1. सृष्टि

उ लेखेाुरुः ते पोनोमोसोर शोब जिनिष ते बायाः। आडिः टिबरु दिनू ते दुनिया ओडोः होते सोब जिनिष आईञ होजे बायोः। पोनोमोसोर दुनिया ते बायना लाःखोः होकड़ ञलोःग ओःडोः तोमोंःग आओःखोः,तामजो ले पोनोमोसोर हाते ई जिनिष ते उम बायसिःखो। मुदा पोनोमोसोर आः जियोम डाः ते बुलिना लाःखोः।

ओडोऽ पोनोमोसोर गामोऽ “पातार होईऽगोडना”ओडोऽ पाऽतार होई गोडकि। पोनोमोसोर योयोऽ नोः पातार बेस आईञ ओडोऽ होजे “तुनबोः” गामोः। ओड़ोऽ आडि होजे ञलोःग तय छीनगायोंः रो होजे “इड़िब” गोमोः। पोनोमोसोर उ जगत ते बाईन सेंग शुरु दिनू पातार ते बायोऽ।

जगत ते बायनाः याः उबार दिनू ते पोनोमोसोर गामोः,“डाआः तोबलुगते मो´ होड़ोमगा होईगुडु। ओडोऽ होड़ोमगा होई गोडकि। पोनोमोसोर को होजे होडोमग होईगोडकि होजे “तोबलुगः” गामो।

उःफे दिनू ते पोनोमोसोर गामोः,“डाःआ मोईञ ठाड़ो ते ठुरेगोडना ओडो कोसोर उसलोः ञोः गुडुः।“ आडि कोसोर उसलो ते “धरती” गामो ओडो डाःआः ते “सोमुदर” गामो। पोनोमोसोर योःयोः नो आडि जे बायसिःखो होकड़ बेस आईञ।

ओडोऽ पोनोमोसोर गामोः,“धरती सोब लेखे दारु ओडोऽ बुदा ओप पोठे।” ओडोऽ उघायागा होईञ गोडकी। पोनोमोसोर योःयोः नो आडि जे बायसिःखो होकड़ बेस आईञ।

ईफोन दिनू ते पोनोमोसोर गामो,“ तोबलुगते ते पातार होई गुडुः।” ओड़ोऽ बेडो,लेरान्गा ओडोऽ तेरगान की योकि मोय। पोनोमोसोर होकिते धरती ते पातार तरेना बोग ओडोऽ इढीब,मौसमों ओडो मेमोन कोंगना थोंग बायोऽ। पोनोमोसोर योःयोः नो आडि जे बायसिःखो होकड़ बेस आईञ।

मोलोञ दिनू ते पोनोमोसोर गामो,“बोरोल पोश की डाःआ ते भोरे गुडुकि ओडोऽ तोबलुंःग आकाश ते कोनथेडेकि लेन्ग गुुडुकि।”उः खो लेखन आडि डाः ते पैरेन या सोब पोश किते ओडोऽ सोब कोनथेडेकिते बायो। पोनोमोसोर योःयोः नो उकड़ बेस आईञ ओडोऽ होकिते आशीष तेरो।

टिबरु दिनू ते पोनोमोसोर गामो,“ उसलो ते सोब किसिमआः डँागेइर होइगुडु।”ओडोऽ पोनोमोसोर या गाम गाम लेखे होईगोडकि। थोरेक डँागेइर बुईबुई औःखो,थोरेक उसलो ते रेंगेने औःखो,ओडोऽ थोरेक किनिर डँागेइर औःखो। ओडोऽ पोनोमोसोर योःयोः नो उकड़ बेस आईञ।

ओडोऽ पोनोमोसोर गामो,“आनापे ईन्जर लेबु ते अपन लेखे ओडाऽ आनिञा बाराबाईर ते बाएंनिग। होकि धरती ते ओडोऽ सोब डँागेइर ते प्रभुता करएकि।“

उघायगा पोनोमोसर लोःखाः डोडःकोन आडि लेबुते बायोः ओडोः आडियाते जीयोम या साँस हुमपेरों। उ लेबु या ञिमि आदम औःखो।पोनोमोसोर आदम या आवनाथोग मोनञ बारी ते बायोः ओडो होकड़ योना कोन्ड़ना थोम आदम ते होते उःनो।

हो बारी या बीच ते पोनोमोसोर उबर विषेा दारु ते उनोः -जीयोम या दारु ओडो बेस ओडा आनेइस रो आकिलया या दारु। पोनोमोसोर आदम ते गामो नो हो बारी या जीयोम या दारु ओडो बेस ओडा आनेइस रो आकिलया या दारु ते मेलय कोन होड़ोम जहाँगा दारुआ लुकु ´ोना पालतेम। मुदा होकड़ हो दारु या लुकु ते ´ोनाः लाः होकड गोज गोडना।

ओडो पोनोमोसोर गामों,“लेबुया थोम एकला अवना बेस उम्बोडिज”। लाः अताः डँागेइर आदम या सान्गो ते उमा होइना पालोहः।

उवाथोम पोनोमोसोर आदम ते लेमेःड बुन्ग लोइथ कराएगोठोः। रो पोनोमोसोर आदमया मो´ हाड़ ओ´कोन होकड़ बुग मो´ः कोनसेलडुऽ बायो रो होकड ते आदमय बोःतें ओलो।

लाआः आदम होकड ते योयो रो होकड ते गामो,“जान्घाय गा उकड़को इ´ लेखे गा आ´! उकड़ “कोनसेलडुऽ” गामडोमना,उवाथोग उकड़ लेबुतस बोनेसी।” होवाचाडोन्ग गा लेबू आडिःया आयो आबते मेलाय गोडते ओडाऽ आडिःया सौड.यडोम बुग मो´ होइगोडता।

पेनोमोसोर लेबु ओडोऽ कोनसोलडुऽ ते आडिया लेःखे बायोः। आडि हाकिते आषिा तेऽरो ओडोऽ होकि ते गामोऽ,“ जुघायग कुडुः ओडोऽ पोतापोती होई गुडुकी ओडोऽ धरती ते भोःरे गोडेपे!“ ओडोऽ पोनोमोसोर योयोऽ जहाँगाऽ आडिऽ बायसिखो होकड़ मुरुक बेस आ´ ओडोऽ होकि बुग मुरुक लेरेकि। उ सोब जिनिश बोनेना टिबरु दिनू होइकी।

होघायगा थाम दिनू ते डेलकी लाः जे जो पोनोमोसोर कारायना लाःखो हो सोउब कामुते आखरी कारायोः। आडि थाम दिनू ते आषीश तेरो रो पवित्र उनगोठोः, होवाथोग उ दिनू ते सोब जिनिशते बायना ओब बोःनेगोठसिखो। उघायगा पोनोमोसोर धरती या होते जे सोब आ´ बायोः।