19. भावीस्यबक्ता

देवुड बेसकाही इस्रीएल तोरा भविष्य केतनोरिन रोतनोंड। भविष्यद्वक्ता तोर देवून उत्तरम केंजी, मल्ला जनात्क केतनोर।

अस्की आह्ब इस्रीएल राज्यमता राजू मतोड, आ समयते एलिय्याह भविष्यद्वाक्ता मतोंड। आह्ब ओरु छड मड्सुन्ड मातोंड। होंड बाल देवततिन मोडकनाक जन्मतीन बेदरिस्तोंड। अन्देके एलिय्याह आहाब तोंटी केतोंड देवुड आ जन्मतींन दण्डहिन्चानाक अंजो मतोड़। होंड केतोंड अस्की बेस्केट दा नका नन्ना मल्ला वान वादनाक केलोन अस्केट दनका इस्रीएल राज्यमता वानवारु मचगुन रालू”ही माटा आहाब थीन चाला कोपामवदिसती, होंड एलिय्याह अवकना कमातोंड।

अन्देके देवुड एलिय्याह तोंड अडता अंजू अहब ते सेंगा अन्डकी एलिय्याह अडता एर हूट मंदन सोटा अन्दनक केतोंड इंका वेरवी मुल्पी अंगी रोटीये तच्चो मति आला जरगतस्की अहब नी होन सेनिकुड एलिय्याह तिन मेंगो मतोड़ कानी दोर्किलोंड।

वाना वाद्कुटम मंदन वेलन आ एडमा इंडकती अन्देके एलिय्याह पकात मति देशम था मातोंड आ देशम ओरु बीदा मुत्पाल हिली दंकू ओरु मर मातोंड तिन्दान दोडाआकार आस्न्जामती बारहित्किन वांजी पंडीला आल कागुन आ नटवाड एलिय्यात्कू तिन्दनाक हिती। अन्दुके देवुड दंकू दान मरिकू कावाल्सिनावअंता हीतोंड अन्देके ओरवांजी मंदन गुल नीई मन्दान डब्बा कलि आकार अदिला आ करविन रोस्कंता होरा दोडा मति आन्देके कोदिग सवन्सरा एलिय्याह आगे मातोंड।

मुड़ो नर्रा सवन्सरा पेरिकी देवुड एलिय्याह तोंटी केतोंड मल्ला वानावादिसितान, मल्ला देवुड इस्रीएल राज्यमत केला इन्जो केतोंड, ”अन्देके एलिय्याह, आहाबता होनिन उडी मल्ला केतोंड निजाम तिपा तून्गानोंड निम्मे एलिय्याह होकु हिला इंजोर केतोंड आहाबतीन केतोंड देवुड तिन निम्मा विडीसितीं कानी निम्मा बोम्मेन मोड्को मति इंजी निम्मा इस्रीएल जनम थी अग्गा कारमेल मेटाता तिसितात्वाल।

अस्की अंदोर कार्मेल मेटता अतोर आ माड्सुन्गुडा अतोंड बाल बोम्मेन माटा केतनोर, बाल पूजा तुन्गानोर भविष्य केतनोर अंता वातोर 450 मतोंर जनम एलिय्याह अन्दुर केतोड़ बेस्केट दांका देवुड कु दुरम आस्मंतिर यहोवा देवुड अतकिन मोड्कटु बाल बोम्मेन देवुड अताकिन वाटीन मोड्काट।

अस्की एलिय्याह बाल बोम्मे पूजहिस्नोरी केतोंड, ओरु बक्तींन तीरम हीस तरा ट मल्ला अंगी तराट वाटीन ओरु वेदिता वाट कार कानी अग्गा किस वाटामाटदान तर्वाता नन्नागुन आलेतुन्गितान इंका वेरे वेदिता वाटितानु अस्की देवुड किस वादिस्वालू वादिस्तासकीन होंड देवुड इन्जो नाम्मावाल अस्की बाल विग्रह वेदी तुन्ग्तोर किस रालिली ।

अस्की बाल दिन पोजिस्नोर ये बाल देवुडामा माटा केंजा, आ रोज अंता प्रधाना तुन्ग्तोर गट्टीन कैयोर कयकिन कोयतोर बाल देवुड ओर माटा केंजिलोंड मल्ला किस गुन राल पिलोड।

