16. १६. छुटकरा याछको
यहोसु, इस्राएलीको अनाग्याकारी छाना अनी बाँकी लेच कनानीकोलाक न होटै खेड्डीया न त परमेसोरौ आग्या न मन्डीया। इस्राएलीकै याहोवे, काट न साँचो परमेसोरकी पुजडीकीयो साटो कनानी देवकोलाक पुजडीकी ठाला। इस्राएलीकुङ राजा न मालेया, होटबाटै पट्टये लहाकी जे ठिक लग्डीस्ले, होसे न जाटा।
परमेसोरकी अटेर जाट्न न ङुचबाटै सत्रुकोलाक इस्राएलीको मीटाक बिजय याहार दण्ड याहा। इसे सत्रुकै इस्राएलीकुङ समानको खुस्न याहा, होखुरीकुङ सम्पतिको नास पार्न याहा र वास्टैकी साटा। वास्टै वर्षसम्म परमेसोरौ कुराङ अनाग्याकारी छान्चबाटै र शत्रुको लकीङ थिचोमिचोवाङ पर्चबाटै, इस्राएलीकै पश्चताप जाटा र छुटकरौ लागी परमेसोरकी प्रार्थना जाटा।
अनि परमेसोरै होखुरीकुङ लागी काट जना छुटकरा याछ भर्मी याम्हका, सुये होखुरीककी सत्रुलकीङ जीवाकाका र देसाङ शान्ति राका। तर भर्मीकै परमेसोरकी म्याका र मुर्तिकोलाक पुजा जाट्की सुरु जाटा। होटबाटै परमेसोरै मीढ्यानीकोलाक (खेरेप ङुच काट जाति होखुरीक इस्राएलीकुङ सत्रु लेया) होखुरीकमीटाक बीजय छान्की याहा।
सात बर्षसम्म मीद्यानीकै इस्राएलीकुङ पट्ट न अन्नबाली आल्हा। इस्राएलीको इडीक बीर्हीया कि मिध्यानीकै लाहाकी माडुप्ख्यो डेयार होखुरीक गुफाकोवाङ आर्चुम्हन्या। अन्तिमाङ होखुरीकै जीवाटाक्नी डेयार परमेसोरकी पुकारीया।
कायाक, गिदोन म्यार्मीन जाट्च इस्राएलुङ काट जना भर्मी आर्चुवार अन्न डुङ्ङन लेया हीजैडेनाङ मिद्यानीको राहार अन्न खुसार माआल्ख्यो डेयार। होस न बेला याहोवे काट डुत गिडोनलेटाङ राहार डेया, “परमेसोर नाङखाटा ले, वीर योद्धा। नुङ्ना र इस्राएलीकोलाक मिद्यानीको लकीङ जावाक्नी।”
गिदोनौ बोइलेटाङ मुर्तिकी अर्पण जाट्न खास्च काट वेदी लेया। परमेसोरै गीदोनकी होसे मुर्तिकी भत्कडीकी लैडीया। तर गिदोन भर्मीको खाटा बिर्हीया, होटबाटै नाबीक माछान्ठर होचे लेन्न ङुवा। अनी होसे वेदियो खेरेपीङ परमेसोरौ लागी काट नयाँ वेदि खासा र परमेसोरौ लागी बलि याहा।
अर्को दिन गोराक कुचे होखुरीकुङ बेदि भत्कडीम याछ भर्मीकै डाङा र होखुरीक साफ्फी मीरीस ख्योहा। गिदोनकी साट्की डेम होखुरीक होच्यो इमाङ नुङा, तर होच्यो बोये होखुरीककी डेया, “नाखुरीक हीजै लहो देवताकी सहयोग जाट्की पाले? इडीक होसे देवता हो डेनाङ, होचे लाहाकी न जीवाक्ख्यो
होटै मीद्यानीको फेरी इस्राएलीकोलाक लुट्डीकी राहा। होखुरीक इडीक वास्टै लेया की होखुरीककी हील्की र साढ्य मालेया। होखुरीकखाटा लडाइ जाट्कीयो लागी गिदोनै इस्राएलीकोलाक काठोवाङ भेला जाटा। गोदोनै परमेसोरखाटा दुइ वटा चिन्हको ङेहा हिजैडेनाङ इस्राएलीकोलाक जीवाटाक्कीयो लागी परमेसोरै होसकी क्योट्च हो डेम होसे निस्चित छान्की ह्योक्ख्यो।
पहिलो चिन्हौ लागी, काट बढीन झाङ टाङा र परमेसोरकी गोराकुङ सित झाङ माछान्न न बढीनाङ मट्टै पर्ख्यो डेम अनुरोध जाटा। परमेसोरै होट न जाट्न याहा। अर्को पटक चाहीँ होचे झाङ झिम्हाक्ङ याखी र बढीनकी चहीँ सुख्खा खास्न याखी परमेसोरकी अनुरोढ जाटा। परमेसोरै होसे जाट्न याहा। इसे नीस चीन्हकै गीदोनकी मीद्यानीको लकीङ इस्राएलीको लकीङ जीवाक्की डेम परमेसोरै न होसकी क्योट्च हो डेम बीस्वास्त जाटाका।
