36. यिशु मसीह गो रूप बदल गेयो

एक दिन, यीशु आपग तीन चेलां, पतरस, याकूब, अर यूहन्ना नै आपग सागै लीओ। ओ यूहन्ना नाम गो चेलो बोई आदमी कोनी है जण यीशु नै बपतिस्मा दिओ हो। बे प्रार्थना करण खातिर एक ऊँचा पहाड़ पर गेआ।

जद यीशु प्रार्थना करण लागरेओ हो तो बिंगो चेहरो सूर्य गै समान चमक गेओ। बिंग कपड़ा उजियाले ग समान सफेद हो गेआ, जिंया पृथ्वी पर कोई कर सक बिंमु बढ़गे सफेद।

मूसा अर एलिय्याह भविष्यद्वक्ता प्रकट होआ। आ आदमी ईं पृथ्वी पर ईं समय मु सैकड़ां साल पेंला रेआ करता हा। बै यीशु सागै बिंगी मृत्यु गै बारे मै बात करी, क्योंकि बो जलदी ही यरूशलेम मै मर जावगो।

जद मूसा अर एलिय्याह यीशु सागे बातां करण लागरेआ हो तब पतरस यीशु नै केओ, "माहारे खातिर अठ रेणो भलो है। मेह तीन मंडपां नै बणावा, एक तेर खातिर, एक मूसा गै खातिर, अर एक एलिय्याह ग खातिर।" पर पतरस कोनी जाणतो हो के बो के केण लागरेओ है।

जद पतरस बात करण लागरेओ हो, तो एक चमकदार बादल नीचे आगे बांग पर छा गेओ। फेर बे बादल मुँ एक आवाज नै आन्‍तो सुणेओ। बण केओ, "ओ मेरो पुत्र है जिंग सागे में प्रेम करतो हूँ। मै बिमु खुश हूँ। बिंगी सुणो।" बे तीनु चेला डर गेआ अर जमीन पर लेट गेआ।

तब यीशु बाने छुओ अर केओ, "डरो ना। उठ जाओ।" जद बे चारु ओर देखेओ, तो झीको भी बठ हो बो एकलो यीशु हो।

यीशु अर बे तीनु चेला पहाड़ मुँ वापिस नीचे उतर आया। तब यीशु बाने केओ, "अभी झीको कि आठै होयो बिंगी चर्चा किंग सागे ना करीओ। मैं जलदी ही मर जाऊँगा अर फेर जीवित हो जाऊँगा। बिंग बाद, थे लोगां न बता सकता हो।"