7. परमेश्‍वर सु याकूब सु आशिर्वाद धासु।

जब इदु संजन पुनू लिजु ते याकूब सु सुड़ंरू सुड़ंमु जेनु खिसु , खलन कि एसाव जानवर सेयमु जेनु खेनी। रिबका सु याकूब सु जेनु खीसु खलन इसहाक सु एसाव जो जेनु खि निजु।

ताकू ज्या एसाव शिकार गलान थोकते राजू इदु हलाड़ं फ़ि निजु। एसाव सु याकूब सु लिसू गे सु कोयन अल्या जाती जिझो ले दा। याकूब सु जवाब दासु तकुतु जो वादा गा तुकुतु पुनु सेयुनु लिमु कु कारण सु बिर ताकू चीज़ घेजो छिमु चिहनी इदु बिर छन जो दाड़ंदन। एसाव सु इदु बीर चीज झन रु याकूब को दामु वादा गासू तकचा याकूब सु इदु अल्या झाती दासु।

इसहाक एसाव कु आशिर्वाद दामु चिड़ं निजु। इन्दु हन्दू अनमा घासु रिबका अज्यु याकुब सु याकूब के एसाव हो लिमु कु ढ़ोंग घासु इदु कु इसहाक धोखा दासू। इसहाक सयाइनू निजु उगं मूनिचू निजु इदु हन्दू याकूब सू एसाव कू घे चुकसीम अज्यु मला कु लेफ़े अफ़ी भना अज्यु लारू कुथमसु।

याकुब इसहाक कु दरू राजू अज्यु सु लिसू एसाव ली इदु हन्दू राजू की गे झीझो आशिर्वाद दा। इसहाक सू मला कू बलझम धमसु अज्यु गे निघसु निजु इदु सोच सु की एसाव निनी इदु आशिर्वाद दासु।

एसाव नु याकूब सु जलन गानी याकूब सु एसाव जो तुकतू सेनु कु अधिकार अज्यु आशिर्वाद कुखेयजु। इता बा जन सिजन कु नोगोन्दी एसाव सु याकूब सेमु किखि निजु।

रिबका सु एसाव कु बारे रु पते चलेसु। इदसु इसहाक अज्यु इदसु याकूब जो सयासी दरो फानम पाड़ंसु।

याकूब हुलाड़ं हिड़ं हुना रिबका कु सयासी कु साथु निजु इदु ज्या रु इदु याकूब सु ब्या किगाचू अज्यु जयदे सियनू कु अज्यु चूमे ढुइसू परमेश्‍वर इदु सु हूलाइ जोड़ं दासु।

20 नसा हीइ हुना कनान देश रु अफ़ी सुघरु सु हनुमू कु झाय याकूब अफ़ी खु अफ़ी सेवा घानु मीजन अज्यु रे माला झामारी झुडो कु साथु थोकते ताजू।

याकूब इदु हन्दु दलना कीजयर जू खलन ईदू सु सोचु सु एसाव अब इदोजो सेदमु चीड़ निजु। इदु हन्दू इदु नासो कु रुप रु रे माला कु भीड़ एसाव दरो पाड़ंसु। जो सेवा घानु मीजन इदु रे माला रेलन दिजु इदजो लिसु। घेघु गुलाम याकूब इदु रे माला गे दादी झी झाटोना राई।

इदु हन्दू एसाव सु याकूब जो सेमु मुचिड़ं निजु इदु कु बाद ईदुसू ताकुचू उगसू दलना खुश निजु। इदु कु बाद याकूब कानन देश रु आराम सु कुसुड़ं निजु। इदु इसहाक पुड़ं निजु। याकूब अज्यु एसाव सु इदु तागलन ताजु नोगोन्दी वादा परमेश्‍वर अबा्हम जो घा निजु इदु वादा इसहाक सु याकूब दर पि रा निजु।