27. दयालु सामरी कै कथा

इयक दिन, मूसा की व्यवस्था का सिखावय वाला आदमी यीशु के नेरे आओ। व सब का या देखाओं चाहत तै कि यीशू गलत तरीके से शिक्षा दियत तै। यहीखातिर व कहिस, “हे गुरु सदा काल का जीवन पावें के खातिर मै काय करू?” यीशू ने उत्तर दीनेस, “मूसा कै व्यवस्था जउन परमेश्वर ने दीन तै, वह मा काय लिखो है?”

व आदमी कहिस, “वह मा अइसा कहा गा है कि अपने परमेसुर से अपने सारे मन, प्राण, सामर्थ अउर ज्ञान से पियार कर अउर अपने पड़ोसी से अपनी तरा पियार कर।” यीशू ने उतर दीनेस, “तै ठीक कहि रहो हा! अगर तै अइसा करस, तो तोही सदा काल का जीवन मिल जयी।”

लेकिन व्यवस्था का सिखावय वाला आदमी, लोगन का या देखाओं चाहत तै कि वहिके जीवन जीय का तरीका ठीक है। यहीखातिर व यीशू से पूछिस, “ठीक है, तो मोर पड़ोसी कउन है?”

यीशू ने व व्यवस्था के सिखावय वाले आदमी का इयक कहानी सुनाय कै उत्तर दीनेस। “इयक यहूदी आदमी रहै जउन इयक सड़क से हुयी कै यरूशलेम नगर से यरीहो नगर कै यात्रा कर रहो तै।”

“लेकिन कुछ डाकुअन ने वही देखिन अउर वही पर हमला कर दीनेन। उयीं वहिका सब कुछ लयी लीनेन अउर वहिका मारेन-पीटेन तथा अधमरा छोडकै चले गे।”

“वहिके तुरन्त बाद, इयक यहूदी याजक वही सड़क से हुइ कै गुजरो। व याजक ने वही आदमी का सड़क पर पडा हुआ देखिस। जब व वही देखिस तो व सड़क की दूसरी तरफ जायकै आगे बढ़गा। उसने व आदमी का पूरी तरा से अनदेखा कर दीनेस।”

“यहि के थोड़ी देर बाद, इयक लेवी व सड़क पर आओ (लेवी यहूदियों का इयक गोत्र रहै जउन मंदिर मा याजकन कै सहायता करत ते) व लेवी भी अधमरा पड़े आदमी का दिखिस अउर दियख कै सड़क की दूसरी तरफ से निकर गा। वहव भी व आदमी का अनदेखा कर दीनेस।”

“अगला आदमी जउन व सड़क पर आओ व सामरिया देश का इयक आदमी रहै (सामरी लोग अउर यहूदी लोग इयक दुसरे से नफरत करत ते) फिर भी व सामरी आदमी ने जब सड़क पर परे व यहूदी आदमी का देखिस, वह मा बहुत तरस खायस। तबहिन व वहिके नेरे गा अउर वहिके घावन पर पट्टी बाँधेस।”

“फिर व सामरी ने व आदमी का अपने गदहा पर डारेस अउर वही व सड़क से राहगीरन के रुकय की जगा मा लयी गा। जहाँ पर वहिकै देखभाल करव जारी रखिस।”

अगले दिन, व सामरी का अपनी यात्रा का जारी राखै कै जरूरत रहै। व वही राहगीरन के रुकय की जगा के मालिक का कुछ पइसा दीनेस। व वहिसे कहिस, “या आदमी कै देखभाल करे। यदि या पइसा के अलावा तोर कुछ अउर पइसा खर्च हुयी जाय तो वापिस आवें पर मै तोर व खर्च का भर दयिहऊ।

फिर यीशू ने व व्यवस्था के सिखावय वाले आदमी से पूछिस, “तय काय सोचत हा? इन तीन लोगन मा से कउन व आदमी का पड़ोसी हुयी जेहि लूटो अउर पीटो गा तै?” व उत्तर दीनेस, “वहय जउन वह मा दया देखाइस।” यीशू ने वहिसे कहिस, “तै ज अउर अइसा ही करें।”