12. निर्गमन

इस्राएलिन लोग मिस्र भटे निकल भेरन भौत खुश छ्या। उन अब दास नी छ्या, और उन वादा करिना का देश में जान मर्या! जो ले इस्राएलिन ले माँगछै, मिस्रीन ले उनूनले उ सब कुछ दीछ, याँ तक की सुनो और चाँदी और कीमती चीज। दुसारा देशाक कुछ लोगून ले परमेश्वर में विश्वास करछय और जब इस्राएली लोग मिस्र भट निकल्यान त उन ले उनारा दगाड़ हो ग्या।

परमेश्वर दिन मे इस्रायलिन बाट दिखून खिन एक बादल को खाश लम्बो टॉल और रात मे उज्यालो दिखून खिन एक ऑगा का खम्बा का रूप मे उनारा अघिल-अघिल हिटनै र्योछ। दिन मे बादलूनकि टॉल और रात मे आगाका खंम्बो इस्रायलिनका अघिल भटे हिटछ्या। परमेश्वर हमेशा उनारा दगाड़ छ्या और उले सफर करून बखत उनेरी अगुवाई करछ्य। उनून केवल इतुक करून छ्यो उनारा पछिल हिटून।

थ्वाड़ा बखताका बाद, फिरौन और उक लोगून ले अपूना मनून बदल दीछ, उन इस्राएलीन फिर भटे अपून दास बनून चांछ्या। येक कारण उनूनले इस्राएलिन को पीछा करछ्य। यो परमेश्वरै छ्यो जेले उनारा मनून बदल दीछ। उले इसो येक कारण करछय किलैकी परमेश्वर चांछ्या की हरेक यो जाण लिन की फिरौन और मिस्र का सब देवतान भटे, उ यहोवा परमेश्वर ज्यादा शक्तिशाली छै।

जब इस्राएलिन ले मिस्र की सेनास ऊन देखछै त उनून मालूम भ्योछ की उन फिरौन कि सेना और लाल समुन्द्र का बिच में फस ग्या। उन भोत डर ग्या और रून लाग्यान, “हमुले मिस्र स किलै छोड़? हम मरून वाला छै!”

मूसा ले इस्राएलिन थै क्योछ, “डरून बंद करा! परमेश्वर आज तुमून खिन लड़ौलो और तुमून बचालो।” तब परमेश्वर ले मूसा थै क्योछ, इन लोगून थै लाल समुन्द्र की तरफ अघिल बढून खिन कौ।”

तब परमेश्वर ले उ बादलो को टालो लिभेरन इस्राएलिन और मिस्रिन का बिच में राख दीछ ताकि मिस्रीं लोग इस्राएलिन देखि नै पान।

परमेश्वर ले मुसा थै क्योछ समुद्रका तरफ अपूना हात उठा फिर परमेश्वरले पूरबक तरफ भटे हवा चलाभेरन समुद्रका द्वी हिस्स बना दीयान। इस्राएली समुद्रका बीच सुका बॉट मे हिटभेरन पार ग्यान, किलैकि पुर समुद्र को पानि उनारा दैन और बौं तरफ जॉम छ्यो।

इस्राएलिन लोग अपूना द्वीवै तरफ पानि की दीवारा का दगाड़ सुकी बाट में समुन्द्र में भटे होभेरन हिटनान।

तब परमेश्वर ले उ बाट भटे बादल स हटा दीछ ताकि मिस्री लोग इस्राएलिन बच भेरन जानो देखून। मिस्रिन ले उनून पकडून खिन उनोरो पीछा करना को फैसला लीछ।

और मिस्रक फौजस ले उनारा पिछा करन-करनै समुद्रका बीच आगै। लेकिन परमेश्वरले मिस्रिन घबरा दीछ और उनारा रथून का टैरून मॉट मे धसै दीछ, जैले उ दौड़ नै सक्यो। यो देखिभेरन उनूनमे भगदड़ मचि गै, और उन चिल्लान लाग्यान कि याँ भटे भाजो, किलैकि इस्राएलिन तरफ भटे परमेश्वर लडून मर्योछ।”

जब सब इस्राएली लोग पार है ग्या, तब प्रभु परमेश्वरले मुसाथै क्योछ, "अब अपूनो हात समुद्रका तरफ उठा। मूसा ले उस्सो करछ्य और समुद्रको पानि फिर एक हुन लागछ्य। मिस्रॉक लोग वां भटे वापिस भॉजून चांछ्या, लेकिन उन सब यो पानि मे डुबी जाना।

जब इस्राएलिन ले देखछै की मिस्री मर ग्यान त उनुले परमेश्वर में विश्वास करछ्य। उनूनले विश्वास करछ्य की मूसा परमेश्वरा का तरफ भटे भविष्यवक्ता छै।

इस्राएली लोग एक कारण भौते खुशी छ्या किलैकी परमेश्वर ले उनून मरून है और गुलाम हून भटे बचा लीछ। तब मुसाका दगाड़ इस्रायलिनले परमेश्वरखिन यो गीत गाछ " हम तुमेरि महिमा करनू, किलैकि तुमुले हमुन जिताछ, इस्राएलिन ले अपूनी आजादी को त्यार मनून खिन और परमेश्वर खुश करून खिन कई गीतून गायान किलैकी उले उनून मिस्रिन की सेना भटे बचाछ। परमेश्वर ले इस्राएलिन हर साल एक त्यार मनूना को हुकुम दीछ यो याद करून खिन की कसकै परमेश्वर ले मिस्रिन हराछ और उनून गुलाम हुनै आजाद कराछ। यो फसह को त्यार कहलाइ छै। यो त्यार मनून खिन उनून एक बड़िया मेमना की बलि चढून छ्यो, ऊस भडून छ्यो, और ऊस बिन खमीर वाला रवाटा दगाड़ खान छ्यो। निर्गमन अध्याय १२ :३३ -१५ :२१ भटे एक बाइबल की कहानी"