37. यीसु लाजरा जो मरीरे मे ते जिंदा करा

लाजर नामा रा ईक आदमी था। तिसरी दो बेणा थी जिना रे नाम मरियम ओर मारॆथा थे। ओर ऐ यिसुआ रे गेहरे दोसत थे। तब ऐक दीना, कीने यीसुआ जो बतायाके लाजर जयादा बमार आ जब यीसुऐ सुणेया तब तीने बोलेया, “ऐ बमारी तो लाजरा रे मरने ते बाद खतम नी उणी। ओर ऐ बात लोका जो परमेसवरा रा आदर करने खतर तयार करगी।”

यीसु आपणे दोसता कने पयार करां था, पर जीथी से था तिथी तिने दो दीना तक ईन्तजार कितया। तीना दो दीना बाद आपणे चेलेया जो बोलेया चलो वापस यहुदीया चलीए। चेलेया ने बोलेया कुछ समय पेले तीथी रे लोक तीजो मारना चां थे! यीसुए बोलेया, “मारा दोसत लाजर सई गीरा, तीसो मीजों जगाणाऐँ।”

यीसुरे चेलेया ने बोलेया, “हे परभु, जे लाजर सोई गेरा ,तब ठीक उईजाणा।” तब यीसुने तीना कने साफ बोलेया, “लाजर मरी गई रा। आउं खुस आ की आउं तीथी नी था, बई तुसे मा पर बीसवास करी सको।”

जब यीसु लाजरा रे गाव गया तब लाजरा जो मरी रे चार दिन हुई गेरे थे। मारथा यीसुआ जो मिलने बार आई ओर बोलया, “हे परभु, जे तु ईथी हुदा तो मेरा पाई नी मरदा।पर अऊ ता पर विसवास कराई बई जो कुछ तु परमेसवरा ते मंगा से तिजो मिला।”

यीसुआ ने बोलया, “दुबारा जन्म ओर जीवन आऊ ही आ। जो भी मा पर परोसा करा से मरी बी जागा तब बी जीवणा। जो मा पर विसवास करा से कदी नी मरना। तु क्या इस बाता पर विसवास कराई?” मार्था ने बोलया, “हे परभु, अऊ विसवास कराई बई तु परमेसवरा रा बेटा मसीह आ।”

तब मरियम आई। तिसे यीसुआ रे पैरा पर चुकी के बोलया, “हे प्रभु, जे तु ईथी हुदा तो मेरा पाई नी मरदा।” यीसूआ ने पुछया, “तुसे लाजरा जो किती रखीरा?” तिने तिसो बताया, “कबरा च। आओ ओर देखी लो।” तब यीसु रोणे लगया।

से कबर ईक गुफा थी जिते रे दरवाजे पर पत्थर लगाईरा था। यीसु कबरा पर गया ओर बोलया, “पत्थरा जो कनारे करी दो।” तब मार्ता ने बोलया, “तिसो मरीरे चार दिन हुईगे। तिते ते बुरी बास आऊणे लगीरी हुगी।”

यीसुआ ने बोलया, “मै तुसा जो बोलया था जे तुसे मा पर विसवास करगे तो परमेसवरा से कामा जो देखगे? तब तिने से पतथर कनारे करीता।”

तब यीसुआ ने ऊपर सर्वगा री तरफ देखया ओर बोलया, “हे पिता, मेरी बात सुनने खतर अऊ तेरा तनयाबाद करा। अऊ जाणा बई तु सदा मेरी सुणा, पर मे ऐ बात ईथी खडीरे सारे लोका री मदद करने जो बोलया बई ऐ विसवास करो कि ते अऊ पेजीरा।” तब यीसुआ ने जोरा कने वाज मारी, “हे लाजर, बार आई जा!”

तब लाजर बार आईगा! से अबुबी कफना च लिपटी रा था। यीसुआ ने तिसो बोलया, “ईते कफना जो नकालने च इसरी मदद करो ओर ईसो बार नकालो।” ईते चमतकारा ते बाद बहुत सारे यहुदिया ने यीसुआ पर विसवास किता।

पर यहुदिया रे तरमी परदान यीसुआ ते चिडने लगे, ईते खतर से सारे कठे हुई के सोचणे लगे बई यीसु ओर लाजरा जो किया मारीए।