23. ଯୀଶୁନ୍ ଆକନୋଡ୍
ଯୋଶେଫ ଆଞୁମ୍ ଅବୟ୍ ଡାର୍ମିକମରନ୍ ମରିୟମନ୍ ଆଡଅଙ୍ ସିନ୍ନାବଜେନ୍ । ମରିୟମନ୍ ଆତିଲ୍କୋଡ୍ ଗାମ୍ଲେ ଏଙ୍ଗାଲେ ଆନିନ୍ ଜନାଏନ୍,ତି ଆଅନନ୍ତଡ୍ ଗାମ୍ଲେ ଅନିନ୍ ଜନାଏନ୍ । ଆନିନ୍ ମରିୟମନ୍ ଆଡଅଙ୍ ଗନବ୍ରଜନ୍ ଆସନ୍ ଅନ୍ନିସୁମ୍ଲୋ, ତି ଆସନ୍ ଅଜନା ଆନିନ୍ ଆଡଅଙ୍ ଅନମ୍ରେଙ୍ ଅଲନ୍ ତନିୟନ୍ ଆସନ୍ ଗବ୍ଡ୍ରିୟମ୍ଲନେ । ଆନିନ୍ ତି ଆତେ ଅନ୍ଡ୍ରଙ୍ ଲୁମେନ୍ ଆମ୍ମୁଙ୍ କବରପାଙ୍ମରନ୍ ଆମଙନ୍ ଅବ୍ତୁୟ୍ଡାଲନ୍ ବରେନ୍ ।
କବରପାଙ୍ମରନ୍ ଗାମେନ୍” ଯୋଶେଫ, ଡୁକ୍କରିନମ୍ ମରିୟମନ୍ ଆଡଅଙ୍ ଅନୋରୋଙନ୍ ଆସନ୍ ବତଙ୍ଡଙମ୍ । ଆକିମ୍ଫୋଙ୍ଲୋଙନ୍ ଡକୋ ଆପସିୟ୍ ମଡ଼ିର୍ ପୁରାଡାନ୍ ଆମଙ୍ ସିଲଡ୍ ଆଡେଡେ । ଆନିନ୍ ଅବୟ୍ ଓବ୍ବା ଅନନ୍ କୋତ୍ତେ। ଆଞୁମନ୍ ଯୀଶୁ ତତିୟ୍ତେ । ( ତି ଆଗରାମ୍ଗାମନ୍ “ଅଡ୍କୋଡିନ୍ନାନ୍ ଆପ୍ରବୁ ଡୋବ୍ଡୋବ୍ଲଙ୍ନ୍ତନେ”), ଇନିଆସନ୍ ଗାମେଣ୍ତେନ୍ ଆନିନ୍ ମନ୍ଡ୍ରାଞ୍ଜି ଆଡଅଙ୍ ଆଇର୍ସେଞ୍ଜି ସିଲଡ୍ ଅନୁରନ୍ ତିୟ୍ତଜି ।
ତି ଆସନ୍ ଯୋଶେଫନ୍ ମରିୟମନ୍ ଆଡଅଙ୍ ବିବାଲନେ ଡ ଆଡୁକ୍ରିନ୍ ଏମ୍ମେଲେ ଆସିଙନ୍ ଓରୋଙେନ୍ ବନ୍ଡ ଆନିନ୍ ଓବ୍ବା ଅନନ୍ ଅନ୍ଡ୍ରଙ୍ କୋଡେନ୍ଜାୟ୍ ଆନିନ୍ ସରିନ୍ ଅଲ୍ଲୁଡ୍ଲୋ ।
ଏଙ୍ଗାଲେ ମରିୟମନ୍ ଆକୋକ୍କୋନ୍ନେ ବେଡାନ୍ ଅଡୋଲାୟ୍, ରୋମ୍ ଆସର୍କାର ଅଡକୋଞ୍ଜି ଆଡଅଙ୍ ରମ୍ମଙ୍ ରମ୍ମଙ୍ ଆବାପ୍ପା ଆଡ୍ରକୋନେରେଙ୍ ଇୟ୍ଲେ ଡନିସୁମ୍ନେନ୍ ଆସନ୍ ବରେଞ୍ଜି । ଯୋଶଫନ୍ ଡ ମରିୟମନ୍ ଆଡରକୋନେଞ୍ଜି ନାଜରିତନ୍ ସିଲଡ୍ ସଙାୟ୍ ତଞିୟ୍ଲନ୍ ବେଥଲିୟମନ୍ ଅନିୟନ୍ ପଡେଏନ୍ ଇନିଆସନ୍ ଗାମେଣ୍ତେନ୍ ଆଜୋଜୋଞ୍ଜି ଦାଉଦନ୍ ଆଗଡା ବେଥଲିହିମ୍ ଡକୋଏନ୍ ।
