46. पोलूस मसीही विश्वासी बंनकन

शाऊल मिन गै तीगे मी निसो जइसे यीसु जा विस्वास मुसुगसो| जब अती जोदे निसो उसे स्तिंफनुस जा पजेगते वाला मी मग गे खसे पसे जा कदोबते निसो| निगम जे, अतिसे विश्वासियो कसतादे निसो|अतिसे यरुशलेम को चिमजा चिमजा देगे योरासीरी हग खूतिस्या मीमी गिरफ्तार सुगे जेल को कमोकते निसो| यहूदी पोदे पुजारी जा शाऊल जा दमिश्क राजु को देम गे अनुमति दासों| अतिसे अतकों ची मसीहियों जा गिरिफ़्तार सुगमों हग उसीजा थोकसीगे यरूशलेम कोरगे देम दगची शाऊल जा लुकसों|

शाऊल से दमिश्क देम दंगची यात्रा शुरू हुगसो की| अति सोग को नबम ची दूमा लरे, अतीगे पी तम तिमबु कोची तीगे लचग मथे छनत प्रकाश डोकचो हग अती थगजा चिरगुन| शाऊल से खमी जा लुकते यनसों,ऐशाऊल! ऐ शाऊल!गनजिजा खोउ सतागे तांतनो?"शाऊल से रूसो, “ऐ प्रभु, गन खमी लीनो?”यीशु से उजा जबाब दास, “जे यीशु लिये। गन जिजा सतागेततनों!"

शाऊल रचिसो ता अती दोब मतरसीदे ले| उगे साथो अतीजा दमिश्क को कोरगे देननचो| शाऊल से सुम ज्या वासे खरि मजासों हग ती री मुतुगसो|

दमिश्क को हनन्याह मिन गे तीगे डगमी निसो| परमेश्वर से उजा लुकसों, अती चिमजा दे जइको शाऊल कस्योगसिदै निसो, अपिंगे ला जा अतीको ताई खवकी अती हजु दोबके तासों|”परन्तु हनन्याह से लुकसों, "हे प्रभु 'जिसे कयनदे इने की अई मी से विश्वासियो मंग जा हम कसतादे इन|”परमेश्वर से उजा जवाब दासो, “दे! जिसे उजा यहूदियो को हंग दूसरो जाति को जीगे मीन गे घोषणा सुगमों दगची कचूनते| अती जीगे मीन गे दगची मथे कष्ट लेयग|”

हनन्याह शाऊल गे तूतों देसो, अपिगे ला जा अतीको तासो,हग लुकसों, “यीसु से, जइ अईको राम गे नगे अम को गंनजा प्रकट क्लते निसो, जीजा नगे तूतों लाइसो खवकी गन हजु दोबके तासो, हग पवित्र लमे गंनजा पीनतेयो|” छाटो ही शाऊल हजु दोबम को सक्षम कले, हग हनन्याह से उजा बपतिस्मा दासों| शाऊल से दुकलग हुगसो हग हजु बलवंत कले|

हगची,शाऊल से दमिश्क को बस्ते वाला यहूदियो गे प्रचार सुग्म शुरू कसुग्ते| उसे लुकसों, “यीशु ही परमेश्वर गे सिरी ले!”यहूदि मी मग हा क्लते निननचो, खवकी शाऊल से ता विश्वासियों जा समो गे प्रयास कसुगदे निसो, परन्तु थन अतिसे यीसु जा विस्वास कसुगदे निसो | शाऊल से यहूदी मीमग ते जोरों वाद विवाद हुगसो| अतिसे दिखसो की यीसु मसीह निसो|

अछो ज्या ची निगम, यहूदियो से शाऊल जा समो दगची योजना बनासों| उसीसे उजा समो दगची सोग को फाटक को मीमग जा लयसो| की उसिगे निगरानी सुगयों परन्तु शाऊल से अति योजना गे बारे को कयन, हग अतीगे साथो से बच गे राम को मदत हुगसो| तीगे मुनछे जा उसीसे उजा मयग को सोयगे सोग गे छग कोची इखो क्लाते| दमिश्क ते बच गे निकल्म गे निगम शाऊल से यीसु गे बारे को प्रचार सुगमों जारी हुगसो|

शाऊल यीसु गे खास डगमी जा छिम गे दगची यरुशलेम देसो, परन्तु अती जेरत निननचो| बरनवास मिन गे तीगे विश्वासी शाऊल जा प्रेरितो गै तूतों कोरगे रासो| उसे उसीजा बतासों की शाऊल से हम साहसी लिके दमिश्क गे प्रचार हुगसो| अईगे निगम, प्रेरितों से शाऊल जा स्वीकार कसुगते|

खमी विस्वासी जइ यरूसलेंम गे निसे छु कोची चोफोग अती वथे अंताकिया राजु को पूदेद नीसो हग यीसु गे बारे को प्रचार सुगदे लेनन| अंताकिया को बस्ते मीमग अधिकतर यहूदी मुनिसो, परन्तु लचग लरे, अतकों ची लचग मथे मीमग विस्वासी कबन| बरंनबास हग शाऊल अई नुदे विस्वासी गे यीसु गे बारे को हग अधिकार लबसीमं गे दगची अतकों देननचो हग कलीसिया जा मजबूत सुगसो| यीसु जा विस्वासी सुगदे वाला लचग लरे अंताकिया को “मसीही” लाईननचो|

तीगे ज्या, अंताकिया गे मसीही मीमग उपवास गे जोरों प्रार्थना सुगेताता| पवित्र लमे से उजा लुकसों, “जीगे दगची बनरबास हग शाऊल जा अती लंन जा सुगमों दगची यकरो सुगतेयो जइजा सुगमों दगची जिसे उसीजा गालसों|” अई दगची अंताकिया गे कलीसिया से बरनबास हग शाऊल गे दगची प्रार्थना हुगसो शाऊल गे यकरों यकरों जाती गे मीमग जा शिक्षा दासों, हग मथे मीमग से यीसु जा विस्वास हुगसो|