38. ଯୀଶୁନ୍ ଆଡଅଙ୍ ଡର୍ନେଲୋଙନ୍ତନିଡନ୍ ଡେଏନ୍
ଡିଲେ ବର୍ଷେଙନ୍ ଯିଉଦିଞ୍ଜି ଅନେଲାୟ୍ପୁରନ୍ ଲୁମେଞ୍ଜି । କେନ୍ ଆତେ ତି ଆପନୁର୍ ଅଙ୍ଗା ଆତେ ଜବ୍ର ବର୍ଷେଙ୍ ଆମ୍ମୁଙ୍ ଈଶ୍ୱରନ୍ ଏଙ୍ଗାଲେ ତି ଆପୁର୍ବା ଜୋଜୋଞ୍ଜି ଆଡିଡ୍ କମ୍ୱାରିନ୍ ସିଲଡ୍ ଉର୍ରେ ଓରୋଙ୍ଲାଜି । ଯୀଶୁନ୍ ଅଡ୍କୋରେଙନ୍ ଆରି ଅପ୍ପୁଙ୍ବର୍ରନ୍ ଞନଙନ୍ ସୁସୁଡାଲେ ୟାଗି ବର୍ଷେଙ୍ ଆତିକ୍କି ଯୀଶୁନ୍ ତି ଆଞଙ୍ନ୍ନେମରଞ୍ଜି ଆଡଅଙ୍ ବରେଞ୍ଜି ଡ ଆନିନ୍ ଆନିଞ୍ଜି ସରିନ୍ ଯିରୁଶାଲମଲୋଙ୍ ଅନେଲାୟ୍ପୁରନ୍ ଆଜନୋମ୍ ଲନୁମନ୍ ଆସନ୍ ଇସୁମ୍ତେ, ଆରି ତେତ୍ତେ ଆନିନ୍ ରନବ୍ବୁନ୍ ଡେତେ ।
ଯୀଶୁନ୍ ଆଞଙ୍ନ୍ନେମର୍ଜି ସିଲଡ୍ ଯିଉଦା ଗାମ୍ଲେ ଆବୟ୍ ଞଙ୍ନ୍ନେମରନ୍ ଡକୋଏନ୍ । ଯିଉଦାନ୍ ଞଙନ୍ନେମରଞ୍ଜି ଆତଙ୍କା ମୁନା ଆଡନକ୍କୋ ଅଲନୁମ୍ଲୋଙ୍ ଡକୋଏନ୍ । ବନ୍ଡ ଆନିନ୍ ତଙ୍କାନ୍ ଲୋବଏନ୍ ଆରି ଆଙ୍ଗା ଆଙ୍ଗା ତି ଆମୁନାଲୋଙ୍ ସିଲଡ୍ ତଙ୍କାନ୍ ରାଉଲନେ । ଯୀଶୁନ୍ ଡ ତି ଆଞଙ୍ନ୍ନେମରଞ୍ଜି ଯିରୁଶାଲମ ଆତରୁଙେଞ୍ଜି ଆତିକ୍କି,ଯିଉଦାନ୍ ଡାବ୍ବୋନ୍ ଆପାଲ୍ତେଙ୍ ଯୀଶୁନ୍ ଆଡଅଙ୍ ବନେରାମରଞ୍ଜି ଆସିଲୋଙ୍ ସନୋରୋପ୍ପାୟନ୍ ଆସନ୍ ଯିଉଦି ସୋଡାମରଞ୍ଜି ଆମଙ୍ ଇୟେନ୍ । ଆନିନ୍ ଜନା ଡକୋଏନ୍ ଡ ଯୀଶୁନ୍ ଆନିନ୍ କ୍ରିଷ୍ଟନ୍,କେନ୍ ଆତେ ଯିଉଦି ଆସୋଡାମର୍ଜି ଇଜ୍ଜା ଗାମେଞ୍ଜି ଆରି ଆନିଞ୍ଜି ଯୀଶୁନ୍ ଆଡଅଙ୍ ରନବ୍ବୁନ୍ ଆସନ୍ ଏରେଞ୍ଜି ଗୋଜେଞ୍ଜି ।
ଯିଉଦି ଆସୋଡାମର୍ଜି ସୋଡା ପୁର୍ପୁର୍ମରଞ୍ଜି ବାତ୍ତେ ଯୀଶୁନ୍ ଆଡଅଙ୍ ବନେରାମରଞ୍ଜି ଆସିଲୋଙ୍ ସନୋରୋପ୍ପାୟନ୍ ଆସନ୍ ତିରିଶିଟା ରୁପାଡାବନ୍ ତିୟେଞ୍ଜି । ପୁର୍ବାଃତେ ବର୍ନେମରଞ୍ଜି ଆବର୍ନେଜି ଅନ୍ତମ୍ କେନ୍ ଆତେ ଗଟେଏନ୍ । ଯିଉଦାନ୍ ତେତ୍ତେ ଡର୍ରନ୍ ଡାବ୍ବୋନ୍ ପାଙ୍ଲେ ଜିରେନ୍ । ଆନିନ୍ ଏଙ୍ଗାଲେ ଯୀଶୁନ୍ ଆଡଅଙ୍ ବନେରାମରଞ୍ଜି ଆସିଲୋଙ୍ ସୋର୍ରପ୍ପାୟ୍ଲେ ରପ୍ତିତେ ତି ଆସନ୍ ରୟଙନ୍ ସାଜେନ୍ ।
