50. यीशु वापिस लौटिही

लगभग 2,000 बछर ले, संसार मा सब जगह मा अधिक ले अधिक मनसेमन मसीह यीशु के बारे मा शुभ सन्देश ला सुनत हें कलीसिया उन्नति करत हेI यीशु हर वादा करे हे कि ओहर संसार के अंत मा वापिस लौटिहीI यदि ओहर वापिस नी आइसे, त घोले ओहर अपन वादा ला पूरा करिहीI

जब कि हमन यीशु के वापिस लौटे के परतीक्षा करत हंन, परमेश्वर हमनले एइसन रीति ले जीवन जिए के इच्छा करत हे जोन पवित्र हे अउर जोन ओकर आदर करथेI ओहर इ घोले चाहत हे कि हमन दूसरमन ला घोले ओकर राज के बारे मा बतानI जब यीशु पृथ्वी मा रहत रिहिस तहाँ ओहर कहिस, ‘’मोर चेलामन संसार भर मा सब जगह के मनसेमन ला परमेश्वर के राज के बारे मा शुभ सन्देश प्रचार करिहिं, अउर तहाँ अंत आजाहीI”

बनेच कन जातिमन अभी तक यीशु के बारे मा नी सुनिन हेंI सरग ला लौट जाए के पहले, यीशु हर अपन अनुयायी मन ले ओ मनसेमन ला शुभ सन्देश सुनाये बर कहिस जोनमन हर इला कभू नी सुनिन हेंI ओहर कहिस, ‘’जाव अउर सब जाति मन के मनसेमन ला चेला बनाव !‘’ अउर “काटे बर खेत पाक चुके हे!’’

यीशु हर इ घोले कहिस, ‘’कोनो मनसे के सेवक अपन स्वामी ले बड़े नी होएI इ संसार के महत्वपूर्ण मनसेमन मोला घृणा करिन, अउर मोर खातिर ओमन तुमन ला घोले सताहीं अउर मार डालिहींI इ संसार मा तुमन दुःख भोगिह, लेकिन मजबूत बन, काबरकि मेंहर शैतान ला हरा देहं जोन इ संसार मा शासन करथेI यदि तुमन अंत तक मोर प्रति विश्वास योग्य बने रिह, त परमेश्वर तुमन ला बचाही !’’

यीशु हर अपन चेलामन ला इ समझाए बर एकठन कथा सुनाइस कि जब संसार के अंत होही त मनसेमन के संग का होहीI ओहर कहिस, ‘’कोनो मनसे हर अपन खेत मा बढियाँ बीजा बोईसI जब ओहर सुतत रिहिस त ओकर बयरी आइस अउर गेहूं के बिजामन के बीच मा जंगली पौधामन के बीजमन ला बो दीस, अउर फेन ओहर चल दीसI”

‘’जब पौधामन अंकुरित होईन त सेवकमन ओ मनसे ला कहिन, ‘हे स्वामी, तें त आपन खेत मा बढियाँ बीजा बोए रहेI त फेन इमें जंगली पौधामन काबर हें ? ओ मनसे हर उत्तर दीस, ‘केवल मोर बयरीच ओमन ला बोए के इच्छा करिहिंI इहर मोर कोनो शत्रु हे जोन हर एइसे करिसेI’’’

‘’उ सेवाकमन हर अपन स्वामी ला उत्तर दीन, ’का हमन जंगली पौधामन ला उखाड़ देबो?’ ओ स्वामी हर कहिस, ‘नीI यदि तुमन एइसन करिह त तुमन कुछु गहुँ के पौधामन ला घोले उखाड़ दीहI कटाई के बेरा तक परतीक्षा करI तहाँ जंगली पौधामन ला गठ्ठामन मा इकठ्ठा कर ल ताकि तुमन ओला जरा सकीहI लेकिन गेहूं ला मोर खलिहान मा लेके आवI’’’

चेलामन इ कथा के मतलब ला नी समझीन, इकरे बर ओमन हर यीशु ले ओमन ला समझाए बर निवेदन करिनI यीशु हर कहिस, ‘’बढियाँ बीजा बोइया मनसे मसीह के प्रतिनिधित्व करथेI खेत संसार के प्रतिनिधित्व करथेI बढियां बीजा परमेश्वर के राज के मनसेमन के प्रतितिनिधित्व करथेI’’

