30. येसु 5 वैकु जानात्कू दोडा ईत्तोंडू

यीशु ओरु शिशुर्किन वेरे-वेरे नाटे रोतोंड ओर जनतकू देवून माटा केतनाक आ शिशुर्कू मल्ला गिरुड़ी ईशी प्रभुता वातासकी, गिरुड़ी वातोरु होरु बात बात केतोरो वास यीशु नकू केतोरू अस्की यीशु वागीना इबाट हुन्ची अब्बार अन्दनाक ओर सायी मन्दान सोटा अंज मल्लन कूदाटू ओरु अंदोर आ होड़ता तरीअबारअतोर।

अग्गा चाला जनम मतोरू यीशु नु आ होडात अन्दनाक उडी मतोर, ही जन्मनता वागिनु होडिना जपु -जपु होनकान मुन्नी डांटी मतोरू यिशुनु शिशुरकु अग्गा यवातास्की जनामु मुन्ने कुड़ी मतोर।

आ जनम नाटवानगुन पिल्लान विडिसी मल्लान मंड्सुरके 5000 जनम मतोर यीशु होरीं उडी मलान बागा बादा पर्तोंड यिशुत कु आ जनात्कू मेतानोड़ हिला जनम लेकम तोप्तोंड अन्देके होंडु ओरकु देवून माटा केतोंड आ जनता मति रोगा अन्ता सायी तुन्गतोंड।

आ रोजू मुल्पेवेला अन्दानासकी यीशु शिशुर्कू तोंटी हिला केतोंड चाला मुलापी आसंजो मिदी हिगा देगेर गुडा हिली ही जनम ती रोचिदाकड़ अन्ज्माल्ला दोडा तीसी तितोर।

यीशु शिशुर्किन हिला इंजोर केतोंड मिरे होर्कू तिन्दानाक बात हिमुटओरु अस्की हिला इंजोर कतोर मनाडू बेला तुन्गितादडू मन्नाकू आयदू रोटे रेंडू किके मिदा

यीशु ओर शिशुर्किन केतोंड जननाती अंता गट्टा 50-50 जनम कुदाट हिन्जोर केतोर |

अस्की यीशु आयडू रोटे र्नेडूकिके पोयस मलान मंबिना उडी मलान, अस्की आ रोटेनसेंगा देवुटकु धन्यावादम केतोंड।

अस्की यीशु आ रोतेनु, किकेनु मुका -मुका तुंगी अस्की जनातकु हिमुट इंजोर आ मुकान हिमुट इंजोर केतोंड शिशुर्कू आ रोटे मुका पंचोरे मतोर गानी अवू आकार आदिला अन्दुर डोका निंडा तितोर।

अस्की होंडु शिशुर्कुकिन रोटे अंता कुपावाटोर. बाताहित्किनमिगली मता आ रोटे मुकन पनेंड गमप्पा नीडान लेकम मत्ता आ दोडा आ आयदु रोटे रेंडू किकेन नुंची वता।