16. बचूनवालो

यहोशूक मरनाक बाद, इस्राएलीन ले परमेश्वराक हुकुमुन नै मान्यो और नै परमेश्वराक नियमून मानछ्य और न बचिनाक कनानाक लोगून भ्यार निकालछ्य। इस्राएलीन ले यहोवा जो सच्चो परमेश्वर छै उक जाग में, कनानाक देवतान की पूज करून शुरू करछ्य। इस्राएलीन को उ बखत कोई राजा नी छ्यो, येक कारण हर कोई उई करछ्यो जो उनून ठीक लागछयो।

किलैकी इस्राएली लगातार परमेश्वरोको अनादर करून मरैछ्या, येक कारण परमेश्वरोको कोप उनूनमें भड़कछ्य, और उनून दुशमनून का अधीन कर दीछ; और उन फिर अपून दुशमनून का अघिल नै ठहर सक्या। इन दुशमनून ले इस्राएली की सब चीजून लूट लीछ, और उनरि संपत्ति स नाश कर दीछ, और उनूनमें भटे भौतून मार ड़ालछ्य। कई सालून का बाद, इस्राएलीन ले पश्चाताप करछ्य औरपरमेश्वरथैं क्योछ, कि हमून बचौ।

तबले परमेश्वर उनून खिन धर्मी छै जो उनून लूटूनवालान का हाथ भटे बचूछ्यो। लेकिन फिर ले लोग परमेश्वर भूलभेरन पराया देवतान का पीछ जाभेरन उनरि पूजा करून लाग्यान। त परमेश्वरेले इस्राएलीन का दुशमनून में भटे मिद्यानि लोगून इस्राएलीन हरून खिन भेजछ्य।

परमेश्वरेले इस्राएलीन मिद्यानियों का वश में सात साल तलक राखछ्य। मिद्यानियों का डर का मारे इस्राएलीन ले पहाड़ून और गुफान, में रूंन लाग्यान, और उन परमेश्वराक सामुनि रून लाग्यान कि हमून बचौ।

एक दिन, एक इस्राएली आदिमी जैक नाम गिदोन छ्यो, उ ग्यूंन मिद्यानियों भटे लुकुन मरियोछ, उन लोग उथैं छड़ा नै सकून। यहोवा परमेश्वरोको दूत गिदोनाक पास आछ और क्योछ, “सर्वशक्तिमान यहोवा परमेश्वर त्यार दगाड़ छै, जो इस्राएलीन मिद्यानियों का हाथ भटे छुड़ालो।”

परमेश्वरेले गिदोनथैं उ वेदी स उधारून खिन क्योछ, गिदोन लोगून है डर मरेछ्यो, येक कारण उ रात हुनाक इंतजार करून मरैछ्यो, तब उले उ वेदी उधारी दीछ और ऊस चूर-चूर कर दीछ, और वाँ एक पहाड़ाक चोटी में अपूनि रीतिक अनुसार यहोवा परमेश्वर खिन एक वेदी बनाभेरन होमबली चढ़ाछ।

नगराक लोगून ले रात्तै उठभेरन कि देखछ्य; कि बाल देवता की वेदी खितीना कि छी, और उन भौत गुस्सा में छ्या। तब उन लोग गिदोनाक घर में ऊस मारून खिन ग्यान, लेकिन गिदोनाक बाबले क्योछ, “क्या तुम बाल देवता खिन वाद विवाद करला कि तुम ऊस बचाला।” अगर उ परमेश्वर होलो त खुद अपूनस बचालो, येक कारण उन लोगून ले गिदिनस नै मारियो।

तब मिद्यानी लोग इस्राएलीन लूटुन खिन फिर आयान, वाँ भौत लोग छ्या जिनून गिनी नी जा सकछ्यो, गिदोनले उन सब इस्राएलीन लड़ून खिन जाम करछ्य, परमेश्वरेले इस्राएलीन बचून खिन गिदोनोको इस्तमाल करून चाछ्यो, लेकिन गिदोन ले परमेश्वरथैं द्वी चिह्न मांग्यान।

पैलि गिदोन ले क्योछ, कि मैं भेड़ाक ऊँन स गाड़ में राखूँलो और अगर ओस केवल उ ऊँन में पड़ौ और पूरी जमीन सूखी हो। परमेश्वरेले इसो करछ्य, दुसरी बार उले क्योछ, केवल ऊँन ही सूखा हो, और पूरी जमीन में ओस पड़ौ, परमेश्वरेले यो ले करछ्य।

