25. शैतान यीशु की परीक्षा करछो

यीशु का बपतिस्मा लीना का तुरन्त बाद, पवित्र आत्मा ऊस जंगल में लीग्यो। यीशु वाँ चालीस दिन और चालीस रात तक उपवास में र्योछ। और शैतान ले यीशु का पास आभेरन पाप करून खिन उकी परीक्षा करछ्य।

पैलि शैतान ले यीशु थैं क्योछ, "अगर तै परमेश्वरोको च्योलो छै इन ढ़ूगान रोटो बाना दे ताकि तै ऊस खा सको!"

लेकिन यीशु ले शैतानथैं क्योछ, "परमेश्वरा का वचन में यो ले लिखीना को छै, 'ज्यून रून खिन आदिमी स केवल रोटा की जरूरत नाहातिन, लेकिन हर उ बात जो परमेश्वरे ले कै राख्यान।'"

तब शैतान यीशु स मंदिरा का सबून है ऊँचा जागा में लीजाछो। और उथैं कुछो, " अगर तै परमेश्वरोको च्योलो छै त याँ भटे तलि फटंग हाड़ क्याखिन कि लिखीना को छै, 'परमेश्वर तैस बचून खिन अपून स्वर्गदूतून हुकुम द्योलो कि त्यारा खुटान में ढ़ूगाले ठेस नै लागौ।'"

लेकिन यीशु ले उ नै कर्यो जो शैतान ले उथैं करून खिन क्योछ। बल्कि उले क्योछ, "परमेश्वर हरेक थैं कुछो, 'तै प्रभु अपून परमेश्वरे की परीक्षा जन कर्या।'"

फिर शैताने ले ऊस संसारो को पूरो राज्य दिखाछ। और यीशुथें क्योछ, "मैं तैस यो सब द्यूलो अगर तै घुणा टेकभेरन मेरी भक्ति कर।"

यीशु ले जवाब दीछ, "हे शैतान, म्यारा सामुनि है न्हैजा! परमेश्वरो को वचन लोगून यो हुकुम, 'केवल अपून प्रभु परमेश्वर की आराधना कर। परमेश्वरा का रूप में केवल उकोई आदर कर।'"

यीशु ले शैतान की परीक्षा भटे हार नै मानी, येक कारण शैतान उक सामुनि भटे न्हैग्यो। तब स्वर्गदूत आभेरन यीशु की सेवाटहल करून लाग्यान।