23. यीशु को जन्म

यूसुफ नामाका एक धर्मी आदिमी का दगाड़ मरियम की माँग-जाँगी हो चुक गैछी। जब उले सुणछ्य कि मरियम गर्भवती छै त उ जाणछ्यो कि उ बच्चा उको नाहातिन। लेकिन उ मरियम को बदनाम नी करून चाछ्यो, येक कारण ऊस चुपचाप छोड़ना को सोचछ्य। लेकिन येहै पैलि कि उ इसो करूनो, एक स्वर्गदूते ले उक सूयून में आभेरन उक दगाड़ बात करछ्य।

उ स्वर्गदूते ले यूसुफ थैं क्योछ क, "मरियम स अपूनी घरवाली बनूहै जन डर। उक पेट में जो बच्चा छै उ पवित्र आत्मा का तरफ भटे छै। उ एक च्याला स जन्म देली। तै उको नाम यीशु राखै (जैको मतलब छै, 'परमेश्वर बचूछो'), क्याखिनकि उ लोगून उनार पापून भटे बचालो।"

यूसुफ ले मरियमा का दगाड़ ब्या करछ्य और ऊस अपून घर लीआछ, लेकिन उ मरियमा का बच्चा पैद हुन तक उक दगाड़ नै पड़्यो।

जब मरियमो को बच्चा स जन्म दीना को बखत नजिक छ्यो, त यूसुफ और मरियम एक लम्बो सफर करभेरन बैतलहम में ग्यान। उनून वाँ जानोई छ्यो क्याखिनकि रोमी अधिकारीन इस्राएल में रूनवाला सबै लोगून की गिनती करून चाँछ्या। उन चाँछ्या कि सबै लोग वाँ जून जाँ उनार पूर्वज रूछ्या। राजा दाऊद को जन्म बैतलहम में होईना को छ्यो, और उ मरियम और यूसुफ द्वीन को पूर्वज छ्यो।

मरियम और यूसुफ बैतलहम ग्यान, लेकिन वाँ उनून जानवरून का रूनवाला जागा का अलावा और कोई जागा नै मिली। उई जागा में मरियम ने अपूना बच्चा स जन्म दीछ। उले ऊस चरनी में राखछ्य क्याखिनकि वाँ उखिन कोई बीछान नी छ्यो। उनूनले उको नाम यीशु राखछ्य।

उई रात, वाँ है कुछ दूर में कुछ भेड़-बाकारा चरूनवाला अपूना भेड़-बाकारान की देख-रेख करून मरेछ्या। त अचानक एक स्वर्गदूत उनार सामुनी प्रकट भ्योछ, और उन डर ग्या। उ स्वर्गदूते ले क्योछ, "जन डरो, क्याखिनकि म्यारा पास तुमूनखिन एक खुशखबरी छै। बैतलहम में मसीह को जन्म होर्योछ!"

जाभेरन उ बच्चा की खोज करा, और तुम ऊस कपाड़ में लपेटीना को और चरनी में राखीना को पाला।" और अचानक आकाश में भौत स्वर्गदूत परमेश्वर की स्तुति करून लागनान। और उन कुंन मरेछ्या, "सारी महिमा स्वर्ग में विराजमान परमेश्वर स मिलो। पृथ्वी में उन लोगून में शान्ति हो जिनरी उ चिन्ता करछो!"

तब स्वर्गदूत वाँ है न्हैग्या। और उन ग्वाला ले अपूना भेड़ून छोड़भेरन उ बच्चास देखुन खिन जानान। और ज्लदी ही उन उ जागा में पुजनान जाँ यीशु छ्यो और उनूनले ऊस चरनी में राखीना को देखछ्य, जसो कि उ स्वर्गदूते ले कईना को छ्यो। और जसो ग्वालान थैं कईनाको छ्यो, उसोई सुण और देखभेरन भौत खुश भ्यान। और परमेश्वर स्तुति करनै-करनै वापस न्हैजानान।

पूर्व में दूर एक देश में कुछ बुद्धिमान छ्या। उनूनले तारान को अध्ययन करीना को छ्यो, उनूनले एक तारा स आकाश में देखछ्य। उनूनले क्योछ कि येको मतलब यो छै कि यहूदीन को एक नय्या राजा को जन्म होर्योछ। येक कारण उनूनले उ बच्चास देखून खिन अपून देश भटे सफर करना को फैसला करछ्य। एक लम्बी यात्रा का बाद, उन बैतलहम आयान और उ घर स पाया जाँ यीशु और उकी ईजा-बाब रूकीना काछ्या।

जब इन आदमीन ले यीशु स अपूनी ईजा का दगाड़ देखछ्य त उनूनले घुणा टेकभेरन उकी आराधना करछ्य। उनूनले यीशु स कीमती उपहार दीयान। फिर उन अपून घर वापस लौट जानान।