14. जंगल में भटकून

तब ईसो भ्योछ, कि सिनै डॉण मे पुजनाका लगभग एक सालका बाद परमेश्वरको बादलूनको टॉल वां भटे अघिल ग्यो। तब इस्रायली बादलूनका पछिल-पछिले कनान देशका वाड़ोका नजिक पुजींयान। और वां बादलूनको टॉल ले रुकछ्य।

परमेश्वर ले अब्राहम, इसहाक और याकूब थै वादा कर राखछ्यो की उ वादा का देश में उनारा वंशजून द्यूलो, लेकिन उ बखत वाँ भौत जाति का लोग रूछ्या। उन कनानी कहलूछ्या। इन कनानी लोग परमेश्वर की अराधना नि कर छ्या और उनेरी आज्ञा नि मानछ्या। उन झूठा देवतान की पूजा कर छ्या और भौते बुरा काम ले कर छ्या।

परमेश्वर ले इस्राएलिन थै क्योछ, “जब तुम उ वादा का देश में जाला त वाँक सब कनानिन छुटकारा पा लिया। उनारा संगती जन राख्या और नै उनारा दगाड़ ब्या कर्या। तुम उनेरी सब मूर्ति पूर तरीका ले नाश कर दिया। अगर तुम म्यारा हुकुम नी मानला, त तुम म्यारा बजाये उनारा देवतान की पूजा करून लागला।”

जब इस्राएली कनान देशा का नजिक पूजिया, मूसा ले इस्राएला का हरेक गोत्र में भटे एक- एक करिभेरन बारा आदिमीन चुनछ्य। और मुसाले उनुस भेद लिन खिन भेजछ्य, तब उले क्योछ "तुम जाभेरन उ देशका बारि मे निकीकैं पत्तो-पानि लगाया कि वांक लोग ताकतबर छन या कमजोर?

उन बारा आदिमी ले पुरो कनान देशो को हरेक चीजूको पत्तो लगाभेरन चालीस दिनक बाद उन इस्राएलिनका पास लौट आयान। उनूनले बताछ, “वांक यो फल देखा! उ देशका पैदावार इदुक निक छ,: कि वां के चीजेंकि कमी न्हैंतिन। लेकिन दस लोगूले इसो क्योछ, “उनारा नगर भोत मजबूत छै और उन लोग लम्बा- चौड़ा छन अगर हम उनूनमें हमला करनू, त जरूर उन हमून हरा द्याला और हमून मार डालाल।”

तब भेद लिनवालान में भटे कालेब और यहोशूवा ले लोगून समझून खिन क्योछ, " डरा जन, हम जल्दी उ देश मे हमला करिभेरन उस अपूना कब्जा मे करि सकनू, किलैकि परमेश्वर हमारा दगाड़ छन।"

लेकिन लोगून ले कालेब और यहोशू की नै सुणयो उन मुसा और हारूनथै यो कैभेरन कच-कचाट करन लाग्यान, "तुम हमून यो खतरानाक जाग में किलै लिभेरन आ छा? हमून मिस्र देश मेई रूनो छ्यो! अगर हम यो कनान देश मे हम्ला करुला, तब उन हमेरि स्यैनिन और नॉनतिन ले गुलाम बना ल्याल, और हमुन मारि द्याल। यो हैभेरन निक छ: कि हम आजि ले मिस्र देश लौट जांनू!" और उनुले आपस मे सलाह करछ्य कि हम कैसे अपूनो नेता छांटिभेरन उक दगाड़ मिस्र वापिस लौट जांनू।

जब उन लोगून ले क्योछ त परमेश्वर स भौत रिश आछ। उ मिलाप वाला तम्बू में आछ और क्योछ, तुमून ले म्यारा खिलाफ पाप करछै, येक कारण तुम सब यो जंगल में भटकूनै रोला। हरेक जन बीस सालो को या उहै ज्यादा उमरो छै वाँ मर जालो और कभे ले उ देश में नी पूज पालो जो मैं तुमून दीछूँ। सिर्फ कालेब और यहोशू उमे प्रवेश कराला।”

