21. परमेश्वर मसीहक वादा करछो

जब परमेश्वर ले संसार बनाछ, उ जाणछ्यो कि ऊस बाद में यो संसार में मसीह स भेजून होलो। परमेश्वरले आदम और हव्वा थैं वादा करछ्य कि उ इसो करोलो। उले हव्वा थैं क्योछ कि त्यार वंशज में एक इसो जन जन्म ल्योलो जो स्यापा का ख्वारा स कुचलोलो। जो स्याप ले हव्वा स ध्वाक दीछ उ शैतान छ्यो। परमेश्वरोको कुनाको मतलब यो छ्यो कि मसीह पूर तरीका ले शैतान स हरा द्योलो।

परमेश्वर ले अब्राहम थैं वादा करीना को छ्यो कि उक द्वारा संसारा का सब जाति आशीष पाला। परमेश्वर बाद में मसीह स भेजना का द्वारा यो वादा स पूरो करोलो। मसीह संसारा का सब लोगून उनार पाप है छुड़ालो।

परमेश्वरेले मूसा थैं वादा करीनाको छ्यो कि भविष्य में उ मूसा को जसो एक भविष्यद्वक्ता स भेजोलो। यो भविष्यद्वक्ता मसीह होलो। इसकैं परमेश्वरेले फिर वादा करछ्य कि उ मसीह स भेजोलो।

परमेश्वरेले राजा दाऊद थैं वादा करछ्य कि उक वंश में मसीह पैद होलो। और एक उ राजा होलो और परमेश्वरा का लोगून में हमेशा खिन राज करोलो।

परमेश्वरेले यिर्मयाह भविष्यद्वक्ता थैं बात करछ्य और क्योछ, मैं एक नई वाचा बाँदलो। उ नय्या वाचा इस्राएला का दगाड़ सीनै पहाड़ में बाँदीना पुरानी वाचा की जसी नी होली। जब उ लोगून का दगाड़ अपूनी नय्या वाचा स बाँदोलो, त उ अपूनास हरेक जन प्रकट करोलो। और हरेक जन ऊस प्रेम करोलो और उक नियमून को पालन कराला। परमेश्वरेले क्योछ यो इसो होलो नियम उनार दिलून में लिख दीन जसो होलो। उन उक लोग होंलो, और परमेश्वर उनार पापून माफ करोलो। उ मसीह होलो जो उनार दगाड़ उ नय्या वाचा स बाँदोलो।

परमेश्वरा का भविष्यद्वक्तान ले यो ले क्योछ कि मसीह एक भविष्यद्वक्ता होलो। भविष्यद्वक्ता उ हुछो जो परमेश्वरा का बचनून सुणछो और फिर लोगून में परमेश्वरा का संदेशून की घोषणा करछो। जैस भेजना को परमेश्वरेले वादा करीना को छ्यो उ मसीह एक सिद्ध भविष्यद्वक्ता होलो। मतकब उ मसीह परमेश्वरा का संदेशून निकीकै सुणोलो, और उ लोगून उन संदेशून निकीकै सिखालो।

इस्राएली याजकून ले लोगून खिन परमेश्वरा का अघिल बलिदान चढ़ून जारी राखछ्य। परमेश्वर द्वारा दी जानवाला दंड है बचून खिन यो बलिदान लोगून का पापून खिन जो उनूनले करिनाका छ्या उहै बचून खिन चढ़ूछ्या। याजकून ले लोगून खिन प्रार्थना ले करछ्य। लेकिन मसीह सिद्ध महायाजक होलो जो परमेश्वरे स दीन खिन एक सिद्ध बलि का रूप में अपूनास चढ़ा द्योलो। मतलब उ कभै पाप नी कर, और जब उ अपूनास बलि हुन खिन द्योलो, त संसार में और कोई दुसरी बलि जरूरत नी होलि।

लोगून में राजा और प्रधान राज करनान, और कभै-कभै उन गलती करनान। राजा दाऊद ले केवल इस्राएलीन में राज करछ्य, लेकिन राजा दाऊदो को वंशज मसीह पूर संसार में राज करोलो, और उ हमेशा खिन राज करोलो। इसके अलावा, और उ हमेशा न्यायपूर्ण तरीका ले राज करोलो, और सही फैसला ल्योलो।

परमेश्वरा का भविष्यद्वक्तान ले मसीहक बारिमें भौतसा बात कयान। उदाहरण खिन, मलाकी भविष्यद्वक्ता ले क्योछ कि मसीहक उनहै पैलि एक भविष्यद्वक्ता आलो। उ भविष्यद्वक्ता भौत खास होलो। येक अलावा, यशायाह भविष्यद्वक्ता ले क्योछ कि मसीह एक कुँआरी भटे जन्म ल्योलो। और मीका भविष्यद्वक्ता ले क्योछ कि मसीह बैतलहम नगर में जन्म ल्योलो।

यशायाह भविष्यद्वक्ता ले क्योछ कि मसीह गलील क्षेत्र में रौलो। जो लोग भौत दुःखी छन मसीह उनून शान्ति द्योलो। उ कैदीन ले आजाद करोलो। मसीह बीमारून और जो सुण नै सकना, और देख नै सकना, बोल नै सकना, या हिट नै सकना उनूनले चंगो करोलो।

यशायाह भविष्यद्वक्ता ले यो ले क्योछ कि लोग मसीह खिन नफरत कराला और ऊस अपनूनहै इंकार कर द्याला। और दुसार भविष्यद्वक्तानले लै क्योछ कि मसीह का एक दगड़िया उक विरोद में उठोलो। जकर्याह भविष्यद्वक्ता ले क्योछ कि उको यो दगड़िया इसो करून खिन दूसार लोगूनथैं चाँदी का तीस सिक्का ल्योलो। येक अलावा, कुछ भविष्यद्वक्तान ले क्योछ कि लोग मसीह स मार डालाल, और उन उक कपड़ान खिन पर्ची डालाल।

भविष्यद्वक्तान ले यो ले बताछ कि मसीह कसकै मरोलो। यशायाह ले भविष्यद्वाणी करछ्य कि लोग मसीह में थूकाला, उकि मजाक उड़ाला, और उस पीटाला। उन ऊस छेदाला और ऊस भौत तखलीफ और यातना द्याला और उ मर जालो, जबकि उले केले गलत नी करीना को छ्यो।

भविष्यद्वक्तान ले यो बताछ कि मसीह में कुछ ले पाप नी होलो। उ सिद्ध होलो। लेकिन उ येक कारण मरोलो परमेश्वर ऊस संसारा का लोगून का पापा का कारण दंड द्योलो। उक मरना ले लोगून को परमेश्वरा का दगाड़ मेल हो पालो। येक कारण परमेश्वर चाछो कि मसीह मरो।

भविष्यद्वक्तान ले यो ले बताछ कि परमेश्वर मसीह स मर्दान में भटे ज्यूनो यो सब बात दर्शूनान कि यो नय्या वाचा स बाँदना की परमेश्वरे की योजना छी, ताकि उ उन लोगून बचा सकौ जिनूनले उक खिलाफ पाप करीना को छ्यो।

परमेश्वरे ले भविष्यद्वक्तान में मसीहक बारिमें भौतसा बातून प्रकट करछ्य, लेकिन मसीह उन भविष्यद्वक्तान में भटे केका ले जीवनकाल में नी आयो। इन भविष्यद्वाणी का करीना का चार साल बाद, सही समय में, परमेश्वरेले मसीह स यो संसार में भेजछ्य।