35. स्यौकगते बा गे कथा

तीगे ज्या,यीशु अति मथै मि मग जा शिक्षा दागे तासों, जइ उगे यन्म गे दंगची,कथुमसिदे निसो| अई मीमग चुगी कोरदे वाला हग जोरों गार मी री निसो जइसे मूसा गे अई लन सुगमों गे पालन सुगमों गे प्रयास मुसुगदे निसो|

ऑलग यहूदी धर्मिक प्रधान से तिननचो कि यीशु अई मींग ते तीगे साथो गे रोकते कफ़े निसो| अईदगची उसीसे अपि मिमी अई लोम सुरू कसुगते की अती जूठ कथा सुनासों|

“तीगे मि निसो जइगे निसै सिरी निन्नचो| मिद सिरी से अपिगे बा जा लुकसों, हे बा, जिजा इता जिगे हिस्सा चिनखन!’ बा से गै गुन्दा अपिगे मिमी सिरी गे गूनदा अपिगे सम्पति गे बटवारा कसुगते|”

“छाटो ही मिद सिरी अपिगे जम्मा तेबग थुमगे लके वथै राजू तोकसा पुदे हंग पापी जीवन टांग्म को अपिगे जम्मा धन बर्बाद कसुगते|”

“अईगे निगम, जइको मिद सिरी निसो अती राजु को तीगे जेरमना अकाल रासो, हग अतीगे तूतो दुकलग तोम दगची धन मुनिसो| अई दगची उसे उजा जइ लंन कमिलते निसो अती सूअर जा फेर कोरम दगची निसो| अती अईलग दुखी हग कखेदे निसो की अती दुकलग जाम छिनखे निसो|”

“आखिरकार,अति मिद सिरी से अपिंजा लुकसों, ‘जे खे सुगे तातो? जिगे बा गे जम्मा डगमी गे तूतों जाम दगची अछो इन, हजु री जे अईको रो हीचीगिने| जे अपिगे बा गे तूतों थोकसिगे देयगो हग अपिगे बा जा तीगे डगमी बन्नम गे दगची बिनती सुगयगो|”

“अति मिद सिरी से थोकसिगे अपिंगे बा गे चिम गे तोकसा देम सुरू हुगसो। खवकी अती इता वथे निसो, उगे बा से उजा तीनसों हग अतिकों स्यो कगसो |अती जेयगे अपिगे सिरी गे तूतों देसो हग उजा फकसीगे चुमसो|”

अति सिरी से लुकसों, हे बा, जिसे परमेश्वर गे हंग नगे वीरुद्ध पांप सुगसो| जे नगे सिरी लेम गे लायक मुनिये|”

“परन्तु बा से अपिगे तीगे डगमी जा लुकसों, छोटो देगे बड़िया खसे कोरगे रानी हग जीगे सिरी जा चोनी! उसिगे अगुली को अगूठी हग उगे लिके को पोला चोनी| हजु लचग पोदे लुकच सनी खोवकी इन जाम हग उत्सव मनाम निसो, परन्तु थन अती तगदे इन!अती पिनरते निसो, परन्तु थन इनसे उजा कमासी!”

“अईदगची मीमग से उत्सव बनाम सुरू हुगसो| ऑलग समय बिताम को, पोदे सिरी रे को लन सुगे रासो| उसे बयरा का हंग ठम्म गै आवाज जा यनसो हंग उस्सी हा क्लले की अईको खे लिके इन|”

जब पोद सिरी जा पता कचल कि उस्ही अई दंगची खुशी बनागतन्नचो खोवकी उगे नुनु चिमजा पिरादे निसो, ता अती मथे रुसू कल्ले हग जे दाखील मुलिएसो|उगे बा से छमपग रागे उसे उसीते जोरों उत्सव मनाम गे निवेदन हुगसो, परंतु उसे मना कसुगते|”

अति पोद सिरी से अपिंगे बा जा अई लुकसों ‘अई जम्मा यिन को जिसे नगे दगची बुदे मन चे लन हुगसो! खजा री नगे लन जा मटालगसो, परन्तु गनसे खजा जीजा तीगे मिद माला री मदासों खवकी जे अपिगे साथो ते जोरों दावत सुग तरसिये| परन्तु नगे अई सिरी से नगे धन जा पापी लन सुगमों को बर्बाद कसुगते| हग थन जब अती रासो ता उगे दगची उत्सव बनाम को गनसे जम्मा लुकच जा कसते!”

“बा से जबाब दासों,'हे जिगे सिरी, गान जीते जोरों इनो,हग जइ खे री जीगे इन अती जम्मा नगे ले| परन्तु इगे दगची खोंसिम बड़िया ले,खवकी नगे नुनु पजेगते निसो, परंतु थन अती कटगदे इन| अती पिनयर, परंतु थन इन से उजा कमासी|