जब लोगूनले परमेश्वर स इसो कुन सुणछै, त उन दुखी भ्यान किलैकी उनूनले पाप करछय। येक कारण उनूनले कनान का लोगून में हमला करना को फैसला करछै। मूसा ले उनून नै जानाकी चेतावनी दीछ किलैकी परमेश्वर उनारा दगाड़ा न्हैतिन, लेकिन उनूनले मूसा की नै सुणि।

परमेश्वर यो हमला में उनारा दगाड़ा नी छ्यो, येक कारण कनानिन ले उनून हरा दीछ और उनून में भटे भोतून मार दीछ। तब इस्राएलिन लोग कनान भटे मुड़ ग्या। अघिल चालीस सालून तक, उन इथकै- उथकै भटकनै रौलो।

इस्राएलिन लोगून का चालीस साल तक जंगल में भटना का दोरान, परमेश्वर ले उनेरी जरूरत पूरी करछै, उले उनून खिन स्वर्ग भटे “मन्ना” कहलून वाला रवाटा दियान। तब ब्याल बखत वां भौत बटेर उड़ैभेरन आयान और उं सब तम्बूक चारू तरफ बैठि ग्या। उ ब्याल इस्रायलिनले पेट भर उनारा शिकारेस खा। उ पुर बखत परमेश्वर ले उनारा कपाड़ा और जुत्तान फटून है बचाछ।

यहाँ तक कि परमेश्वर ने उनके पीने के लिए चमत्कारी रूप से चट्टान में से पानी निकाला। परन्तु इन सब के उपरान्त, इस्राएली लोगों ने परमेश्वर के विरुद्ध और मूसा के विरुद्ध शिकायत की और कुड़कुड़ाए। तौभी, परमेश्वर विश्वासयोग्य था। उसने जो प्रतिज्ञा की थी कि वह अब्राहम, इसहाक, और याकूब के वंशजों के लिए करेगा उसने वह किया। याँ तक कि परमेश्वर ले उनारा पीन खिन चमत्कारी रूप ले चट्टान भटे पानि निकालछय। लेकिन इन

एक और एक बखत जब उन लोगून का पास पिन खिन पानि नि छ्यो। परमेश्वर ले मूसा थै क्योछ, “चट्टान थै बात कर उहे पानि निकलोलो।” तब लेकिन मूसा ले बात नै करी। अपूना हातले जांठाले द्वी बार यो चट्टान मे मारछ्य। इसिकै उले परमेश्वरो को अपमान करछ्य। और सबुन का पिन पानि चट्टान भटे भ्यार निकलून लागछ्य। लेकिन परमेश्वर स मूसा देखभेरन रिश आगे। उले क्योछ, “ किलेकी तैले इसो करछ्य, येक कारण तै वादा देश में प्रवेश नी करूं पालै।”

जब इस्राएली लोग चालीस सालून तक जंगल में भटकूनै र्यान, तब जिनूनले परमेश्वरा खिलाफ पाप करिनाको छ्यो उन सब मर ग्या। तब परमेश्वर ले उन लोगून फिर भटे उ वादा का देश में बाड़ाका नजिक ली ग्यान। अब मूसा भोत बूढ़ो हो छ्यो, येक कारण परमेश्वर ले इस्राएलिन की अगुवाई करून में उकी मद्दत करून खिन यहोशु स चुनछै। परमेश्वरले मूसा थै यो वादा ले करिनाको छ्यो की एक दिन उ उन लोगून का पास मूसा जसो भविष्यवक्ता भेजोलो।

येक बाद मुसा लोगून छोड़िभेरन नबो नामका डॉण मे ग्यो। वां प्रभु परमेश्वरले मुसाथैं क्योछ, "पार उ देश छ:, जैस दिनाको वादा मैंले इब्राहीमका वंशज थै करि रॉखछ्यो। तै नै जा सकले, लेकिन मे तैंस यो देश दिखूंलो।" तब परमेश्वरले वां भटे मुसास पुर कनान देशेस दिखाछ, तब प्रभु कईनाका वचनका अनुसार मूसा वांई मरि ग्यो। मुसाका मरनाका बाद इस्रायलिनले उक खिन तीस दिन तलक शोक मनाछ। उक बाद यहोशू उनोरो नय्या अगुवा बन ग्यो। यहोशू एक निको अगुवा छ्यो किलेकी उले परमेश्वर में भरोश करछ्य और उनेरि बातून मानछै।