइकौ यदे लमे निसो अतिसे यीशु गे जोरो देम गे विनती हुग्सो|

परन्तु यीशु से उजा लुक्सो, “मा| जे तखे निय्सो की गन चिम्जा देगे जम्मा जा बतायो की परमेश्वर से नगे दग्ची खै सुग्सो| उसीजा बतासों की हम परमेश्वर से गन्जा दया कसुग्दे निसो|”

अइ दग्ची अति मी पूदै हग जम्मा जा अइ बारे को बतासों जइ यीशु से उगे दग्ची हुग्सो| उगे कथा जा यनंदे वाला जम्मा तिगे मी हा क्ल्तै निसो|

यीशु झील गे दुसरो तोक्सा थोक्सिगे रासो| अतिगे अतको नब्म गे निगम, तिगे पोदे भीड़ अतिगे नीरो इकठ्ठा लिनंचो हग उजा तग्सौ| अति भीड़ को तिगे खुतिस्या निसो जइ चेने यीन वासे ची सी बोम गे समस्या से काग्थे निसो| उसे अतिगे जम्मा धन चिकित्सको जा क्दादै निसो ताकि अति उजा ठीक सुग तरयंग, परन्तु अतिगे रोग ह्जू री कबिगंड़तै|

अतिसे कयन्दै निसो की यीशु से ओलगचो कग्थै मी मग जा ठीक हुग्सो हग अतिसे तचो, “जे निश्चित इने की यदि जे केवल यीशु गे वस्त्र जा तम्गै ता जे री ठीक लेयगो!” अइ दग्ची अति यीशु गे निम्फन कोची रासो हग अतिगे खसे पसे जा तमसो| जसो री आतिसे उसिजा तमसो, सी गे बोम बंद कल्ले|

तुरंत, यीशु से तपे की अतिको ची सामर्थ कनिकालते| अइ दग्ची उसे निम्फन फन्सिगे रूसो, “जीजा खमिसै तमसो?” चेलो से जबाब दासो, “अइकौ औलंग जम्मा मी मग से नगे पी तम हग भीड़ क्लगते निसो, हग गंजा दिरगे तातनन| ता ग्नसे खउ रुनिसो की जीजा खामिसे तमसो?”

अति खुतिस्या यीशु गे नेरो डीके निसो हग मथे क्जेरते निसो अपिगे पे को कसोग्सी| तब अतिजा उसे बतासों की उसे खै हुग्सो, हग अइ री अति ठीक कल्लै| यीशु से अतिजा लुक्सो, “नगे विस्वास से गन्जा चगा कसुगदे इन| शान्ति से दे|”