2. पाप रा ससांरा च आऊणा।

आदम ओर तिसरी पतनी परमेसवरा रे सुणे बगीचे च बहुत खुस थे। ओर से नगे थे, पर तिना जो कोई फरक नही था, तिस समय तरतिया पर पाप नी था। से कदी कदी बगीचे च कुमा थे ओर परमेसवरा कने बात करा थे।

पर तिते बगीचे च ईक साप थाओर रे बहोत चलाक था तिने ओरता ते पुछया, “कि सच्‍ची परमेसवरा ने ईस बगीचे रे पेङारे फल खाणे जो ना कितीरी?”

तिसा औरता ने बोलया, “परमेसवरा ने असा जो बोलीरा बई पले ओर बुरे पेङा रे फल नी खाणे बाकी असे सारे पेडा रे फल खाई सकाए। परमेसवरा ने असा जो बोलिरा जे तुसे ईते रा फल खाया या छुया, तो तुसे मरी जाणे।”

तिने सांपा ने ओरता जो बोलया, “ए सच नी आ तुसेनी मरने। परमेसवरा जो पता ब ई जे तुसे ऐ फल खाया, तो तुसे परमेसवरा साई हुई जाणे तब तुसे पले बुरे रा फरक समजणे लगी जाणेँ।”

तब तिसे ओरता ने देखया कि ये फल तो बडा सुणा ओर देखने जो बी सुआद आ। से बी समजदार बनना चा थी, ओर तिसे फल तोडी के खाई लेया। तब तिसे अपने पति जो तिसा कने साथी था तिसो बी दिता ओर तिने बी खाईला।

ईक दम, तिनारी आखीं खुली गिया, तब तिना जो पता लगा ब ई से नंगे थे। तब तिने पते ले ओर सिले ओर सरीरा जो टकने री कोसीस किती ।

तब आदम ओर तिसा री पतनीया ने बगिचे च परमेसवरा रे कुमने री आवाज जो सुणया। तब से दोनो जणे छुपी गय। तब परमेसवरा ने आदमा जो बुलाया, “तु कितीआ?” तब आदमा ने बोलया, “बेई मे तुसा जो बगीचे च घुमदे हुऐ सुणया, ओर अँउ डरिगा ओर अँउ नंगा था इस खतर छुपीगा।”

तब परमेसवरा ने पुछया, “तिजो किने बताया की तु? नंगा क्या ते से फल खाया जो मे ना किती थी?” आदमा ने बोलया, “तुसे जो ओरत मिजो दिती ईसे मिजो ये फल खलाया।” तब परमेसवरा ने ओरता ते पुछया, “ते ये क्या किता।” तब ओरत ने बोलया, “सांपा ने मीजो तोखा दितया।”

परमेसवरा ने सांपाजो बोलया, “तु सरापित आ तु तरतिया पर लुरी के चलना ओर मीटी खणी। तु ओर ये ओरत ईक दुजे कने नफरत करगे, ओर तेरे बच्‍चे ओर ईसा रे बच्‍चे ईक दुजे कने नफरत करगे। ईसा ओरता रा कुल तेरे सिरा जो मरोडेगा ओर तु तिना री एड़िया जो डसगा।”

तब परमेसवरा ने ओरता जो बोलया, “जब तेरे बचचा हुणा तब मे तरी पीड़ा जो जादा बडागा। तिस समय तेरा मन अपने आदमीया रे तरफ हुणा ओर तिने ता पर राज करना।”

परमेसवरा ने आदमा जो बोलया, “ते अपनी ओरता री सुणी ओर मेरा केणा नी मानया। ईते खतर तरति बुराइयाच डुबीगी अब तिजो खाने खतर कडी मेहनत करनी पडनी। ओर अब तु मर जाणा ओर तेरा सरीर मिटीच मिली जाणा।” तिने आदमीए अपनी ओरता रा नाम हवा रखया जितेरा मतलब जीवन देने वाली; से सब जातीरी मां हुनी तब परमेसवरा ने आदम ओर हवा जो जानवरा री खाला रे कपडे पनाए।

तब परमेसवरा ने बोलया, “पले ओर बुरे री पहचाणा रे बाद आदमी असा साई हुई गया, इते खतर तिनाओ जिवना रे पेडं आ रे फल नी खाणे देने नही तो ये सदा जींनदे रेणे।” ईते खतर परमेसवरा ने आदम ओर हवा जो बागा ते बार करिता। ओर परमेसवरा ने कोई बीतिते फला जो ना खाओ तिते खतर बागा रे दरवाजे पर ताकतवर सवरग दुतो जो बठाईते।