1. ससार

इसकै सुरुवाद में परमेश्वर ले सब चिजून बनाछ। उले छै दिनून में संसार और जो ले उमें छै उन सब चिजून बनाछ। परमेश्वरा का द्वारा धरती स बनूना का बाद उमें अन्यारा का अलावा के नी छ्यो, आजि तक परमेश्वर ले उमें के नी बनाईनाको छ्यो। लेकिन परमेश्वरो को आत्मा पानि मलि में घूमनै रूछ्यो।

फिर परमेश्‍वरले क्‍योछ “उज्यालो हो!” जा त उज्यालो हो ग्यो। परमेश्‍वर ले देखछै की उज्याला निको छै और ऊस “दिन” क्योछ। और उले ऊस अन्यारा है अलग करछय जैस उले “रात” क्योछ। परमेश्वरा ले पैल दिन उज्यालो बनाछ।

दुसारा दिन परमेश्वर ले क्योछ, “पानि का मलि में अंतर हो।” और एक अतंर हो ग्यो। परमेश्वर ले उ अतंर स “ आकाश” क्योछ

तिसारा दिन परमेश्वरा ले क्योछ, “पानि एक जागा में जाम हो जौ और सुखी जमीन दिखाई द्यो।” उले सुखी जमीन स “धरती” क्योछ और पानि स “समुद्र” क्योछ। परमेश्वर ले देखछ्य निको छै।

फिर परमेश्वर ले क्योछ, “धरती में सब प्रकारा का रूख और डाला हो जून।” और इसो भ्योछ। परमेश्वर ले देखछ्य निको छै।

चौथ दिन में परमेश्वर ले क्योछ, “आकाश में उज्यालो हो।” और सूरज, चाँद और तारा प्रगट भ्यान। परमेश्वर ले उनून धरती में उज्यालो दीनखिन और दिन और रात मौसम और सालून में भेद करून खिन बनाछ।

पांचू दिन परमेश्वर ले क्योछ, “जीव- जन्तु पानी स भर द्यो और आकाश में पक्षी उडून।” इसिकैं उले पानि में रून वाला सब जिव-जन्तुन और सब प्रकारा का पक्षिन बनाछ। परमेश्वर ले देखछ्य की यो निको छै और उनून आशीष दीछ।

छ्यू दिन परमेश्वर ले क्योछ, “धरती में रून वाला सबै प्रकारा का जानवर हो।” और परमेश्वरा का कईनाका अनुसार इस्सो हो ग्यो। कुछ जानवर पालतू छ्या, कुछ धरती में रेगून वाला, और कुछ जंगली जानवर छ्या। और परमेश्वर ले देखछ्य की यो निको छै।

फिर परमेश्वर ले क्योछ, “आ हम आदिमी स अपूना स्वरूप में और अपूना समान बनूनू। उन धरती में और सब जानवरून में अधिकार राखाला।”

तब परमेश्वर ले माटा ले एक आदिमी बनाछ और उमे जीवनों को श्वास स फूक दीछ। यो आदिमी को नाम आदम राखछय। परमेश्वर ले आदमा का रून खिन एक ठुलो बगीचा बनाछ और उकी देखभाल करून खिन आदम स वाँ राख दीछ

उ बगीचा का बिच में परमेश्वर ले द्वी खाश रूख लगायान- जीवनों रूख और भल और बुरो को ज्ञानो को रूख। परमेश्वर ले आदम थै क्योछ तैं यो बगीचा का भल और बुरो को ज्ञानो को रूख स छोड़ भेरन और कोई ले रूखो को फल खा सकछै। अगर तैं यो रूखो को फल खाले त मार जालै।

फिर परमेश्वर ले क्योछ, “आदिमी को एकलो रून निको नाहातिन।” लेकिन कोई ले जानवर आदम का दगड़ीया नै हो सक्या।

येक कारण परमेश्वर ले आदम स गैर नीन में डाल दीछ। फिर परमेश्वर ले आदम की एक पसली लिभेरन उ है एक स्येनी बनाछ और ऊस आदमा का पास ल्याछ।

जब आदम ले ऊस देखछय त उले क्योछ, “ यो त मेरी जसी छै! यो स्यैनि कहलालि, क्याखिनकि यो आदिमी में भटे बनाई गैछ।” यो कारण आदम अपूना ईजा-बाब स छोड़भेरन और अपूना स्यैनि का दगाड एक हो जाछो।

परमेश्वर ले आदिमी और स्यैनि स अपूना समान बनाछ। उले उनून आशीष दीछ और उनूनथै, भौत सारी संतानून और नाती-पोता पैद करा और धरती स भर दी!” जो कुछ परमेश्वर ले बनाछ। ऊस देखभेरन उन भोत खुश भ्यान। यो सब कुछ छ्यू दिन बनाछ भौते निको छै।

जब सतु दिन आछ त जो कुछ परमेश्वर उ आराम करछ्य करून मरेछ्यो उले उ सब कामून खतम करछय। उले सतुं दिने स आशीष दीछ और ऊस पवित्र ठैहराछ। क्याखिनकि उ दिन उनुले सब कामून पुरो करभेरन। इसिकैं परमेश्वर ले संसारै की और जो ले उमे छै उन सब चिजून बनाछ।