38. ३८. येसुकी धोका
हरेक वर्ष, यहुदीकै निस्तार चाड मन्डीच जाट्नन्या। इसे काट उत्सव लेया जुन वास्टै वर्ष अघी कुजाट्न परमेसोरै होखुरीकुङ पुर्खाकोलाक मिश्रदेसुङ दासत्वलकीङ बचडीमन्या डेच सम्झनाङ मन्डीमन्या। येसुये पहिलो खेप खुलमखुल्ला प्रचार र शिक्षा याखी थाल्नन्या करिब सोम वर्ष पछि, होसकै लहो चेलाकोलाक होखुरीकखाटा यरुशलेमाङ निस्तार चाड मन्डीकी मीमन जाट्च कुरा डेया, अनी इसे र डेया कि होसको होला सिमन ले।
येसुओ चेलाको मढ्याङ यहुदा म्यार्मीन जाट्च काट जना भर्मी लेया। यहुदा चेलाकुङ पैसौ थैलीयो जिम्मा लाच भर्मी लेया, तर होसे पैसाकी साह्रै प्रेम जाट्नन्या र थैलिलकीङ पैसा खुस्नन्या। येसु र चेलाको यरुशलेमाङ टार्हाछ पछि, यहुदा यहुदी अगुवाको लेठाङ नुङार पैसा लार येसुकी धोका याछ प्रस्ताव डा। यहुदि अगुवाकै येसु मसिह ले डेम स्वीकार जाट्न्या र होसकोकी साट्च षडयन्त्र जाट्न न लेया डेच कुरा होसकी थाहा लेया।
प्रधान पुजाहारीयो नेतृत्वाङ, यहुदि अगुवाकै येसुकी बिस्वासघाट जाट्कीयो लागी यहुदाकी तीस वटा सिक्का चाँदियो सिक्काको याहा। अगमबक्टाकै भबिस्यवाणी जाट्नाङ लेखान इसे कुरा छान्की राहा। यहुदै इसे कुराङ मन्जुर छाना र पैसा लार होटै नुङा अनी येसुकी घोकी सहायता जाट्कीयो लागी मौकाको पाकी थाला।
यरुशलेमाङ, येसुये लहो चेलाकोखाटा नीस्तार चाड मन्डीया। निस्तार चाडौ भोजौ समयाङ, येसुये हीर रोटीको ला र होसकी ग्याक्का। होसकै डेया, “इसे लौ र जेउ। इसे ङौ सरिर हो, जुन नाखुरीकुङ लागी याछ हो। इसे ङौ सम्झनाङ जाट्च जाट्नी।” इसे प्रकारै, येसुये डेया कि होसकुङ शरिर होखुरीकुङ लागी बलिदान छान्ले।
अनी येसुये कचौरा ला र डेया, “इसे गौ। इसे नयाँ करारौ ङौ हीउ हो, जुन पाप क्षमौ लागी जोकाक्च हो। नाखुरीकै हरेक पटक इसे गानाङ ङौ सम्झनाङ जाट्च जाट्नी।”
होटै येसुये चेलाकोलाक डेया, “नाखुरीक मढ्याङ काट जनै ङाकी धोका याल्हे।” चेलाको छक्क पर्या र सुये याङ्च जाट्की पामे डेयार गीना। येसुये डेया, “सुकी मै रोटीयो टुक्रा याल्हे, होसे न बिस्वासघाटी हो।” अनी येसये होसे रोटीयो टुक्रा यहुदाकी याहा।
यहुदै रोटी लाच पछी, शैतान होसे भिट्री पर्या। यहुदा होटै बाहिर ख्योहा येसुकी घोवाक्की सहायता जाट्कीयो लागी यहुदि अगुवाको लेठाङ नुङा। होसे नाबिक समय लेया।
भोजनपछि, येसु र होसकुङ चेलाको ह्वाचै जैटुन डाँडाङ नुङा। येसये डेया, “नाखुरीकै छिनी नाबिक ङाकी डास्ले। ही रीक्ङने, “गोठलाकी प्रहार जाट्ले र पट्ट न भेडाको तितर बितर छान्ले।”
पत्रुसै जवाफ याहा, “अरु पट्टये नाकोकी डास्नाङ र ङा नाकोकी माडास्ले
अनि पत्रुसै येसुकी डेया, “ङा सिकी पर्नाङ र ङा सिन्र नाकोकी इन्कार माजाट्ले
अनी येसु होसकुङ चेलाको खाटा गेतसमनी डेच ठावाङ नुङा। येसये होसकुङ चेलाकोलाक परिशाण मापर्ख्यो डेम प्रार्थना जाट्नी डेया। अनी येसु लाहा प्रार्थना जाट्की नुङा।
येसुये सोम खेप प्रार्थना जाटा, “हे बोइ, सम्भव ले डेनाङ ङाकी इसे कचौरौ कष्ट गाकी मापर्ख्यो। तर भर्मीकुङ पाप क्षमौ लागी अरु कुसेर लाम माले डेनाङ, नाकुङ इच्छा पुरा छान्ख्यो।” येसु वास्टै विचलिट लेया र होसुङ नामचास हीवौ थोपाको लेखान लेया। परमेसोरै सोर्गडुटकी होसको लेठाङ सक्टी याखी बिर्न्हका।
प्रार्थनौ समय पछि, येसु होसकुङ चेलाको लेठाङ ल्हेस्न राहा, तर होखुरीक मिमिक झ्युक्ङ ङुमन्या। जब होसको तेस्रो खेप ल्हेसा, येसुये डेया, “सोना
यहुदि अगुवाको, सैनिकको र तरवार र लाट्ठी बुच भिडौ साथाङ यहुदा राहा। होसे येसु लेठाङ राहार डेया, “प्रणाम, गुरुज्यु,” अनी होसकोकी चुम्मा जाटा। इसे यहुदि अगुवाकोलाक होखुरीकै सुकी घोकी पर्च हो डेम ठम्मडीकीयो लागी सङ्केत लेया। अनी येसये डेया, “यहुदा, ही चुम्मै नाङ ङाकी धोका याल्हे?”
जब सेनाकै येसुकी घोवा, पत्रसै तरवार डोना र प्रदान पुजाहारीयो काट जना नोकरौ मेनेकेप चेम याहा। येसुये डेया, “तरवार पारी न डौ
बाइबलको कथा: मत्ती २६:१४-५६; मर्कूस १४:१०-५०; लूका २२:१-५३; यूहन्ना १२:६; १८:१-११ बाट
खुले लाइसेंस (CC BY-SA 4.0) के अंतर्गत उपयोग करने, बदलने और साझा करने के लिए निःशुल्क।