28. ईक अमीर जुआन यहुदी

ईक दिन, ईक तनवान जवान राजा ने यीशूआ गे आई के पुछया, “हे उतम गुरु, सदा रा जीवना खतर मुझे क्या करना पडना?” यीशुआ ने बोलया, “तु मिन्‍जो अच्‍छा क्यु बोला? ईक ई अच्‍छा से आ परमेसवर। पर जे तु सदा रा जीवन पाणा चा तो परमेसवरा रे नियमा रा पालन कर।”

तिने पुछया, “मिन्जो कुण कुण जे हुकुम जो मानने री जरुरती?” यीशूआ ने बोलया, “किसी जो मारना नी। गलत काम नी करने। चोरी नी करनी। चुठ नी बोलना। अपने माता पिता रा मान करना, ओर अपने पडोसीया कने अपू साई प्यार करना।”

तिस जवान आदमीया ने बोलया, “अऊ बचपना ते ई इना सब बाता जो मानने लगीरा। मिन्‍जो सदा खतर जींदा रेणे खतर अब क्या करने री जरुरती?” यीशूआ ने तिसो देखया ओर तिसो प्यार किता।

यीशू ने बोलया, “जे तु महान होणा चा तो अपणा सब कुछ बेची दे ओर अपना तनं गरीबा च बडीदे, तब तिजो सव्रगा च तनं मिलणा।तिते बाद आईके मा पिछे आईजा।”

यीशूआ ने जो बोलया जब तिने आदमीया ने सुणया तब से बोत उदास हुआ, से बोत तनी था। ओर से अपनी जयदात देना नी चा था। से यीशूआ गे ते वापस चली गया।

यीशूआ ने अपने चेलेया जो बोलया, “परमेसवरा रे राजय च तनी लोका रा जाणा बोत मुसकला!ईक तनी आदमीया रा परमेसवरा रे राजय जाने री जगह इक ऊटा रा सूइया रे नके च निकलना असाना।”

यीशूआ ने जो बोलया जब चेलो ने सुणया तो से हैरान थे। तिने बोलया, “जे एडा तो परमेसवर किसो बचागा?”

यीशुआ ने चेलया जो देखया ओर बोलया, लोका जो अपणे आपा ते उद्धार पाणा मुसकला। पर परमेसवरा खतर कुछ बी करना मुसकल नीआ।

पतरसा ने यीशूआ जो बोलया, “असे चेले अपणा सब कुछ छडीके तेरे पीछे आईगे। तब मारा इनाम कया हुणा?”

यीशूआ ने बोलया, “हर ईक जणा जिने मेरे खतर अपणा कर,पाई,बेण,माता, बच्चे,या जयादाद छडी,से तिते सो गुणा तिसो मिलणा। ओर सदा रा जीवन बी मिलणा, पर बोत सारे जो पेले से पीछले हूणे,ओर जो पिछले से पेले हुणे।”