6. ଇସାକନ୍ ଆସନ୍ ଈଶ୍ୱରନ୍ ତନିୟନ୍ ତିୟ୍‌ତେ

ଅଙ୍ଗାବେଳା ଅବ୍ରାମନ୍ ଗୋଗୋୟ୍ ବୁଡାଡମେନ୍, ଆଡାଙ୍ଗାଡା ଅନନ୍ ଇସାକନ୍ ସୋଡାଲେ ବେଣ୍ତିଆଏନ୍ । ତିଆସନ୍ ଅବ୍ରାମନ୍ ଆଡାଙ୍ଗାଡାଅନନ୍‌ ଇସାକନ୍ ଆସନ୍ ଆଇବଜନ୍ ଆନୋରୋଙ୍ ଆସନ୍ ଆକୁଲମଞ୍ଜି ଆଙ୍ଗାଲୋଙ୍ ଡକୋଲଞ୍ଜି ତି ଆଜାଗ୍ଗାଲୋଙ୍ ଆକମ୍ୱାରିମର୍ ଲୋଙନ୍ ଅବୟ୍‌ନେ ଆପ୍ପାୟେନ୍ ।

ଗୋଗୋୟ୍ ଡିନ୍ନା ଆତନଙିୟ୍‌ନ୍ନେ ଆତିକ୍କି ଅଙ୍ଗା ଆଡ୍ରକୋନେଲୋଙ୍ ଅବ୍ରାମନ୍ ଆକୁଲମ୍‌ଜି ଡକୋଲେଜି ଈଶ୍ୱରନ୍ କମ୍ୱାରିମରନ୍ ଆଡଅଙ୍ ରିବିକାନ୍ ଆମଙ୍‌ବା ଓରୋଙେନ୍ । ଆନିନ୍ ଅବ୍ରାମମନ୍ ଆବୋଞାଙ୍ ଆଉଲ୍ଲେଙ୍ ଡକୋଏନ୍ ।

ରିବିକାନ୍ ତି ଆକୁତମ୍ମାଞ୍ଜି ଅମ୍‌ରେଙ୍‌ଲେ ଇସାକନ୍ ଆସିଂ ଆକମ୍ବାରିନ୍ ସରିନ୍ ଜନିରନ୍ ଆସନ୍ ଅଡ଼େଏନ, ଆନିନ୍ ତୁଙାନ୍ ତୁଙାନ୍ ଇସାକନ୍ ଆନିନ୍ ସରିନ୍ ବିବାଲନେ ।

ଗୋଗୋୟ୍ ଡିନ୍ନା ଆତିକ୍କି ଅବ୍ରାମନ୍ ରବବୁଏନକି, ଆନିନ୍ ସରିନ୍ ଅଙ୍ଗା ଆସନିବଡୟ୍‌ବର୍ ଈଶ୍ବରନ୍ ତୁବେନ୍ ତି ଅଡକୋନ୍ ଇସାକନ୍ ଆଡଅଙ୍ ତିୟେନ୍ ଈଶ୍ୱରନ୍ ସିବ୍‌ଡୟ୍ ବର୍ରନ୍ ଡ ଅବ୍ରାମନ୍ ଆକେଜା ଗୋଗୋୟତଜି ବନ୍ଡ଼ ରିବିକାନ୍, ଇସାକନ୍ ଆଡୁକ୍ରୀ, ଅପ୍ପସିୟ୍‌ଲୋ ।

ରିବିକନ୍ ଆସନ୍ ଇସହାକନ୍ ବେବ୍ବରର୍ନେ, ଡ ଈଶ୍ୱରନ୍ ଆନିନ୍ ବାଗୁ ରାବିଡିଅନ ବାତ୍ତେ ତନୁଲ୍‌କୋଡନ୍ ଆସନ୍ ବାଞେନ୍। ବାଗୁ ପସିଜନଞ୍ଜି ଏଙ୍ଗାଲେ ରିବିକାନ୍ ଅକିମ୍ପୋଙ୍‌ଲୋଙ ଡକୋଏଞ୍ଜି, ତାଡିଡ୍ ସିଲଡ୍ ଆନିଞ୍ଜି ଅଲସଙ୍ଗତାଏଞ୍ଜି, ତି ଆସନ୍ ଈଶ୍ୱରନ୍ ଆଡଅଙ୍ କେନ୍ ଆତେ ଇନି ଗାମ୍‌ଲେ ବରେନ୍।

ଈଶ୍ୱରନ୍ ରିବିକାନ୍ ଆଡଅଙ୍ ବରେନ୍, “ଅମଙବାନମ୍ ଡକୋନ୍ ବାଗୁ ଡାଙ୍ଗଡାଅନ୍ନମ୍ଞ୍ଜି ଆମଙ୍ ସିଲଡ୍ ବାଗୁ ଡେସାନ୍ ଜିର୍ତାୟ୍। ଆନିଞ୍ଜି ବାଗୁଞ୍ଜି ଅଲ୍‌ତିଡ୍‌ତଜି ଡ ସୋଡାଅନ୍ନମ୍ ଆସନ୍ନା ଅନ୍ନମ୍ ଆଡଅଙ୍ ସାକ୍କେତେ ।

ଏଙ୍ଗାଲେ ରିବିକାନ୍ ଆଡାଙ୍ଗଡା ଅନନ୍ଞ୍ଜି କୋଡେନ୍ ,ସୋଡଅନନ୍ ଆଡଅଙ୍ ଲୁଲୁଡମ୍ ଡ ଆଡଅଙ୍ ରେଙନ୍ ଆଉପ୍ପୁରନ୍ ଆବରିୟ୍ ଜିର୍ରାୟ୍, ଡ ଆନିଞ୍ଜି ଆଞୁମନ୍ ଏଷୌ ଡକ୍କୋଏଞ୍ଜି। ଆତନିକ୍କି ଆସନ୍ନା ଅନନ୍ ଏଷୌନ୍ ଆତାଲ୍‌ଜଙ୍ ଞମ୍‌ଲେ ଜିର୍ରାୟ୍, ଆନିଞ୍ଜି ତି ଆଞୁମନ୍ ଜାକୁବ ତିୟେଞ୍ଜି ।