35. ईक दयालु पिता री काणी

ईक दिन, यीशू तिना बोत सारे लोका जो समझाने लगीरा था जो तिसरी बात सुनणे खतर तिथी आए। ईतेच लगान लेने वाले ओर साथ मे ओरी लोग भी थे जीने मुसा री नियमा-कानूना रा पालन नी किता।

कुछ तारमीक परदाना ने देखया बई यीसू ईना लोका कने दोस्ता साई बोला। ईते खतर तिने ऐक दुजे कने ऐ बोलणा सुरु करीता से ठीक नी करने लगीरा। यीसुआ ने तिना जो बाता करदे सुणया, ईते खतर तिने ऐ काणी बताई ।

“इक आदमी था जीसरै दो बेटे थे। छोटे बेटे ने अपने पिता जो बोलेया, ‘मिंजो अबु मेरा ईसा देओ। तब तीनारे पिता ने दोनारा ईसा करीता’।”

“तब तीसी समय छोटा बैटा अपणा सब कुछ लैइके दुजी जगह चलीगा ओर पापी जीवन जीणे खतर अपणा सारा तन बरबाद करीता।

“ईते बाद, जीथी छोटा बैटा था तीथी दैसा च अती अकाल पडेया, तो तिसगे रोटीया लैणे जो पेसै नी थे। ईतै खतर तीसो जो काम मीलया से सुअरा जो चुगाणे रा काम मीलया। से ईतना पुखा था ओर दुखी था बई से सुअरा रा दाला खाणा चा था।

“बादा च, तिने छोटे बेटे ने अपु जो बोलया, ‘अऊ क्या करने लगीराॽ मेरे पिता रे सेवका गे सब कुछ खाणे जो आ, तब बी अऊ ईथी पुखा मरने लगीरा। अऊ अपणे पीता गे वापिस जाणा चा। ओर अपने पिता रा नोकर बनने जो तिस कने अरज करगा’।”

“तब तिसरा छोटा बेटे ने वापस अपणे पिता रे करा जो चलणे लगया। जब से अबु दुर ही था, तो तिसरे पिता ने तिसो देखया ओर तिस पर तरस खाई। से दोडी के गया ओर अपने बेटे जो गले लगाई के प्यार किता।”

“तिने बोलया, ‘हे पिता, मै परमेसवर ओर तेरे खिलाफ बुरा किता। अऊ तेरा बेटा हुणे रे लायक नी आ’।”

“पिता ने अपणे ईक सेवका जो बोलया, ‘बई जलदी जाई के सुणे कपडे लेई आओ ओर मेरे बेटे जो पनाओ! इसरी उगलीया च गुठी ओर पैरा व जुते पनाओ। तब ईक सबी ते सुना बछडा मारो जिते जो असे खाई सको ओर खुसी मनाईए, मेरा बेटा जो मरी गया था,से अब ठीक आ, से गुम हुईगा था पर अब से वापस आईगा’।”

“अब लोका ने खुसीया मनानी सुरु करीतिया। कुछ समय बाद, बडा बेटा बागटिया च काम करीके करा जो आया। तिने गाणे ओर नाचणे री वाज सुणी तो से हैरान हुई गया बई ऐ क्या हुने लगीरा।”

“जब बडे बेटे जो पता लगया बई ऐ खुसीया तब लगीरे मनाने बई तिसरा पाई करा जो वापस आईगा, तो से बहुत गुसा हुआ ओर करा रे अनंदर नी आया। तिसरे पिता ने तिसो खुसीया च सामील हुने जो बोलया, पर तिने ना करीती।”

“बडे बेटे ने अपणे पिता जो बोलया, ‘ईतने साल मे ता खतर ईमानदारीया कने काम किता! कदी तेरी बात नी टाली, पर ते कदी मिजो ईक छोटी बकरी बी नी दिती बई अऊ अपने दोसता कने बणाई के खाऊ। ओर तेरे ईस बेटे ने तेरा सारा तन गन्दे कामा च लगाई ता। ओर अब जब ऐ वापस आया तब ते इस खतर सबी ते अच्छा बछडा मारीता’।”

“पिता ने बोलया, ‘हे मेरे बेटे, तु सदा मा कनेआ, ओर जो कुछ मेरा से सब तेरा। पर असा जो खुसीया मनानी चाईए तेरा पाई जो मरीगा था से अब जीऊदा आ। ऐ गुम हुईगा था पर अब असा जो मिली गा’।”