37. यीशु लाजर जा हीचीम कोची टगन

लाजर मिन गै तीगे मी निसो| उगै निसे रिनस्या निसो जइगे मीन मरियम हग मारथा निसो| अती जम्मा यीसु गे लचग बड़िया साथो निसो| तीगे ज्या, खमी यीसु जा बतासों की लाजर मथे कगथे निसो| जब यीसु से यनसों ता उजा लुकसों, “अई कगथे लाजर गे हीचीम ते जोरों समाप्त मुलीचचो| अईगे बजाय, अई मीमग जा परमेश्वर गे आदर सुगमों गे दगची प्रेरित सुगयग

यीशु अपिंगे मित्र मंग जा प्रेम सुंग्ता, परन्तु जइको अती निसो अतकों उसे निसे ज्या वासे इंतजार हुगसो | उसी निसे ज्या गे निगम, उसे अपिगे डगमी जा लुकसों, “रनी, थोगसिगे यहूदी को देम| “डगमी जा जबाब दासों, “परन्तु हे गुरु, इता दु,मा समय लरे अतकों ची मीमग जीजा समों चीन्खे निसो! “यीसु से लुकसों, “इगे साथो लाजर लइया, हग जीजा उजा दनम इन|”

यीशु गै डगमी से जबाब दासों, हे बा, लाजर यके इन, ता अती ठीक लेयग|” स्पष्ट रूप से कलुकते, “लाजर पजेयग| जे आनंद को इने की जे अतकों मुनीयसों, खोवकी गन जीजा विस्वास सुग तरखनी|”

जब यीशु लाजर गै सौंग को टोनब ता लाजर पजेगते कोची लरे ची पी ज्या क्लते निसो| मरथा यीसु जा छेम दगची छमपग रासो हग लुकसों, हे प्रभु, यदि गन अईको लीनो ता जीगे नुनु मिहिचीयग|परन्तु जे विस्वास सुगतो की जइ खे री गन परमेश्वर जा थोनि सो अती गंजा दायग|”

यीशू से जवाब दासों, "पुनरुत्थान[हीचीम कोची टगम] हग जीवन जे लीये| जइ खमी री जीजा विस्वास सुगता अती हीचीम चग री अती टगयग| जइ खमी जीजा विस्वास सुगता?” मारथा से जबाब दासों, “हे प्रभु, जे विस्वास सुगतों की गन परमेश्वर गे सिरी मसीह लिनो|”

मरियम रासो| उसे यीसु गे लिके को गीगे लुकसों, हे प्रभु, यदि गन अईको लिकन ता जीगे नुनु मुहीचीसो ले|” यीसु से उजा रूसो, “गनसे लाजर जा लुकसों उलों कतासीद इन?” उसीसे उजा बतासों, “कब्र को| रा हग दोबयो|” तब यीसु तेंदे लीचचो|

अति कब्र तीगे फ़ो को निसो जइगे द्वारा तीगे उग जा कुनसों| जब यीसु कब्र को नबचों ता उसे उजा लुकसों, “उग जा हटातेयो|” परन्तु मारथा से लुकसों, “उसे पजगत कची पी ज्या कले| अतिकों बास रादे नियग|”

यीशु से जबाब दासो, खै जिसे गनिजा मुलुकसों की गनि जीजा विस्वास सुगनी ता परमेश्वर गे सामर्थ जा ऑगयगनी?” अईदगची उसीसे उग कहटाते|

हंग यीशू से यरतों स्वर्ग गे तोकसा दोबके लुकसों, हे बा, जीगे यनम गे दगची नगे धन्यवाद सुगतों| जे सुतो की गन हमेशा जीगे यन्ता, परन्तु जिसे अई अईको कयपते इन जम्मा मी मग गे मदत सुगमों गे दगची लुकसों ताकि अई विस्वास सुगयग की गनसे जीजा लाइसो, हे लाजर, छमपग रा!”

लाजर छमपग वखे रा! अती इता री कफन को कतुमसीदे| यीसु से उजा लुकसों, “अई कफन जा खनंम को उगे सहायता सुगयों हग उजा स्वतंत्र सुगयों|” अई चमत्कार गे वजह से यहूदियों से यीसु जा विस्वास हुगसो|

परन्तु यहूदियो गे धार्मिक अगूवे यीशु ते जिगनन, अईदगची अती योजना बनाम गे दगची तीगे जोरों थुमसीसों की यीसु हग लाजर जा सतेयग|