ଯିରୁଶାଲମଲୋଙ୍ ଯୀଶୁନ୍ ଞଙ୍ନ୍ନେମରଞ୍ଜି ସରିନ୍ ଅନେଲାୟ୍ପୁରନ୍ ଲୁମେଞ୍ଜି । ଅନେଲାୟ୍ପୁର୍ ଜନୋମନ୍ ଆବ୍ନେଡା, ଯୀଶୁନ୍ ରୋଟିନ୍ ପାଙ୍ଲେ ତି ଆତେ ରେବେନ୍ ଆନିନ୍ ଗାମେନ୍ “କେନ୍ ପାଙ୍ଲେ ଜୋମ୍ବା । କେନ୍ ଆତେ ଡଅଙ୍ଞେନ୍,ଅଙ୍ଗା ଆତେ ଆମ୍ୱେଞ୍ଜି ଆସନ୍ ତନିୟନ୍ ଡେଏନ୍ ।ଞେନ୍ ଆଡଅଙ୍ ମନନ୍ନେନ୍ ଆସନ୍ କେନ୍ ଆତେ ଲୁମ୍ବା ।” କେନ୍ ଅନ୍ତମ୍ ,ଯୀଶୁନ୍ ବର୍ରନ୍, ଆନିଞ୍ଜି ଆସନ୍ ଆନିନ୍ ଆଡଅଙନ୍ ଅନମଙନ୍ ତନିୟନ୍ ଡେତେ ।
ତି ସିଲଡ୍ ଯୀଶୁନ୍ ଅବୟ୍ ଗନାସିମନ୍ ଞମେନ୍ ଆରି ଗାମେନ୍ “କେନ୍ ଆତେ ଗାବା । କେନ୍ ଆତେ ଆନୁଆ ଅନସଜନ୍ ଆମିଞାମ୍ ଅଙ୍ଗା ଆତେ ଇର୍ସେନ୍ ତନମ୍ମାଡନ୍ ଆସନ୍ ଲନାନ୍ ଡେଏନ୍ । ଆମ୍ୱେନ୍ ଡିଲେ ଡିନ୍ନାନ୍ କେନ୍ ଆତେ ଏଗରାତେନ୍ ଆଡିତ୍ ଡଅଙ୍ଞେନ୍ ମନ୍ନେବା ।”
ତି ସିଲଡ୍ ଯୀଶୁନ୍ ଆଞଙ୍ନେମରଞ୍ଜି ବରେଞ୍ଜି, “ଆମ୍ୱେନ୍ ଲୋଙ୍ ଅବୟ୍ନେ ଞେନ୍ ଆଡଅଙ୍ ଡର୍ନେଲୋଙତିଃତ୍ତିଞ୍ ।” ଞଙ୍ନେମରଞ୍ଜି ସାନ୍ନିଆଏଞ୍ଜି, ଆରି ଏନେଲେ ଆନା ଲୁମ୍ତଞ ଗାମଲେ ବରେଞ୍ଜି । ଯୀଶୁନ୍ ଗାମେନ୍ “ଞେନ୍ ଆନା ଆଡଅଙ୍ କେନ୍ ଆରୁଟି ତିୟ୍ତା ଆନିନ୍ ଞେନ୍ ଆଡଅଙ୍ ଡର୍ନେଲୋଙତିଃତ୍ତିମରନ୍ ।” ତି ସିଲଡ୍ ଆନିନ୍ ରୁଟିନ୍ ଯିହୂଦାନ୍ ଆଡଅଙ୍ ତିୟେନ୍ ।
ଯିହୂଦୀନ୍ ରୁଟିନ୍ ପାଙେନ୍ କି, ସନୁମନ୍ ଆମଙନ୍ ଗନେନ୍ । ଯିହୂଦୀନ୍ ତେତ୍ତେ ସିଲଡ୍ ଜିର୍ରେନ୍ କି ଯୀଶୁନ୍ ଆମବ୍ଞମ୍ଞମ୍ ଆସନ୍ ଯୀହୂଦୀ ସୋଡାମରଞ୍ଜି ଆମନାୟ୍ ଆସନ୍ ଆନିଞ୍ଜି ଆମଙ୍ ଇୟେନ୍ । ତି ଆବେଡା ତଗଲ୍ ଡକୋଏନ୍ ।
