1. उपन किनीअः
नेयह लेकाते मुनुरे शुरू केडा परमेश्वर सबिन चीज़को उपन केडा । इनीअ तुरुइया सिंगी रे दिसुम रेयाअः सबीना इनिया उपन केडा। परमेश्वर ते सिरम ओन्डोः ओते बै केडा। एनारेयाः तयोमते नुबआः बैरयङ तैकेन ।चियची नआः सनते परमेश्वर जनअः चीज़ को कय बैकड तैकेना। मन्दो परमेश्वर आत्मा दअः चेतनरे जलातिंग तैकेना ।
ओन्डोः परमेश्वर काजकेडा मसकलोः काए मेनकेडा ओन्डोः मसकल जाना। ओन्डोः परमेश्वर मसकल नेलकेडा बुगिन गिया मेनकेडा ओन्डोःएन हुलङ सिंगी मेनकेडा। ओन्डोः नुबूअः के बीनंगा केडा एनके निदा मेनकेडा। परमेश्वर ते अपनकेडा सिदा सिंगी रे मसकल बैकेडा ।
उपनकेडा बरिय सिंगी परमेश्वर कजिकेडा दअः चेतनरे बिंनओकाः मेनकेडा । ओन्डोः परमेश्वर एनके दआः चेतनके सीरम मेंनकेडा ।
अपीय सिंगी रे परमेश्वर कजीकेडा दआः मेंयडोरे हुंडीओका ओन्डोः रोडःकन ओते नेलःकेडा परमेश्वर कजिकेडा रोहःकन ओते मेनकेडा। ओन्डोः हुंडीअकन दअः गड़ा मेनकेडा ओन्डोः परमेश्वर नेलकेडा बुगिन गीय मेनकेडा ओन्डोः परमेश्वर बैकड़ा बुगिन गीय।
ओन्डोः परमेश्वर कजीकेडा ओतेरे सबिन किली-मिली रेय दरू को ओतेरे ओमोनों काय मेनकेडा ओन्डोः ऐनालेकागी होबयन ओन्डोःपरमेश्वर बैकडा नेलकेडा बुगिनगेय मेनकेडा।
उपनाकेडा, उपनिय सिंगी रे परमेश्वर कजीकेडा। सीरम ते ओतेरे मसलकलोका मेनते बरीअः मपरंग सिंगी ओन्डोः चन्डू एनते इफिलको मसकल नंगेन्ते बैकेडा। परमेश्वर नेय ओते रे मसकलोका मेनते सिंगी ओन्डोः नुबअः रे मसकलोक मेनते बैकेडा। ओन्डोः परमेश्वर नेलकेडाय बुगिन गिय मेनकेडा ।
मोयां सिंगी परमेश्वर कजीकेडा दअः रे पूराअः गी ओयरातन को जोवको पेरेओकाः ओन्डोः सीरम रे अपिरतन को नेयलेकाते ओन्डोः परमेश्वर दअः रे ओयरतनको सबिन किलिमिली ओन्डोः बीररेनको ओन्डोः ओतेरें बैकेडा कोआ। परमेश्वर नेलकेडा बुगिनगे मेनकेडा । ओन्डोः परमेश्वर इनकू आशिष केडाकोवा ।
उपनकिनी ते तुरुइया सिंगी परमेश्वर कजीकेडा ओतेरे तैतनको सबिन लेकान जिव को होबका, ओन्डोः परमेश्वर कजीकेडा एनलेकते गी होबयान। ओन्डोः बिर रे जिवकोरो पालतू को तैकेनओन्डोः ओतेरेन सेना भाड़तान को ओन्डोः बिर रेन जनवर को तैकेना। ओन्डोः परमेश्वर नेलकेडा बुगिनगिम मेनकेडा।
ओन्डोः परमेश्वर कजीकेडा हो अयअः मुटनरेए बैकिः अः परमेश्वर अमालेकागी बैकिआः कोआ एनते हपनुम बैकेड कींगा। ओन्डोः ओतेरे सबिन जिवकोरो कोआ आधिकार रेबेना।
ओन्डोः परमेश्वर हसा हो के उपन कियाआः दुलत ते हो बैकि आः ओन्डोः इनियअः अयअः मुटारे सयदेको मेनते ओंगाकिः आः ओन्डोः हो रोवाए होबायना। ओन्डोः परमेश्वर मेड़ो बकैह हो तैनोकए ओन्डोः हो एनरेए रिकाकिःआ ओन्डो एनरे ममी ओमइआः।
ओन्डो एन बकइ रे परमेश्वर बरिअः बिषेश दरू रेवाकेडा जिकेन रेय दरू ओन्डोः बुगिन रेय ओन्डोः एतकानअः रेयअः ओन्डोः सेयाना रेयअःदरू ओन्डोः परमेश्वर अदम के कजिअः एन बकइ रेयअः जिबोन दरू बुगिन एनते एतकानअः एनते सेमन रेयअः दरू के बागीकेते सबिन दरू रेयअः जो जोम दड़ीआः अम मन्दों एन दरू रेयअः जो जिबोन रेयअः जोमें हलनग सरती गेम गोजोआः।
ओन्डोः परमेश्वर कजिकेडा "कोवा एसकरभे तैनोः का बुगिनअः मन्दों बिरेन जिवको कोलो अदम काए जुड़ीयान आः नीमयन। (Remaining)
ओन्डोः परमेश्वर आदम के पुराअः गे दुडुमकिःआ ओन्डोः परमेश्वर(हो) अदम दुडुमगोएः यना रनियअः सयजंगएते मीडो ओडोंगकेअ ओन्डोः परमेश्वर हो ते ओंड़ोंगकड़ा सयजंगते हपनुम बैकिःअ ओन्डो अदम तअः तेए ओलिःआ।
एन्ते हो अदम इनिअः नेलिकिःआ एनते कजिकेडा एनते हो ते ओंड़ोंग जंगएते जंग ओन्डोः अइगअः जिलुएते जिलु तनअः नी हपनुम तुनुमोःआ नी डो कोवाएते ओंड़ोंग कन मेंटेकजिकेडा एन मेनते कोवा अयअः एगा अपु किंगए विनागकिंग ओन्डोः अयअः एरा लोः तैना ओन्डोः इनिकिंग मीडो होमोओकिंग होबअःवा।
परमेश्वर कोवा एनते एरा अय अः लेकाए मुटन रे बैकेडकेनः अ ओन्डोः परमेश्वर आशिष केड किंग नअः ओन्डोः परमेश्वर कजिकेडा जो ओः बना ओन्डो परमेश्वर नेलकेडा बुगिन गीय सबिन पुरगे रसिकताना मेनकेडा ओन्डो सबीना आः उपन केडा एनते तुरुईया सिंगी होबा याना।
इया सिंगी रे सबिन कमी कोय चबकेड अः एनते जिरावा जानय परमेश्वर इयासिंगी केआशीष केडा ओन्डोः पवित्र केडा चिभीय परमेश्वर सबिन चीजकोया उपन केडा एनते चबकेडा ओन्डो नेलकाः परमेश्वर ने संसार के ओन्डोः सबीना के उपन केडा।
उत्पत्ति अध्याय 1-2 से बाइबल की एक कहानी
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।