34. प्रभु यीशु बिजी कहाणियां री शिक्षा दिये है

प्रभु यीशुए परमेश्वर रा राज्य रे बारा मे और भी बोत सी कहाणियां हुणांई। उदाहरण रे लिए, वणीं केयूं के, "परमेश्वर रो राज्य एक हरबा(मतलब?) रा बीज रे हरिको है जणांए कणीं आपणें खेत मे वावी दिदो। और थां जाणों हो के हरबा रो बीज सब बीजां मे सबहूं छोटो वे है।"

पण जेरां हरबा रो बीज बढ़ी जावे है, तो वो वगीचा रा सब रुंकडा मे सबहूं बड़ो वेई जावे है। और अतरो बड़ो के सब पेतकां आविन वणांरी ड़ालियां पे आराम करीं हीं।

प्रभु यीशुए वणांने एक बीजी कहाणी और वताई के, "परमेश्वर रो राज्य एक खमीर रे हरिको है। जणांए लेईन एक स्त्री आटा मे मिलाई देवे है, जेरां वो पुरा आटा मे फैल जावे है।"

स्वर्ग रो राज्य भी वणां खजाना रे हरिको है, जणांए कणीं लेईन आपणें खेत मे हपाडी दिदो। पसे कणां बिजा व्यक्ति ने वो खजानों मलीं ग्यो और वणीं वणांने पावां री बोत ही लालसा किदी। अणीं वाते वणीं वणां खजाना ने पासो जगामे गाड़ दिदो। पसे वो अतरो आनन्द हुं भरायो हको हो, के वणीं जाईन आपणों सब कुछ वेच दिदो। ताकि वो वणां खेत ने खरीद सके जटे वो खजानों हो।

स्वर्ग रो राज्य एक बोत ही किमती शुद्ध मोती रे हरिको भी है। जेरां कोई मोतियां रो व्यापारी वणांने पाई लिए है, तो वो वणांने खरीदवा रे लिए आपणों सब कुछ वेच दिये है।

वटे थोडाक लोग हा ज्या होचता हा के परमेश्वर वणांने अणीं वाते स्वीकार करेगा क्योंकि वा लोग भलो काम करीं हीं। और या लोग असा लोगां ने तुच्छ मानता हा ज्या वणां भला कामां ने नी करता हा। अणीं वाते प्रभु यीशुए वणांने या कहाणी वताई के, "दो आदमी हा और दोई जणां प्रार्थना करवा रे लिए मंदिर मे ग्या। और वणांमे हुं एक चुंगी लेवा वालों हो, और बिजो एक धार्मिक अगुवो हो।"

वणीं धार्मिक अगुवे अणीं प्रकार हुं प्रार्थना किदी के, हे परमेश्वर, थारो धन्यवाद वे के मुं बिजां लोगां रे हरिको नी हूं - जिस्तर के डाकू, अन्यायी मनक, व्यभिचारी, या अटे तक के अटे उपस्थित वणां चुंगी लेवा वालां रे हरिको एक पापी नी हूँ।"

उदाहरण रे लिए, मुं हर हप्ता मे दो बार उपवास राखूं हूँ, और मुं मने मलवा वालां धन और सामान रो बराबर दसवों हिस्सों थने देऊँ हूँ।

पण वो चुंगी लेवा वालों वणां धार्मिक अगुवा हुं बोत ही छेटी ऊबो वेई ग्यो। पसे वणीं ऊपर स्वर्ग री ओर आपणीं आँखां भी नी उठाई। लेकिन अणांरे बजाए, वणीं आपणीं मुट्ठी हुं आपणीं छाती ने पीटता हका प्रार्थना किदी के, 'हे परमेश्वर, कृपा करिन मारा पे दया कर क्योंकि मुं एक पापी हूँ।'

पसे प्रभु यीशुए केयूं के, "मुं थां हुं सई केऊँ हूँ, के परमेश्वरे वणां चुंगी लेवा वालां री प्रार्थना ने हुणीं और वणांने धर्मी घोषित किदो। पण वणीं वणां धार्मिक अगुवा री प्रार्थना ने पसंद नी किदी। परमेश्वर हर एक घमंडी रा सिर ने नीचो करेगा, पण वो हर एक वणां व्यक्ति ने आदर देगा ज्यो खुद ने नम्र करे है।"