29. निर्दयी दास के कहानी

एक दिन, पतरस यीशु से पूछीस, "हे स्वामी, मोही अपने भाई क केतना बार क्षमा करा क चाही जब व मोरे विरुद्ध पाप करत हबा? का सात बार तक?" यीशु कहीन, "सात बार नहीं, पर सात के सत्तर बार!" एखे द्वारा, यीशु के मतलब ह कि हमहीं हमेशा क्षमा करा का चाही। तब यीशु य कहानी बताईन।

यीशु कहीन, "परमातिमा के राज्य एकठे राजा के समान ह जऊन अपन दास से लेखा लें का चाहत रओ ह । वाखर एकठे दास 2,00,000 साल के मजदूरी के एकठे बड़ा कर्ज के कर्जदार रओ ह ।"

पर व दास अपन कर्ज क चुका नई पाईस, एहीसे राजा कहीस, "याखर कर्ज चुकामा के लाने य मनई क अऊ एखे परिवार क दासन के रूप म बेंच द्या ।"

"व दास राजा के सामने अपन घुटना टेक के कहीस, 'थोड़ी मोरे साथ धीरज धर, अऊ मैं अपन कर्ज के पूरा रकम का चुकता कर दईहों ।' राजा दास के ऊपर दया करीस, एहीसे व ओखे सारा कर्ज का माफ कर दईस अऊ ओही जाएं दईस ।"

"पर जब व दास राजा के पास से बाहर गा, त ओही वाखर एकठे साथी दास मिलो जऊन ओखे चार महीना के मजदूरी के कर्जदार रओ ह । व दास अपन साथी दास का पकड़ लईस अऊ कहीस, 'जऊन तोरे ऊपर मोर कर्ज हबा मोही वाखर चुकता कर!"

"व साथी दास घुटना म गिर के कहीस, 'थोड़ी मोरे साथ धीरज धर, अऊ मैं अपन कर्ज के पूरा रकम का चुकता कर दईहों ।' पर एखे बजे कि, व दास अपन साथी दास क जेलखाना म डाल दईस, जब तक कि व कर्ज का चुकता न कर दे।"

"जऊन कुछ भ रओ ह ओही कुछ दूसर दास देखिन अऊ ऊँ बहुत परेशान होईगें । ऊँ राजा के पास गें अऊ सब कुछ बताईन ।"

"राजा व दास का बुला के कहीस, 'हे दुष्ट दास! मैं तोरे कर्ज क एसे क्षमा कर द रओ हों कहेसे कि ते मोसे विनती करे रए हस । त तोही भी वईसा ही करा का चाही ।' राजा एतना गुस्सा होई गा कि व दुष्ट दास क जेलखाना म डाल दईस जब तक कि व अपन सारा कर्ज का वापस चुका न दे।"

तब यीशु कहीन,"मोर स्वर्ग म विराजमान पिता तुम म से हर एक झन के साथ अइसा ही करी अगर तुम अपन भाई क अपन हृदय से क्षमा न करिहा त ।"