36. रूपान्तरण

एक दन, प्रभु यीशुए आपणें तीन चेलां, पतरस, याकूब, और यूहन्ना ने आपणें हातीं लिदो। (यो यूहन्ना नाम रो चेलो वो व्यक्ति नी है, जणीं प्रभु यीशु ने बपतिस्मा दिदो हो।) वा प्रार्थना करवा रे लिए एक ऊँचा मंगरा पे ग्या।

जेरां प्रभु यीशु प्रार्थना करी रेयो हो, तो वणांरो चेहरो सूरज री तरह उज्जवल वेई ग्यो। और वणांरा कपड़ां भी एकदम सफेद वेई ग्या, जिस्तर पृथ्वी पे कोई कर सके है वणांहुं भी बढ़िन सफेद।

पसे मूसा और एलिय्याह वटे प्रकट विया। और या पुरूष अणीं पृथ्वी पे अणां समय हुं बोत सालां पेले रेता हा। वणां प्रभु यीशु हुं वणांरी मृत्यु रे विषय मे वात किदी, क्योंकि वो बोत ही जल्दी यरूशलेम मे मरी जाएगा।

जेरां मूसो और एलियो प्रभु यीशु हुं वात करी रेया हा जेरां पतरसे प्रभु यीशु हुं केयूं के, "आपणें लिए अटे वेणों भलो है। मां अटे तीन मंडपां ने वणांवाँ, एक थारे लिए, एक मूसा रे लिए, और एक एलिय्याह रे लिए।" पण पतरस नी जाणतो हो के वो कई केई रेयो है।

जेरां पतरस वात करी रेयो हो, तो एक चमकदार वादलों नीचे आविन प्रभु यीशु पे छाई ग्यो। पसे वणां वादलां मे हुं एक आवाज ने आवती हकी हुण्यी। और वणीं वादलां मे हुं केयूं के, "यो मारो बेटो है जणांहु मुं प्रेम करूँ हूँ। और मुं वणांहुं बोत ही प्रसन्न हूँ। वणांरी हुणों।" पसे वा तीने चेला समकीं ग्या और जगापे पड़ी ग्या।

पसे प्रभु यीशुए वणांने छुयां और वणांहुं केयूं के, "समको हके। उठी जाओ।" पसे वणां चारी ओर देख्यो, तो ज्यो भी वटे हो वो केवल प्रभु यीशु हो।

प्रभु यीशु ओर वा तीने चेला वणां मंगरा हुं पासा नीचे उतरी आया। पसे प्रभु यीशुए वणांहुं केयूं के, "अबार ज्यो अटे वियो है वणांरी चर्चा कणां बिजा हुं मत करजो। मुं बोत ही जल्दी मरी जाईं लेकिन पासो जीवित वेई जाऊँगा। वणांरे बाद, थां बिजां लोगां ने ये वात वताई सको हो।"