31. यीशु पानी मा रेंगत है

पाँच हजार आदमिन का खाना खवावय के बाद, यीशु अपने चेलन से नाव मा चढ़ें के खातिर कहिस। यीशु उनका झील के दूसरी तरफ चले जाय के खातिर कहिस अउर उयीं थोड़ी देर के खातिर वही रूक गे। अतः चेला चले गे अउर यीशु भीड़ का बिदा कीनेस कि उयीं अपने घर चले जाय। यही के बाद, यीशु प्रार्थना करै के खातिर इयक पहार मा चलो गा। उहाँ पर व अकेले रहय, अउर व देर रात तक प्रार्थना करिस।

व समय, चेले अपनी नाव का खेवत चले जात ते, लेकिन हवा उनके खिलाफ बड़ी तेजी से चलै लाग। बहुत रात हुई जाय के बाद भी उयीं झील के बीच मा ही पहुचे ते।

व समय यीशु प्रार्थना खत्म कीन तय अउर चेलन के नेरे जाय के खातिर शुरूआत कीन तय। व नाव कि ओर जाय के खातिर पानी के ऊपर चल रहो तय।

तब चेलन ने वहिका देखिन। उयीं बहुत डेराय गे कहेसे उयीं सोच रहे ते कि कउनो भूत आय। यीशु जानत तै कि उयीं डेराय गे है, यहीखातिर यीशु उनका आवाज दयी कै कहिस, “डेरावो नहीं, मै ही हूँ!”

तब पतरस ने यीशु से कहिस, “हे परभू, अगर तै हई तौ मोहिका पानी मा चल कै अपने नेरे आवे का आदेश दे।” यीशु ने पतरस से कहिस, “आव!”

अतः पतरस नाव से उतर गा अउर यीशु के नेरे जाय के खातिर पानी मा चलै लाग। लेकिन थोड़ी दूर जाय के बाद, व अपनी आँखी यीशु से फेर लीनेस अउर लहरन का देखय लाग अउर तेज हवा का भी महसूस कीनेस।

तब पतरस डेराय गा अउर पानी मा बुडय लाग। व चिल्लाइस, “हे परभू मोहिका बचाव!” यीशु ने वही समय हाथ बढ़ाय कै वहिका पकर लीनेस! तब व पतरस से कहिस, “तोर विश्वास बहुत कम है! तै सुरक्षित रहय के खातिर मोहि पर विश्वास काहे न कीने?”

तब यीशु अउर पतरस नाव मा चढ़ गे अउर जल्दी हवा का चलब बंद हुईगा। पानी शांत हुईगा। चेलन ने चकित हुई कै यीशु के आगे घुटना टिकाय दीनेन। उयीं वहिकै आराधना कीनेन अउर वहिसे कहिन, “सचमुच तै परमेसुर का लरका आही।”