27. जेनु सामरी कु कथा।

ताकु ज्या यहूदी धार्मिक नियम कु ताकु पेनु यीशु दरु राजु। उइ बिर जौ अनमा थेम चिड़ं निजु की यीशु यानु रीती सु परमेश्‍वर कु ज्ञान दा निजु। इदु हन्दु उइसु लिसु हे गुरु खजारी था घिलो जीवन थोजम हन्दु जी खा घामु। यीशु सु जवाब दासु , परमेश्‍वर कु धार्मिक नियम रु खा किरी निजु।

इदु मी सु लिसु इदु लिसु की परमेश्‍वर सु अफी बिर सीसो ,प्राण, शक्ति ,अज्यु होशियार सु प्रेम तामु। अज्यु अफी सुखुड़ं जो अफी बराबर प्रेम घा। यीशु सु जवाब दासु घे ताकचोना जेनु निहेन। खलन की घे अनमा घाजे ते घे खजारी था घिलो जीवन छुयाड़ं।

खलन इदु धार्मिक नियम कु पेनु मीजन कु थेमु चिड़ं निजु कि उइकु जीवन टाडंमु कु तरीका जेनु निजु। इदु हन्दु उइसु यीशु जो रुसु , जेनु निहेन, ते जिकु सुखुड़ं खमी ली?

यीशु सु उइ धार्मिक नियम जो ताकु कथा बतेमु हन्दु जवाब दासु। ताकु यहूदी मी निजु जौ ताकु रोड सु लिलन यरुशलेम भाड़ं सु यरीहो भाड़ं कु यात्रा घा निजु।

खलन अल्या गुण्डा सु इदु ताड़ंसु ताकजो इदु रु कमनु हन्दु दिसु। उइसु उइकु बिरझन पुकरसु अज्यु सीजम होना सु कमसु। सु उई ताजु।

इदकु इतम ज्या कु बाद ताकु यहूदी पुजारी इदु रोड सु लीलन दिजु। इदु पुजारी सु इदु मी कु रोड रु पाकसीनु ताड़ंसु। जब इदुसु उइ ताडंसु ते इदु रोड सु खिजु अम दिलन तुकतु दी ताजु। उइसु इदु मी सु मुपेमु बेस घासु।

"इदुकु नोगोन्दी अल्या ज्या होना सु ताकु लेवी इदु रोड रु राजु (लेवी यहूदियों कु ताकु जाती निजु खलन की मंदिर रु यहूदी पुजारी कु मदद घासु ) । इदु लेवी ले रोड कु खिजु र्खचु दी ताजु। इदु सू इदु मी जो मुताड़ंमु कु बेस घासु। "

"खिजु मी जौ रोड रु राजु इदु सामरिया भाड़ं कु ताकु हुरासीरी निजु (सामरी अज्यु यहूदी ताकु खिजु सु रिस घा निजु द्ध ) इदु सामरी सु रोड रु इदु मी ताड़ंसु इदु सु ताडंसु की इदु यहूदी निजु , खलन फिर ले इदुसु इदु रु दलना सोयकांड़सु। इदु दरु दिसु अज्यु इदु कु घावो रु पटियॉ घुयलन। "

इदु सामरी सु इदु मी जो अफी गधे रु तासु अज्यु इदु रोड सु ताकु यात्री कु सुड़ंमुजन रु कुरलन दिजु। इदोड़ं इदसु उड़ंमु ना सुड़ंचु।

खिजु ज्या सामरी कु अफी यात्रा रु दीमु निजु। उइसु इदुजो मालिक जो अल्या जोड़ं दासु। इदु सु उइजो फासु घे उइ मी जो उड़ंमु। खलन कि अन्दु जोड़ं कु अलावा घुघु अल्या अज्यु जोड़ं र्खच लिजे वापस रालन र्खचु जी घेगु इदु र्खचा दाडंदी।

इदु यीशु ने उइ धार्मिक नियम कु पेनु मी सु रुसु ,"घे खा खिसन? अन्दु सुम मीजन र्खचु खमी इदु मी कु सुखुड़ं निजु जो लूटलन अज्यु कमलन घासु ?" उइसु जवाब दासु ,"उई जौ इदु सोयकाड़ंसु घासु।" यीशु सु इदोजो लिसु , "घे दी अज्यु अमा ना घा।"