ଗାଗାନେନ୍ ଆତିକ୍କି, ଯୀଶୁନ୍ ଆରି ଞଙ୍ନେମନଞ୍ଜି ଜୀତବୁରନ୍ ତଙିଲନ୍ ଜିରେଞ୍ଜି । ଯୀଶୁନ୍ ବର୍ରନ୍ ଅଡକୋନ୍ ବେନ୍ ଞେନ୍ ଏମ୍ରେଙତିଃ । ଆଇଡିଡ୍ “ଇନ୍ଲେନ୍ ତୁର୍ମେଃମରନ୍ ଏସମ୍ତାୟ୍ ଡ ଅଡକୋନ୍ ଆମେଣ୍ତାଜି ଅଡେତ୍ତେଅଡେନେ ଡେତଜି ।”
ପିତରନ୍ ଜାଲଙଲେ ବରେନ୍ “ଅଡକୋଞ୍ଜି ଅମ୍ରେଙଲେ ଜିର୍ମଜି ଜାୟ୍ ଡେନ୍ ଞେନ୍ ଅଃଜିରେ!” ଯୀଶୁନ୍ ପିତରନ୍ ଆଡଅଙ୍ ଗାମେନ୍ “ସନୁମନ୍ ଆମନ୍ ବାତ୍ତେ ଡକୋନେନ୍ ସାୟ୍ତେ, ବନ୍ଡ ପିତର ଡର୍ରନେନମ୍ ଏଙ୍ଗାଲେ ବପ୍ପୁତଡ୍ ଅଡେଏ ତି ଆସନ୍ ଞେନ୍ କାକୁର୍ତିତନାୟ୍ । ଏନେଲେ ଡ, ଲଙେ ତଗଲ କମ୍ସିମନ୍ ବାଗୁତର ଆରୋଲ୍ତ୍ତେନ୍ ଆମୁଙ୍ ଆମନ୍ ୟାଗିତର ଞେନ୍ ଆଡଅଙ୍ ମୁର୍ସେତିଂ ।”
ତି ସିଲଡ୍ ପିତରନ୍ ଯୀଶୁନ୍ ଆଡଅଙ୍ ବରେନ୍ ଞେନ୍ ଆଡଅଙ୍ ରନବ୍ବୁନ୍ ଡେନ୍ ଜାୟ୍ ଡେନ୍, ଞେନ୍ ଆମନ୍ ଆଡଅଙ୍ ଆଙ୍ଗିୟ୍ ଅମ୍ମୁର୍ସେଅମ୍!” ଆନା ଞଙ୍ନେମରଞ୍ଜି ନିୟ୍ ଏତ୍ତେଲେମା ଗାମେଞ୍ଜି ।
ତି ସିଲଡ୍ ଯୀଶୁନ୍ ଆଞଙ୍ନେମରଞ୍ଜି ବାତ୍ତେ ଗେଥଶିମନୀ ଆଞୁମ୍ ଅବୟ୍ କୋତ୍ତାଲୋଙନ୍ ଜିରେଞ୍ଜି । ଞଙ୍ନେମରଞ୍ଜି ଏଙ୍ଗାଲେ ମନାଲ୍ଲୋଙନ୍ ଅପଃଡେଏଜି ତି ଆସନ୍ ଯୀଶୁନ୍ ଆଞଙ୍ନେମରଞ୍ଜି ଆଡଅଙ୍ ବନେବ୍ବର୍ନେ ଆସନ୍ ବରେଞ୍ଜି । ତି ସିଲଡ୍ ଯୀଶୁନ୍ ବେବ୍ବର୍ନେ ଆସନ୍ ଜିରେନ୍ ।
ଯୀଶୁନ୍ ୟାଗିତର ବେର୍ବ୍ବରନେ “ବାପ୍ପା ଞେନ୍, ଗଡେଲେନ୍ ଡେନ୍, କେନ୍ ଆଡଣ୍ତଞାଙ ଅମଙ୍ଞେନ୍ ସିଲଡ୍ ଡେଡାଃ । ବନ୍ଡ ମନ୍ଡ୍ରାଞ୍ଜି ଆଇର୍ସେ ଆତମ୍ମାଡନ୍ ଆସନ୍ ଇନିଙ୍ ତଙରନ୍ ଅବ୍ତଡ୍ ଡେନ୍, ଇଃସୁମ୍ନମ୍ ଡେତୋ ।” ଯୀଶୁନ୍ ଗୋଗୋୟ୍ ଡୁକଃଲନ୍ ଆରି ଆଓଞୋଲନ୍ ମିଞାମନ୍ ଅନ୍ତମ୍ ଡକୋଏନ୍ । ଈଶ୍ୱରନ୍ ଆନିନ୍ ଆଡଅଙ୍ ଆରବ୍ବଡୋନେନ୍ ଆସନ୍ ଅବୟ୍ କବରପାଙମରନ୍ ଆନିନ୍ ଆମଙ୍ ଆପ୍ପାୟେନ୍ ।
