26. येसु ओनु सेवा तुन्गानंकू ऐरतोंडू

दैयात परीक्षा नुची गेलस्त की, अगनुची गलील इन्दन देशमता वातोंड। आ नाटे होंडु मुनेन नुची मातोंड। परिशुद आत्मा चाला बलम हिसोमतोंड। यीशु ओरु नाटेन हुन्ची मलोर नाटी जनताकू नेरपो मातोंड। अंदोर होंसेंगा सायी केचो मतोर।

यीशु नासरत नाटे अतोंड। आ नाटी चिना अस्की होंडु अग्गे मातोंड। आराधना तुन्गान रोजू होंडु गुडिदा अतोंड अग्गा मदान पोजरीर याशयाह पुस्तक होकु हितोरू ओरु दनिन सदवानाक हितोर। अस्की यीशु आ पुस्तातिन तीसी जनात मुनि सद्वातोंड।

यीशु सदवातोंड, ‘’देवुडू होन आत्मा नाक हितोंदु विद्वार्लकू देवून माटा केतनाकु होंड नन्नी अन्देके रोतोंड मंद्नोरिन जेलदा मंदानोरिनु विदिपिसनाक, गुडिवार्ककी न खंड हिदनाक इंका बेनरिकू जनम तिपा वाटोर मंदों ओरी कापडनाक ही संयम देवुड दैया तोपिसितोंड मन्नाकू सहायम तुन्गितोंड। ‘’

अस्की यीशु अंज मल्लान कुद्तोंडू अग्गा मंद नोर अन्दुरू गट्टीन हुडो मतोर। ओरुकू तेलियांजमति ओंडू सदवती माटा अता यीशु प्रभुन गुरुंची मत्ता। यीशु केतोंड, ‘’ बेनमाटा इंजी नन्ना मी मुन्नी सद्वातानो अव्वा अन्ता जरिगिताकू अन्दुरू बागा आलसी मल्लन हिडू यूसुफ थी मर गदी।

अस्की यीशु हिला इंजोर केतोंड, ‘’हिदू निजामे देवुट पुजरीर नम्मोरु होन माटा सरिगा केंजोर। एलिय्याह समियान्तु इस्रीएल देशम ता मुतापालोर डोलता चाला मता। बेसकीहित्किन मुड़ो नर्रा सवन्सरा वाना वादिलो देवुड एलिय्याह थी इस्रीएल ता विधवा नाटवानासहयम तुन्गानाक रोतितोंड कानी वेरे देशमता मन्दान विधवा नाटवाता रोतोंडू।‘’

यीशु आला इंजोर केचामतोंड इंका एलीशा समियतस्की। इस्रीएल देशम गजी मन्दान रोगोतोर चाला मंदी मंदान्सकी एलिशाह होरा बेना गुडा बाग तुन्गिलोंड कानी इस्रीएल शत्रु देशम आती। इस्रीएल सैयनिकुडू अता नामन बागा तुन्ग्तोन्डू। बेनुरू आतकी यिशुन माटा केंजोर मंतोरू ओरा अंता यहूदी वार। अन्देके होरु एमाटा केंजानास्की गट्टीन कोपाम वती।

नासरत जनमु यिशुन आराधना तुगान सोटी हुन्ची लागी बैहिदी होतोर मल्ला होरु हिनिन अव्वाकनाकू अलसी मलान नेल एसनाकू पोरू मेंट्टाता होतोरू अस्की यीशु जनात हुन्ची बेदिवास मल्लन नासरत नाटेन विडिसी मल्ला अतोंड।

अस्की यीशु गलील हिन्दा सोट्कीना अतोंड। अस्की गट्टीन होन देगेर वतोर होरु जबुमंदानोरू, कुंटीवारिन ततोरू। होरगुनउडालकुंटाम, तिर्याल कुंटाम गुडा मतोरू। अस्की यीशु बागा तुन्गतोंड।

दाना तर्वाता चाला जनम गुडा यिशुना वतोर, ओरा दैया पोयसी मंदानोरिन यीशु आ दैयानु ओर हुन्ची बेयडी अन्नुट इंजोर केतोंड आ दैयाम हिला इंजोर गट्टीन कैयती निम्मा देवुट मरीनू, अग्गा मंदन जनम अंता आचर्यम अतोर। अस्की होरु अंदोर देवुट स्त्रौट्राम केतोर।

अस्की यीशु पनेडमाड्सिरिन एन्चतोंड ओरिन होरु सेवुकुडू इंजोर केतोंड। आ पानेड उदोरून होन माटा नेर्सतोंड।