ଆନିଞ୍ଜି ଏଙ୍ଗାଲେ ବେଥଲିହିମନ୍ ତୁଙେଞ୍ଜି, ଆଡ୍ରକୋନେଞ୍ଜି ଆସନ୍ ଜାଗାନ୍ ଆଞାଙ୍ଲଜି । ଜନ୍ତୁଞ୍ଜି ଆଡ୍ରକୋନେସିଂଲୋଙ୍ ଆନିଞ୍ଜି ଜାଗାନ୍ ଞାଙେଞ୍ଜି । ପସିଜନ୍ ତେତ୍ତେ କୋଡେଞ୍ଜି ଡ ଆନନ ଆନିନ୍ ଆଡଅଙ୍ ଡୋଙ୍କାଲୋଙନ୍ ଅବ୍ଲ୍ଲୁଡ୍ଲୁଡେନ୍,ଇନିଆସନ୍ ଗାମେଣ୍ତେନ୍ ଆନବ୍ଲୁଲ୍ଲୁଡନ୍ ଆସନ୍ ବରେଲ୍ବେଲନ୍ ଅଡ୍ଡକୋଲୋ । ଆନିଞ୍ଜି ଆଞୁମନ୍ ଯୀଶୁ ତିୟେଞ୍ଜି ।
ତି ଆତଗଲ୍ ଆତୟ୍ତଜନ୍ ଅବୟ୍ ବସେଙ୍ରେଙନ୍ ତୁର୍ମେଣ୍ତ୍ମରଞ୍ଜି ତି ଆଜନ୍ତୁଞ୍ଜି ଜଗ୍ଗେଏଞ୍ଜି । ଏର୍ରବ୍ବୋମଙ୍,ଅବୟ୍ ସାଆର୍ କବରପାଙ୍ମରନ୍ ଆମଙ୍ବାଞ୍ଜି ଇୟ୍ଲାୟ୍,ଡ ଆନିଞ୍ଜି ବତଙେଞ୍ଜି । କବରପାଙ୍ମରନ୍ ଗାମେନ୍ “ବତଙ୍ଡଙ୍ବେନ୍, ଇନିଆସନ୍ ଗାମେଣ୍ତେନ୍ ଆମ୍ୱଞ୍ଜି ଆସନ୍ ଅମଙ୍ଞେନ୍ ଅବୟ୍ ମନଙ୍ଡମ୍ ଆବର୍ନେ ଡକୋ । ପ୍ରବୁନ୍ କ୍ରିଷ୍ଟନ୍ ବେଥଲିହିମଲୋଙନ୍ କରୋକ୍କୋଡନ୍ ଞାଙେନ୍ !”
“ତି ଆପସିୟ୍ ସାୟ୍ବା, ଆରି ଆମ୍ୱେନ୍ ଆନିନ୍ ଆଡଅଙ୍ ଗୁଆଡାନ୍ ଆଡୋଙ୍କାଲୋଙ୍ ସିନ୍ଡ୍ରନ୍ ଆଗୁସାୟ୍ ଡ ଅଲୁଲ୍ଲୁଡ୍ ଇୟ୍ତେଗିଜେ ।” ଏର୍ରବ୍ବୋମଙ୍, ରୁଆଙନ୍ କବରପାଙ୍ମରଞ୍ଜିଲୋଙ୍ ବରିଜେନ୍ ଆରି ଈଶ୍ୱରନ୍ ଆଡଅଙ୍ ସେନେଞ୍ଜି ଆରି ଗାମେଞ୍ଜି, “ତୋଣ୍ତୋନ୍ ଆମନ୍ଡ୍ରାଲୋଙ୍ ଈଶ୍ୱରନ୍ ଆଗନୁଗୁ ଡ ପୁର୍ତ୍ତିଲୋଙନ୍ ଆଡନୁଙ୍ୟଁମ୍ ମନ୍ଡ୍ରାଞ୍ଜି ଲୋଙ୍ ସନୟୁନ୍ !”