ନମିନ୍ନମିନ୍ ଯୀଶୁନ୍ ବେର୍ବ୍ବରନ୍ ସାଲ୍ଲେ, ଞଙ୍ନେମରଞ୍ଜି ଆମଙ୍ ଇୟେନ୍ ବନ୍ଡ ଆନିଞ୍ଜି ଆଡିମଡ୍ ଡକୋଏଞ୍ଜି । ଏଙ୍ଗାଲେ ଆନିନ୍ ୟାଗିତର ଆସନ୍ ଇୟେନ୍, ଯୀଶୁନ୍ ଗାମେନ୍ “ଡୋନବା! ଅନବ୍ଞମ୍ମର୍ ଞେନ୍ ତେନ୍ନେ ତୁଙ୍ଲାୟ୍ ।”
ଯିଉଦୀସୋଡାମରଞ୍ଜି, ସିପାଇଞ୍ଜି ଡ ଗୋଗୋୟ୍ ମନ୍ଡ୍ରାଞ୍ଜି ସରିନ୍ ଯିଉଦାନ୍ ଇୟ୍ଲାୟ୍ । ଆନିଞ୍ଜି କଡିବନ୍ ଡ ତେଙ୍ଗାନ୍ ଆଞମ୍ଞମ୍ ଡକୋଏଞ୍ଜି । ଯିଉଦାନ୍ ଯୀଶୁନ୍ ଆମଙ୍ ଇୟ୍ଲେ ଇଲାୟ୍ଗାମେ “ଏ ଗୁରୁ, ଲେମନ୍ତମ୍” ଡ ଆନିନ୍ ଆଡଅଙ୍ ଜୋର୍ଜୋରେନ୍ । ଯିଉଦୀ ସୋଡାମରଞ୍ଜି ଆନା ଆଡଅଙ୍ ଜନିନ୍ ଡେତେ କେନ୍ ଆତେ ତି ଆରମଡ୍ ଡକୋଏନ୍ । ତି ସିଲଡ୍ ଯୀଶୁନ୍ ଗାମେନ୍ “ଯିଉଦା, ଜନୋର୍ଜୋରନ୍ ବାତେ ପଁ ଆମନ୍ ଞେନ୍ ଆଡଆଙ୍ ବନେରାମରଞ୍ଜି ଆସିଲୋଙ୍ ସୋରୋପ୍ପାୟ୍ତିଞ୍?”
ଏଙ୍ଗାଲେ ସିପାଇଞ୍ଜି ଯୀଶୁନ୍ ଆଡଅଙ୍ ଜିଏଞ୍ଜି, ପିତରନ୍ ଆକଡିବନ୍ ତବେନ୍ ଆରି ସୋଡାପୁର୍ପୁର୍ମରନ୍ ଆକମ୍ୱାରି ଆଲୁଡ୍ ଗଲ୍ଲେସେଡେନ୍ । ଯୀଶୁନ୍ ଗାମେନ୍ କଡ୍ଡିବନ୍ ସଙାୟ୍ ଡକୋଆ! ଅନବ୍ମେଙ୍ ଞେନ୍ ଆସନ୍ ଞେନ୍ ବାପ୍ପାଞେନ୍ କବରପାଙମରଞ୍ଜି ଆସିପାଇଞ୍ଜି ବେଲ୍ଲେରପ୍ତିତାୟ୍ । ବନ୍ଡ ଞେନ୍ ବାପ୍ପାଞେନ୍ ଆବନାୟ୍ ମନ୍ନାନେନ୍ ଡେତେ । ତି ସିଲଡ୍ ଯିଶୁନ୍ ତି ଆମନ୍ଡ୍ରା ଆଲୁଡ୍ ଅବ୍ସୁକ୍କାଏନ୍ । ଯୀଶୁନ୍ ଜନିନ୍ ଡେଏନ୍ କି ଅଡକୋନ୍ ଆଞଙ୍ନେମରଞ୍ଜି ଇର୍ରେଜିରେଞ୍ଜି ।
ବାଇବଲର ଏକ କାହାଣୀ:ମାଥିଉ ୨୬:୧୪-୫୬; ମାର୍କ ୧୪:୧୦-୫୦; ଲୂକ୍ଲ ୨୨:୧-୫୩; ଯୋହନ ୧୨:୬; ୧୮:୧-୧୧
Free to use, adapt, and share under an open license (CC BY-SA 4.0).