28. आदिकराम मन्दानी डब्बु मांदा पडसुवंडू

ओरु रोजू, ”ओरु डब्बू मन्दान मंड्सुंडू यीशु ना वास तल्पतोंड, ‘’ हिला इंजोर तल्पतोंड ये सयेट गुरु देवून राज्यमता अन्दनाक नन्ना बात तुन्गावालू ? ‘’ यीशु होंकू हिला इंजोर केतोंड, ‘’निम्मा नन्नी ‘सयेटोंड’ इंजोर बार केतिनु ? ओर्रंडे सयेटोड होंडु देवुड निजम निम्मा देवुट राज्यमता अन्दावालइंजोर अन्कुटकीनू देवुट माटा केंजी दान लेकम नडतवाल।‘’

’’ नन्ना देवुट बेन बेन माटा केंजी मल्ला जिविस्वाल ?’’होंडु तल्पतोंड यीशु होंकू हिला इंजोर केतोंड, ‘’ बेनिन अव्वाकनाद अय्यु व्यबिचाराम तुन्गानाद अय्यु, बेन्ना डोंगानाद अय्यु, बेनुक बोलिस्मा, मी यव्वा, इयानसायं उड़ा इंका नी पकता मंद्नोरिन प्रेमिसा। ‘’

अस्की आ लेयोंड हिला इंजोर केतोंड, ‘’नन्ना चिना मता अस्केनहुन्ची देवून माटा केंजी जिविसो मिदान नन्ना बेस्केट गुन बत्कनाकइंका बात कावल ?’’ यीशु हिनिन होडी मल्ला होनिन प्रेमिस्तोंड।

मल्ला यीशु हिला इंजोर केतोंड, ‘’ इंका निम्मा सयेटोड आद्वाल हित्लिनु अंज मल्ला नियाग मन्दान अंता अमिस मलान वाटीन बिदावार्कू हिमु अस्की निकू देवं राज्यम डब्बकु दोरिकिता अस्की न पेर्की निम्मा वरा।‘’

यीशु केतादु आ लेयोंड केंजी मल्लन बादा पारतोंड बार्हित्किन होंडु गट्टीन डब्बकु मंदानोंड मल्ला होना मंदानी ड्ब्बकु बेनुर्कू हिदनाक हिस्टम मंदिली, गिरुड़ी मल्ला यीशु नुची अतोंड।

अस्की यीशू होना मदान शिशुर्किन केतोंड, ‘’ देवून राज्यमता ड्ब्बकु मंदानोड अन्दनाकू चाला कस्टम आवनु निजामे ओरु ड्ब्बकु मन्दान मंड्सुंडू देवून राज्यमता अंदा दाटकअतकिन ओरु होंट्टी सुदति बोस्ता अन्दाती। ‘’

यीशु केतादु ओरु शिशुर कु केंजी मल्लान वेर्सतोर अस्की ओरु हिला इंजोर केतोर, ‘’ हिला आत्किनु देवुड बेनिन कापडी तोंड?’’

यीशु ओर आकी हुडी मल्लन हिला इंजोर केतोंड, ‘’ जनमु होरकु-होरे कापाडालोर कानी देवुड अंदरीं कापडीतोंड अदू तुगालितोंड।‘’

पतरस यीशु तोंटी हिला इंजोर केतोंड, ‘’ मम्मा माय्या मंदानाव अंता विडिसी मल्लन नी पेर्की वासो मिन्दान माकु बात दोर्कित? ”

यीशु अस्की हिला इंजोर केतोंड अन्दोरू बेनुरू अत्किनू ना सेंगा यव्वा ईय्यालोरिन दादन, सेलोंन पिल्लानु भूमतिनु विडिसी तोरो होंकू वंदा गुना येक्वा होर्कू दोरकितु इंका देवून राज्यम गुन दोर्कित। अस्की चाला मंदी बेनूर अतकिन मुन्नी मतोर ओरु पेर्की आसंतोर इंका बेनूर अतकिन पेर्की मंतोरू होरु मुन्नी आतोर।