बाल देवुड तिन पूजिसोर पेयालदांका आस्ति तर्वाता प्राधना तुन्गानाक अपितोरू अस्की एलिय्याह वेरे बकत अंगीन देवुट वेदिता वाटी दान तारवाताओन्ड जनम थीन बेर्रा कुंडान नीडा एर तोसाट -तोसाट केतोंड पकात अंता बुर्ददा- आस्ति।

अस्की एलिय्याह प्राधना तुन्गातोंड ये यहोवा अब्राहम, इसहक़, याकूब थी देवुडा माकू तोपिसा इस्रीएल देवुड इन्जो मल्ला मन्नानी पूजिर इन्जो। ना माटा ताकू जवाब हिमु जना ताकू ना माटा कंजा जनम निम्मा निजम मेयेना देवुड इन्जो।

असके माबिं उन्च्ची किसराली अंगिनु, वेर्किनु रायकिनु वेदिता पकात मति बुर्ददा गुन वेसती आ जनम उडी मल्ला नेल राली मल्ला हिला इन्जोर केतोंर यहोवा ही देवुड – यहोवा ही देवुड।

अस्की एलिय्याहा हिला इन्जो केतोंड बाल देवुटिन पोजीसनोड बेनिन्गुडाबत्की अन्द्गु इस्रीएल जनम बाल देवुटी पोजिसानिरिन पोयस मला ओरिन पाकत ओस आव्कितोर।

अस्की एलिय्याहा अहाब राजा तोंड केतोंड जप्पू निलोन मिर्रा बार्हित्किन वाना वाद्नक मिन्दी, जपूके मन्बु देगेर आसते जपुके बेर्रा वाना वती यहोवा आ वत्तीदान्नी आकार तुन्गतोंड। हिमाटान जर्गता अस्की यहोवा ही निजामयना देवुड।

एलिय्याहा होन पन्नी थी आकार तुन्गिताअस्की, देवुड एलिशा हीन्दन मड्सिनु पुजा एन्दन नीलवातोड़ देवुड एलिशह तोरिन गट्टीन मति तुन्गातोड ओरु गोपा पन्नी बाताहित्किन नामांत जर्गति होंडु इस्रीएल पगा वारिन सैनिकुडूहोना गजीहिन्दन बेर्रा रोगम मत्ति। नामान एलीशा गुरुंची केंजी मातोंड होंडु इस्रीएल एलिशा ना वास नानिन्न सायीतुंगा इन्जो केतोंड। एलिशा नामान कु हिला इन्जो केतोंड यरदन गोदाटा अंज मल्ला एडू सुटकु मुंडगा।

नामान कोपार्स मल्ला हिला तुन्गुकुटम, होकु हिला पन्नी सायी अन्पिसिली मॉल यरदन गोदटा अंज मल्ला एडू सुटकु मुंडगी तेदानासकी देवुड होनिन सौय तुन्गातोंड

देवुड इस्रीएल जनम ता चल पुजरिरीनु रोतोंड ओरु बोम्मेन मोडक माट इंजोर केच्चोर वातोर अस्की होरु ओरुड ओरनिक ओरोड़, प्रेमातो समादनाम म्दानाक होर पोज्रिरू तप्पू पन्नी तुन्गामाट इंजोर केतोर्र दान तर्वाता देवुट माटा केंजी मल्ला नडदवाल। इंजोर आला तुन्गुकुटम मतकी ओर्रन तप्पू वारुगा होरीन शिक्षा वाटीतोर।

एक्कावा समयते आ जनम देवुट माट थी केंजकुं टम मतोर्र देवुट माटा केंज्कूटम मजे देवुट पुज्रिरिन ओरु तोंटी सायी मदनोर आय होरीन तिपातुंगी चाला मन्द्तीं आव्क्तोर गुडा अन्द्लो यिर्मियाहा पुज्रिन एर हिली नुयदा एसितोर दोलनक अग्गा होनिन आ नुयदा होंड बुर्दाता निगातोंड, कानी राजुत्कू होन पोर प्रेमा वास मल्ला होन सैनिकुडूकी रोच मल्ला यिमयाह डोलान्दिक मुन्ने तिसाट इंजोर

भाविस्यबक्ता देवुटू माटा इका केचुरे मत्तोरू, कानी जानाम ओरिनू इस्टा बरसो मद्दुका. ओरु जानात्कू ईलिंजो केत्तोरू ओका वेल्ल मरुकू मतकी, देवुदु मीमिनु नासानाम तुगितोंडू, ओरु जानात्कू ईलागु गुर्तु तुग्तोरे देवुदु ओरा येसु तिनु रोतितानु ईन्जो माटा ईत्तोंडू।