‘’जंगली पौधामन उ दुष्ट शैतान के मनसेमन के प्रतिनिधित्व करथेI उ मनसे के बइरी शैतान के प्रतिनिधित्व करथे, जोनहर जंगली पौधामन ला बो दे रिहिसI कटाई इ संसार के अंत के प्रतिनिधित्व करथे, अउर कटाई करवईया परमेश्वर के स्वर्गदूतमन के प्रतिनिधित्व करथेI

‘’जब संसार के अंत होही तहाँ स्वर्गदूत ओ सब मनसेमन ला एक संग जमा करिही जोन शैतान के हेI ओ स्वर्गदूत ओमन ला एकठन बनेच गरम आगि मा फेक दीहींI ओकरा ओ मनसेमन भयंकर सताव मा रोहीं अउर अपन दांत पिसिहींI लेकिन जोन मनसेमन धरमी हें, जोनमन यीशु के अनुसरण करिन, ओमन अपन परमेश्वर पिता के राज मा सूरज के समान चमकिहींI”

यीशु हर इ घोले कहिस कि ओ संसार के अंत होए के पहले पृथ्वी मा लौटिहीI ओहर ओइच तरीका ले आही जइसे ओहर गे रिहिसI अर्थात, ओकर ठी असली शरीर होही, अउर ओहर आकाश के बादरमन मा सवार होके आहीI जब यीशु लौटिही, त यीशु के सब अनुयायी जोनमन मर चुके हें मरे मा ले जी उठीहीं अउर ओकरले आकश मा मिलिहिंI

तहाँ जोन अनुयायी अभी घोले जीयंत हें ओमन आकाश मा उठाए जाहीं अउर ओ दूसर अनुयायीमन संग शामिल हो जाहीं जोन मरे मा ले जी उठीहींI ओमन सब ओठी यीशु के संग होहीं ओकर बाद यीशु आपन मनसेमन के संग रिहीI जब ओमन एकेच संग रिहीं त ओमन करा सदा बर शांति होहीI

यीशु हर ओकर उपर विश्वास करवेइया सबेच मनसेमन ला एकठन मुकुट दे के प्रतिज्ञा करिस हेI ओमन सदा बर परमेश्वर के संग हर एक वस्तु के ऊपर शासन करिहिंI ओमन करा सिद्ध शांति होहीI

लेकिन परमेश्वर उ सब के न्याय करिही जोन यीशु ला विश्वास नी करेंI ओहर ओमन ला नरक मा डाल दीहीI ओकरा ओमन रोहीं अउर अपन दांत पिसिहींI अउर ओमन हमेशा पीड़ित होत रिहींI कभू नी बुझे आगि मा ओमन लगातार जरत रिहीं, अउर कीड़ा ओमन ला खाए बर कभू नी रुकेंI

जब यीशु लौटिही, त ओहर पूरी रीति मा शैतान ला अउर ओकर राज ला नष्ट कर दीहीI ओहर शैतान ला नरक मा डाल दीहीI ओकरा शैतान हमेशा बर जलत रिही, उ सब के संग जोन हर परमेश्वर के गोइठमन ला माने के अलावा शैतान के पिछु चले के चुनाव करे रिहिसI

काबरकि आदम अउर हवा हर परमेश्वर के आज्ञा नी मानिन अउर पाप ला इ संसार मा ले के आए रिहिन, परमेश्वर हर संसार ला श्राप दीस अउर ओला नष्ट करे बर निर्णय करिसI लेकिन कोनो दिन परमेश्वर एक नवां सरग अउर एक नवां पृथ्वी के रचना करिही जोन सिद्ध होहींI

यीशु अउर ओकर मनसे ओ नवां पृथ्वी मा रिहीं, अउर ओ सदा बर सब वस्तुमन मा शासन करिहीI ओहर मनसेमन के आँखी के हर एक आंसू ला पोंछ दिहीI अब कोनो घोले पीड़ित या दुःखी नी होहींI ओमन नी रोयेंI ओमन बीमार नी होएं या नी मरेंI अउर ओ ठी कुछु घोले बुराई नी होएI यीशु अपन राज मा न्यायपुरवक, अउर शांति के संग राज करिहीI ओ हमेशा बर अपन मनसेमन के संग रिहीI