18. बटाहुआ राज

दाऊद राजा ने चालीस सालन तक इस्राएल मा राज कीनेस। तब व मर गा, अउर वहिका लरका सुलैमान ने इस्राएल पर राज करब शुरू कीनेस। परमेसुर ने सुलैमान से बातें करिस अउर वहिसे पूछिस कि व सबसे ज्यादा काय चाहत है कि परमेसुर वहिके खातिर करै। सुलैमान ने परमेसुर से माँगिस कि व वही बहुत बुद्धिमान बना देय। या बात से परमेसुर बहुत खुश भा, यहीखातिर परमेसुर ने सुलैमान को संसार का सबसे बुद्धिमान आदमी बनाय दीनेस। सुलैमान ने बहुत बातें सिखिस अउर व इयक बुद्धिमान शासक रहै। परमेसुर ने वही बहुत धनवान बनाय दीनेस।

यरूशलेम मा सुलैमान ने व मंदिर का बनायस जेहिके खातिर वहिके बाप ने योजना बनायी रहै अउर सामान का इकट्ठा कीनेस। अब लोग मिलाप वाले तम्बू के बजाय मंदिर मा परमेसुर कै आराधना करत ते अउर वहिके खातिर बलिदान चढ़ावत ते। परमेसुर आय कै मंदिर मा रहो करत तै, अउर उहाँ व अपने लोगन के साथ निवास करत तै।

लेकिन सुलैमान ने दुसरे देशन कि औरतन से पियार कीनेस। व बहुत सी लगभग 1,000 औरतन से बिवाह करकै परमेसुर कि आज्ञा का उलंघन कीनेस! इनमा से बहुत औरते दुसरे देशन से आई अउर अपने साथ आपन देवतन का भी लाइ अउर उनकै उपासना करती रही। जब सुलैमान बुढायगा तो व भी उनके देवतन कै उपासना कीनेस।

या वजा से परमेसुर सुलैमान से क्रोधित रहै। तब वा कहिस कि व इस्राएल देश का द्वि राजन मा बाँट कै वही सजा दयी। व सुलैमान के मरै के बाद अइसन करी।

सुलैमान के मरै के बाद, वहिका लरका रहबाम राजा बनो। इस्राएल देश के सबै लोग अपने राजा के रूप मा वही स्वीकार करै के खातिर इयक साथ इकठ्ठा भे। उयीं रहबाम से शिकायत कीनेन की सुलैमान ने उनसे बहुत कठिन काम करवाओ तै अउर बहुत से कर वसूले रहै। उयीं रहबाम से अनुरोध कीनेन की उनसे कम काम करवाओ जाय।

लेकिन रहबाम ने उनका बहुत ही बेवकूफी से जवाब दीनेस, “तुम कहत हऊ कि मोर बाप सुलैमान तुमसे कठिन परिश्रम करवायस। लेकिन मै तुमसे वहिसे भी अधिक कठिन काम करवइहौ अउर मैं तुमका वहिसे भी ज्यादा पीड़ित करिहौ।”

जब लोगन ने वही अइसा कहत सुना तो उनमासे बहुतन ने वहिके विरुद्ध बलवा कीनेन। दस गोत्रन ने वही छोड़ दीनेन,वहिके साथ केवल द्वि गोत्र ही बचे। इन द्वि गोत्रन ने अपने आपका यहूदा का राज कहिन।

बाक़ी के दस गोत्रन ने यारोबाम नाम के इयक आदमी का आपन राजा बनाय लीनेन। यहय गोत्र देश के उत्तर-पूर्वी भाग मा रहय। उयीं अपने आपका इस्राएल का राज कहिन।

लेकिन यारोबाम ने परमेसुर के खिलाफ बलवा कीनेस अउर लोगन से पाप करवायस। वा अपने लोगन से उपासना करै के खातिर द्वि मूरत बनवाइस। उयीं अब यहूदा के राज यरूशलेम मा परमेसुर के मंदिर मा वहिकै अराधना करै के खातिर न जात ते।

यहूदा अउर इस्राएल के राज दुश्मन बन गे अउर इयक दूसरे के खिलाफ युध्द लड़े लाग।

इस्राएल के नए राज मा, सारे ही राजा दुष्ट भे। इनमा से कई राजा उनकी जगा मा राजा बनै के खातिर चाह रखैं वाले दूसरे इस्राएलिन के द्वारा मार डाले गे।

इस्राएल राज के सारे ही राजा अउर अधिकतर लोगन ने मूर्तिंन कै उपासना करत ते। जब उयीं अइसा कीनेन, तबै उयीं अक्सर वेश्यन के साथ मा सोइन अउर इहाँ तक कि कई बार मूर्तिन के आगे लरकन का भी बलिदान कीनेन।

यहूदा राज के राजा, दाऊद के वंशज रहै। इन राजन मा से कई भले इंसान भी रहै जउन न्यायपूर्वक राज कीनेन अउर परमेसुर कै आराधना कीनेन। लेकिन यहूदा के अधिकतर राजा दुष्ट रहै। उयीं दुष्टता से शासन कीनेन अउर मूर्तिन कै उपासना भी कीनेन। इहाँ तक कि इनमा से कुछ राजन ने झूठे देवतन के आगे अपने लरकन का भी बलिदान कर दीनेन। यहूदा के अधिकतर लोगन ने भी परमेसुर के खिलाफ बलवा कीनेन अउर अन्य देवतन कै उपासना कीनेन।