बत्तीस हजार इस्राएली गिदोनाक पास आयान, लेकिन परमेश्वरेले क्योछ, कि यो भौत ज्याद छन, तब गिदोन ले बाइस हज़ार लोगून वापस भेज दीछ, जो लड़ून है डर मरैछ्या, परमेश्वरेले गिदोन थैं क्योछ, “आजिले लोग ज्याद छन।” तब गिदोन ले तीन सौ सैनिकून छोड़ बाकि सबून घर खिन भेज दीछ।

उई रात परमेश्वरेले गिदोन थैं क्योछ,” कि तैं तलि मिद्यानियों का डेरा में जा और देख कि उन कि करून मरियान, उक बाद तैस जान में हिम्मत होलि; उई रात जब गिदोन मिद्यानियों का डेरा में आछ तब एक मिद्यानी सैनिक अपून दगाड़िया स अपून स्यून बतून मरैछ्यो, कि “यो स्यूनाक मतलब यो छै कि गिदोन की सेना मिद्यानियों की सेना स हरा देली, गिदोन ले परमेश्वर स दंडवत करछ्य।”

और गिदोनले इस्राएलीन की सेना स वापस करभेरन एकैक आदिमीक हाथ में एक नरसिंगा और खाली फूँलौ दीछ, और फूँलानक भीतर एक मशाल छी, जाँ मिद्यानी सैनिक पड़ीनाक छ्या, वाँ जाभेरन उनून घेर लीछ, गिदोनाक तीन सौ सैनिकूनक फूँलानक भीतर एक मशाल छी, जैक कारण मिद्यानी मशालो को उज्यालो देख नै सक्या।

तब गिदोनाक सबै तीन सौ सैनिकूनले एक दगाड़ अपून मटकानक तोड़छ्य, और अचानक मशालून है आगो निकलून लागछ्य, और मशाल अपने बौ हाथ में और दैन हाथ में फूँखून खिन नरसिंगा लीभेरन चिल्ला उठ्यान, “यहोवा परमेश्वरे की तलवार और गिदोन की तलवार।”

परमेश्वरेले मिद्यानियों हक्का-बक्का कर दीछ, और उनूनले एक दूसार में हमला करून और मारून शुरू कर दीछ। और उनूले बाकि इस्राएलीन ले घरून है बुला लीछ ताकि मिद्यानियों को ताड़ा पड़ सकून। उनूनले भौतून मार डालछ्य, और बाकि बचिना लोगून इस्राएल भटे खदेड़ डालछ्य। उस दिन बारह हज़ार मिद्यानियोंन मार डालछ्य। परमेश्वरेले इस्राएल स बचा लीछ।

तब इस्राएलाक आदमीन ले गिदोनथैं क्योछ, कि तैं हमोरो राज बन जा। गिदोन ले उनूनथैं क्योछ, मैं तुमोरो राज नी बनूलो, लेकिन मैं तुमूनथैं कुछ माँगता छूँ, कि तुम मैंस अपून सुन की बालि, जो तुमूले मिद्यानियोंन थैं से लीईनाक छन। लोगून ले गिदोन भौत सुन दीछ।

तब गिदोन ले उ सुनले एक खास कापाड़ा बनवायान जो मिद्यानियों को राजा पैनछ्यो। लेकिन लोगून ले उकी पूज लरून शुरू कर दीछ, जसकै कि कोई करना मूर्ति छै।

तब परमेश्वरेले इस्राएलीन फिर सजा दीछ, किलैकी उनूनले मूर्ति की उपासना करीना की छी। परमेश्वरेले फिर उनार दुशमनून उनून हरून खिन भेजछ्य। उनूनले फिर परमेश्वरथैं एक बार सहायता माँगछ्य और परमेश्वरेले एक और छुड़ून वालो उनून खिन भेजछ्य। इसो कई बार भ्योछ, और इस्राएली फिर पाप करछ्या, परमेश्वर उनून सजा दीछ्यो, और फिर उन पश्चाताप करछ्या, और फिर परमेश्वर उनून बचून खिन एक उद्धारक भेजछ्यो, कई सालून परमेश्वरेले भौत छुड़ून वालान भेजछ्य जिनूनले इस्राएलीन दुशमनुन का हाथ है बचाछ।

और लोगून ले परमेश्वर थैं क्योछ कि उनून ले सब देशून की नियाति एक राजा चैछो। उनून एक इसो राज चैछ्यो, जो कि लम्बो और ताकतवर हो और लड़ाई में उनून सही बाटो दिखा सको। परमेश्वर स उनरि यो प्रार्थना स्वीकार नी छी, लेकिन फिर ले परमेश्वरेले उनून उस्सोई राजा दीछ जसो उन माँगून मरैछ्या।