३२,००० इस्राएली सैनीकको गीदोनलेठाङ राहा, तर परमेसोरै होसकी इसे सङ्ख्या अति वास्टै छाना डेया। होटबाटै गीदोनै लडाइ जाट्की बीर्हीछ २२,००० जनाकी इमाङ बीर्हन्हका। परमेसोरै गिदोनकी भर्मीको अझै वास्टै छाना डेया। होटबाटै गिदोनै ३०० सैनिककोलाक बाहेक बाँकी पट्टकी इमाङ बिर्न्हका।
होसे नाबीक परमेसोरै गिदोनकी डेया, “मिद्यानीकुङ पालाङ नुङ्ना र जब नीये होखुरीकै डेच कुरा सेले, नाङ फेरी माबीर्हीले।” होटबाटै होसे नाबीक गिदोन म्हाका पालाङ झाला अनी काट जना मिद्यानी सैनीकै लहो लाफाकी सपनाङ डाङ्च हीर कुराको डेचै जाट्च सेया। होसे भर्मीये इट डेमन लेया, “इसे सपनौ अर्थ हो, गिदोनौ फौजै मिद्यानी फौजकी परास्त जाट्ले।
होटै गिदोन लहो सैनिकको लेठाङ ल्हेसा र पट्ट न की काट काट वटा तुरही, झौ गाग्री र राँको याहा। होखुरीकै मिद्यानीकोलाक मीस्न ङुच ठाउकी घेरा का। गीदोनौ ३०० भर्मीकै लहो राँकोको गाग्री भीट्री डामन्या हीजैडेनाङ मिद्यानीकै ट्याङ्छ डाङ्की माय्होक्ख्यो डेम।
अनी गोदोनौ पट्ट न सैनिककै काट न खेप राँको टान्हाङ्कचै लहो गाग्रीको भाटाका। होखुरीकै लहो तुरहीको म्हुटा र च्याका, “याहोवे र गोदोनौ लागी तरवार
परमेसोरै मिद्यानीकोलाक अन्योलाङ पार्न याहा, होटबाटै होखुरीकै आक्रमण जाट्की ठाला र काटै काटकी साट्की ठाला। तुरुन्तै अरु इस्राएलीकोलाक इमको लकीङ मिद्यानीकोलाक खेड्डीकी आर्घा। होखुरीकै वास्टैकी साटा र बाँकी लेचकोलाक इस्राएलीकुङ भुमीलकीङ बाहिर खेड्डीया। होसे न दिन १,२०,००० मिद्यानीकोलाक साटा। इस्राएलीकोलाक परमेसोरै जीवाटाका।
भर्मीकै गिदोनकी होखुरीकै राजा खास्की मीमन जाट्नन्या। गिदोनै होखुरीककी होट जाट्की मायाहा, तर होखुरीकै मिद्यानीको लकीङ लाच सुनौ औठीको ङेहा। भर्मीकै गीदोनकी वास्टै सुन याहा।
अनी गोदोनै होसे सुनकी प्रधान पुजाहारीये बुच लेखान काट बिसेस वस्त्र खास्कीयो लागी प्रयोग जाटा। तर भर्मीकै होसकी पुजा जाट्की ठाला मानौ होसे काट मुर्ति नै हो। होटबाटै परमेसोरै फेरी इस्राएलकी दण्डयाहा हीजैडेनाङ होखुरीकै मुर्तिकी पुजा जाटा। परमेसोरै होखुरीकूङ सत्रुकोलाक होखुरीक मीटाक बीजय छान्की याहा। आखिरीयाङ होखुरीकै परमेसोरकी सहायतौ लागी पुकारीया, अनी परमेसोरै होखुरीककी अर्को काट जना छुटकरा याछ भर्मी बिर्न्हका।
याङ्च खालुङ खाका वास्टै खेप दोर्होरीया इस्राएलीकै पाप जाट्नन्या, परमेसोरै होखुरीककी दन्ड याम्हन्या, होखुरीकै पस्चताप जाट्नन्या र परमेसोरै होखुरीकुङ लागी छुटकरा याछ भर्मीको बीर्न्हकामन्या। वास्टै वर्षओ अन्तरालाङ, परमेसोरै वास्टै छुटकरा याछको बिर्न्हका होचे इस्राएलीकोलाक होखुरीकुङ सत्रुकोलकीङ जीवाका।
अन्तिमाङ भर्मीकै अरु रास्ट्राङ लेखान परमेसोरखाटा काटजना राजा ङेहा। होखुरीक याङ्च राजा ङेम्हन्या की होसे चही घाङ्च र बलियो छान्ख्यो, अनी होखुरीककी लडाइयाङ अगुवाइ जाट्की ह्योक्ख्यो। परमेसोरै इसे अनुरोध मन मापर्नन्या तर पनि होसकै होखुरीकै पाच लेकान राजा याहा।
बाइबलको कथा: न्यायकर्ता १-३; ६-८ बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।