34. ૩૪. ઈસુ બીજી કથાઓ શિખવાડે છે.

ઈસુએ તેમને સ્વર્ગના રજવાડા વિશે કેટલાક કથાનકો કીધા. દાખલા તરીકે, “સ્વર્ગનું રજવાડુ રાઈના એક દાણા સરીખું સે. કોઈ માણહે ઇ દાણો લઈને પોતાની વાડીમાં વાયવો. તમને ખબર સે કે, રાઈનો દાણો હંધાય બી કરતા ઝીણો હોય છે.”

“પણ જ્યારે રાઈનો છોડ વધે સે, તો ઇ વાડીના છોડોવાંઓમાં સૌથી મોટો છોડવો બની જાય છે. એટલો મોટો કે, પંખીઓ આવીને એની ડાળીએ બેહે સે.”

ઈસુએ બીજી કથા કહેતા કીધું કે, “સ્વર્ગનું રજવાડુ એક એવા ખમીર સરીખું સે કે જેને કોઈ બાઈએ રોટલીના થોડાક જ લોટમાં ભેળવી દીધું અને ઇ હંધાય લોટમાં સમૂળગું ભેળવાય ગ્યું.

સ્વર્ગનું રજવાડુ એક એવા ખજાના સરીખું સે કે, જેને કોઇ માણહે ઇ ખજાનો મેળવ્યો અને એને પોતાની વાડીમાં સંતાડી દીધો. ઇ ખજાનો કોઈ બીજા માણસને લાધ્યો અને એણે ઇ ફરીથી દાટી દીધો. હરખની હેલી ઇને એવી ચડી કે, એની કને જે કાંઈ હતું ઇ હંધુય એણે વેચી માર્યું અને પછી ઇ ધનથી એણે ઇ વાડી જ વેચાતી લઇ લીધી.”

“ઈશ્વરનું રજવાડુ અમૂલ્ય ઉત્તમો-ઉત્તમ મોતીડા સરીખું સે. જયારે કોઈ વેપારીને એ મોતિડું લાધ્યું ત્યારે એને મૂલવવા હાટુ ઇ વેપારીએ જઈને એનુ હંધુય વેચી માર્યું

એ પછી ઈસુએ, જેઓ પોતાના હાથે કરેલાં સત્કાર્યોને ભરોહે જીવતા હતા અને બીજા લોકોને નબળા માનીને તુચ્છાકારતા હતા એવા કેટલાક લોકોને આ કથાનક હંભળાવતા એમણે કીધુ કે, “બે જણ મંદિરમાં પ્રાર્થના-અર્ચના કરવા ગ્યા. એમાંથી એક કર-વેરો ઉઘરાવનારો, અને બીજો એક ધાર્મિક પુરોહિત હતો.”

“ધાર્મિક પુરોહિત આ પ્રમાણે પ્રાર્થના કરતા બોલ્યો કે, ‘હે ઈશ્વર તમારો જય હો, કે હું બીજા લોકોના જેવો નથ અને આ કર ઉઘરાવનારાના જેવો પાપી - લુંટારો, અન્યાયી, વ્યભિચારી અને લંપટ નથ.

પણ, હું અઠવાડિયામાં બે વાર ઉપવાહ કરું સુ અને મારી માલ-મિલકતના નફામાંથી દહ ટકા દાન કરું સુ.

ઑલો કરવેરો ઉઘરાવનાર માણહ પુરોહિતથી થોડેક આઘે ઊભો રહ્યો હતો, એણે આંખ ઉઠાવીને આકાશ ઉપર નજર ન કરતા પોતાની હાથની મુઠ્ઠીઓ વાળીને છાતી ફૂટીને પ્રાર્થના કરતા કીધુ કે, ‘ હે ઈશ્વર, મારા પર કૃપા કરો. મારા પર દયા કરો કારણ કે હું તો હાલ પાપી સુ.”

ી ઈસુએ કીધુ કે, “હું તમને કહું સુ કે, ઈશ્વરે ઑલા કરવેરો ઉઘરાવનારની પ્રાર્થના હાંભળી અને એને ન્યાયી ઠરાવ્યો.. ઓલ્યા ધાર્મિક પુરોહિતની પ્રાર્થના ઈશ્વરને મન સારી ના લાગી. કારણ કે ઇ ઘમંડીની પ્રાર્થના હતી. જે ઘમંડી સે એવા હરેકને ઈશ્વર નમ્ર (નરમ) કરહે અને જી કોઈ પોતાને નીચો કરે છે ઇને ઈશ્વર ઉચો ઠેરાવશે.”