ତୁର୍ମେଣ୍ତ୍ମରଞ୍ଜି ଅବ୍ତାଡନ୍ ଯୀଶୁନ୍ ଅଙ୍ଗାଲୋଙ୍ ଡକୋଏନ୍ ତେତ୍ତେ ତୁଙେଞ୍ଜି ଆରି କବରପାଙ୍ମରନ୍ ଆନିଞ୍ଜି ଆଡଅଙ୍ ଏଙ୍ଗାଲେ ବରେଞ୍ଜି ତି ଅନ୍ତମ୍ ଡୋଙ୍କାଲୋଙନ୍ ଆଲୁଲ୍ଲୁଡନ୍ ଗିଜେଞ୍ଜି । ଆନିଞ୍ଜି ଗୋଗୋୟ୍ ସର୍ଡାଏଞ୍ଜି । ତୁର୍ମେଣ୍ତ୍ମରଞ୍ଜି ବସେଙନ୍ ତୁଙେଞ୍ଜି ଅଙ୍ଗାଲୋଙ୍ ଆଜନ୍ତୁଞ୍ଜି ଡକୋଏଞ୍ଜି ଆରି ଆନିଞ୍ଜି ଇନିଜି ଅମ୍ଡଙେଞ୍ଜି ଡ ଗିଜେଞ୍ଜି ତି ଆସନ୍ ଈଶ୍ୱରନ୍ ଆଡଅଙ୍ ସନେନ୍ସେନନ୍ ତିୟେଞ୍ଜି ।
ବସନ୍ନେଡ୍ ସିଲଡ୍,ଡରୁଙ୍ଡୁଙ୍ ଓୟୋଁଙ୍ ଆଡେସା ସିଲଡ୍ ପଣ୍ତିତମରଞ୍ଜି ରୁଆଙନ୍ ଅବୟ୍ ସରାନ୍ନିଆଡାନ୍ ଆତୁତୁୟ୍ ଗିଜେଞ୍ଜି । ଆନିଞ୍ଜି ଅମ୍ଲନ୍ଞ୍ଜି ଡ ଯିହୁଦିଞ୍ଜି ଆନୁଆ ରାଜା କନୋଡନ୍ ଆଡ୍ରେନ୍ ଆବର୍ନେ କେନ୍ ଆତେ ଅବ୍ଜଙେଞ୍ଜି । ତିଆସନ୍ ଆନିଞ୍ଜି ତି ଆରାଜାଞ୍ଜି ଗନିଜନ୍ ଆସନ୍ ସଞାୟ୍ ସିଲଡ୍ ଇୟ୍ଲାଜି । ଆନିଞ୍ଜି ବେଥଲିହିମନ୍ ଇୟ୍ଲାଜି ଆରି ଯୀଶୁନ୍ ଡ ଆବାପ୍ପାନ୍ ଆନନନ୍ ଅଙ୍ଗା ଆସିଙ୍ ଡକୋଲଞ୍ଜି ତି ଆସିଙ୍ ଞାଙେଞ୍ଜି ।
ପଣ୍ତିତମରଞ୍ଜି ଏଙ୍ଗାଲେ ଯୀଶୁନ୍ ତି ଆନନନ୍ ସରିନ୍ ଗିଜେଞ୍ଜି, ଆନିଞ୍ଜି ଆନିନ୍ ଆଡଅଙ୍ ତୁଡୁମ୍ଲେ ଲୋମେଞ୍ଜି । ଆନିଞ୍ଜି ଯୀଶୁନ୍ ଆଡଅଙ୍ ସୋଡା ତନିୟ୍ତିୟନ୍ ତିୟେଞ୍ଜି। ତି ସିଲଡ୍ ଆନିଞ୍ଜି ଆସିଙଞ୍ଜି ୟର୍ରଞ୍ଜି ।
ବାଇବଲନ୍ ଅବୟ୍ ଅନବ୍ଜଙବର୍: ମାଥିଉ ୧; ଲୂକ ୨
Free to use, adapt, and share under an open license (CC BY-SA 4.0).