20. गुलामी बेया वादा सिन देशस मन्ज़ वापस मुड़य यून

इस्राएल बेया यहूदा सिन दोयवुय राज्यों सिन मानेव परमेश्वरस खिलाफ पाप करूख। तिमोव सु वादा ठान्य ठुकुख युव परमेश्वरन तिमन संत सिने पाड़स पान करून। परमेश्वरन वरा नभी चेतावनी दिनस ख़तरा तिमन निश सुज़िन, ताकि तिम पनिन पाप मानन बेया दुबारा परमेश्वर सिय आरादना करिय शुरू करन। मगर तिमोव नभी नीय कथा मननस अत्ता मना करुख।

तीले परमेश्वरन इस्राइली राज्य बेया यहूदा राज्य सिन दोन्य मानेन सज़ा दिच़नोख बेया तिमनेन दुश्मनन आज्ञा दिच़नोख कि तुस्य दोन्य राज्य खतम करुख। आश्शुर राज्य अख शक्तिशाली बेया बेदर्द राज्य साव। तिमोव इथता इस्राएल राज्य सुन नाश करुख। अश्शुरी मानेव इस्राएल राज्यस मन्ज़ वरा मैन्य मरि ठुकिख, तिमोव युव चवुख सु लुटय नितुख बेया तथ देशस सिन वरा इसा नारस संत ज़ाल्य ठुकिख।

अश्शुरी सैनायेव शिक्षा दिनावेल्य मान्य, आमिर मान्य, बेया इच्छीड़ कारीगर मान्य युव कीमती चीज़ा बनाय इकन साय सारिय किठय करिख बेया तिम सारिय अश्शुर देशस मन्ज़ नितिख। उयां इस्राएल देशस मन्ज़ सिर्फ कें गरीब इस्राएली मान्य बचेयाय।

पता अश्शुरी मानेव इस्राएल देशस मन्ज़ रेनस ख़तरा विदेशी मान्य रेनस किच़ अनिख। तिमोव विदेशी मानेव तिम नगर बेया दुबारा बनायिख। बेया युव इस्राएली मान्य तते ब्चेयाय विदेशीयव तिमन संत ब्याह करुख। इमन मानेन निन वशंजन सामरी ज़बन लगिख।

यहूदा राज्य सिन मानेव उच्छुख कि परमेश्वरन सिय आज्ञा ना मननस सिन वजा संत बेया तिस पान परोसा ना करन्स सिन वजा संत किछन परमेश्वरन इस्राएल सिन राज्य सिन मानेन सज़ा दिच़ीनोख। मगर तिले ते तिमोव कनानी सिन देवता निय आराधना करिय त्रयिख ना। परमेश्वरन तिमन चेतावनी दिनस ख़तरा नभी सुज़िन, मगर तिमोव नभी निय कथ बोज़नस ख़तरा मना करुख।

अश्शुरी मानेन निय ज़रिये इस्राएल राज्य सुन नाश करनस अत्ता तकरीबन 100 वुरिन बाद, परमेश्वरन बेबीलोन देशस सिन राज़ा, नबूकदनेस्सरस यहूदा राज्यस पान अमला करन्स ख़तरा सुज़ुन। बेबीलोन अख शक्तिशाली देश साव। यहूदा सुन राजा नबूकदनेस्सर सुन गुलाम बननस ख़तरा बेया अर वूरी तिस वरा त़ान दिनस ख़तरा तेयार गेयाव।

मगर कें वूरीन बाद, यहूदा सिन राज़न बेबीलोनस संत तोखा करुख। तिले बेबीलोन सिन मानेव वापस इथता यहूदा सिन राज़स पान अमला करुख। तिमोव यरूशलेम शारस पान कब्ज़ा करुख, बेया मंन्दरस सुन नाश करुख, बेया नगर बेया मन्दरस सुन ख्ज़ाना लुटय नितुख।

बेबीलोन देशस संत तोखा करन्स सिन वजा संत नबूक्दनेससर राज़न यहूदा सिन राज़स सज़ा दिच़नोस, बेया तिसनेव सैनिकोव राज़ा सुन बुकुत तिस प्रोठकना मरि ठुकुन बेया पता यहूदा सुन राज़ा कौड़ ठुकुन केर, तथ बाद तिमोव यहूदा सुन राज़ा नितुख ताकि सु बेबीलोन सिन जेलस मंन्ज़ मरि गस्से।

नबूकदनेस्सर बेया तीसिय सेना यहूदा राज्य सिन तकरीबन सारिय मानेन रेटता बेबीलोन देशस मन्ज़ नितिख, यहूदा राज्य मन्ज़ तिमोव सिर्फ गरीब मानीय पथ किन तरायिख ताकि तिम तते वोज़ेन मन्ज़ फसल बनावन। यी सु वक्त साव इले परमेश्वर सिन मान्य प्रण सिन देशस तरावनस ख़तरा मजबूर करिख।

बेशक परमेश्वरन पनेन मानेन तिमनेन पापन निन ख़तरा सज़ा दिच़नोख, मगर तिमनिन गुलाम बननस बाद ते परमेश्वर पनेन मानेन बेया पनेन वादन माँशुकना। परमेश्वर सिय नज़र अर वक्ता पनेन मानेन पान रेवन सयिख बेया सु पनेन नभी निय ज़रिये तिमन संत कथा करन रिठुख। परमेश्वरन वादा करून की स्तर वुरिन बाद, तिम बेया प्रण सिन देशस मन्ज़ वापस इन।

तकरीबन स्तर वूरिन बाद, फारस सिन राज़ा कुस्रुन बेबीलोन देश आराय ठुकुन, यथ ख़तरा बेबीलोन देश सिन बज़ाय फारस देशन वरान देशन पान राज़ करून। इस्राएली मानेन उयां यहूदी ज़बन स्यीख। तिमन मन्ज़ व्रायेव मानेव पनुन जीवन बेबीलोन देशस मन्ज़ बितवुख। सिर्फ वरा कम बुडा यहूदी साय इमन यहूदा सुन देश याद स्वुख।

फारसी मैन्य वरा सामर्थी साय, तिमोव पनिन ज़िन्दय रिठ्मित मानेन पान तरस खिवुख। फारसी मानेन नुन राज़ा बननस सिन ज़रा वक्ता बाद, कुस्रून अख आज्ञा दिच़िन कि कुं ते यहूदी यु यहूदा सिन राज्य मन्ज़ वापस गसून चावन थू, सु फारस अत्ता निरता वापस यहूदा सिन राज्य मन्ज़ गेस इकन। बल्कि तिन तिमन ख़तरा मंन्दर दुबारा बनाव्न्स कीच़ पैसा ते दितनोख। गुलामी सिन स्तर वुरिन बाद, यहूदी निय अख लुकिड जमात यहूदा राज्य सिन यरूशलेम शारस मन्ज़ वापस आय।

इले तिम मैन्य यरूशलेम शारस मन्ज़ वेत्य ता तिमोव मंन्दरस बेया नगर सिन चोरवुय पासा सिय तोसा दुबारा बेया बनायिख। फारसी मैन्य उयां ते तिमन पान राज़ करन साय मगर तिम आके वारा बेया तिम प्रण सिन देशस मन्ज़ रेवन लग्याय बेया मंन्दरस मन्ज़ परमेश्वर सिय आराधना करन लग्याय।